Uber
Uber Technologies Inc. ; Uber (Убер) — АНУ-ын Сан-Франциско хотын олон улсын олон нийтийн компани. Такси болон хувийн жолоочийг байгаа газраа дуудах, хоол хүргэлтийн үйлчилгээг үзүүлж тэдгээр үйлчилгээнийхээ төлбөрийг төлөх зориулалттай гар утасны програмыг бүтээсэн компани юм. Хэрэглэгч Uber програмыг ашиглан жолоочтой машинаа захиалж, заасан цэг хүртэлх хөдөлгөөнийг хянадаг байна. Ихэнх тохиолдолд жолооч нар өөрсдийн машин, түүнчлэн такси компаний машиныг ашигладаг байна. Мөн нэг давуу тал нь анх такси захиалахад хүргэж өгөх үйлчилгээний үнэ урьдчилан гардаг байна. Ихэнх улс оронд төлбөрийн 67% нь жолооч, 33% нь Uber авдаг байна.
Нэр
засварлахГерман хэлээр "über" гэдэг нь "дээд" эсвэл "дээд талд" гэсэн утгатай бөгөөд ихэвчлэн өндөр түвшний эсвэл дээд зэрэглэлийн гэсэн утгаар ашигладаг. АНУ-д "uber" нь 20-р зууны эхний хагаст "супер" гэсэн үгний хэллэг болсон юм. "UberCab" компанийн анхны нэрийг монголоор "Супер такси" гэж орчуулж болно.
Түүх
засварлахUber (анх UberCab) компанийг 2009 онд анх Тревис Каланик, Гарретт Кэмп нар үүсгэн байгуулсан бөгөөд тэр жилийн зун ижил нэртэй программыг гаргасан юм. Эхэндээ Uber системд хамрагдсан жолооч нар зөвхөн "Lincoln Town Car", "Cadillac Escalade", "BMW Series 7", "Mercedes-Benz S550" зэрэг тансаг зэрэглэлийн автомашинуудыг ашиглаж байсан бол 2012 онд автомашинуудын жагсаалтыг хямд ангиллаар өргөжүүлсэн (шинэ үйлчилгээ нь UberX ) гэж нэрлэгдэж, компанийг олон улсад ашиглаж өргөжүүлэх ажил эхэлсэн байна.