араа

Монголоор

Үгийн дуудлага

[ara:]

Үндэсний бичиг

ᠡ‍ᠠ‍᠊ᠷ‍ᠠ‍᠊ᠭ᠎᠎ᠠ
ᠡ‍ᠠ‍᠊ᠷ᠎ᠠ

(араг-а)

Галиглах зарчим

Үгийн утга

I нэр.

1. Хүн, амьтны соёоноос хойших том шүд
2. Өрөлбө, хайч зэрэг хавчих юмны зуух ааг газар;

II.

1. араа тоть амьт. (Америк тивийн халуун орны тоть, өвөггүй, өнгө улаан, хөх, ногоон холимог, гоёмсог өдтэй, махыг нь хүнсэнд хэрэглэнэ).

Нийлмэл үг

агт араа - хорин наснаас хойш ургах угийн араа

арааны шүлс гоожих/арааны шүлс асгарах - а.амтархах зэрэгт шүлс ихээр гарах; б.шилж. юманд хорхойсон шунах

араа солих - хүрдний зэрэглэлийг солих

араа шүд - хэрчлээст шүд

хурдны араа - хурдны хайрцаг

Зөв бичихзүй

Үг хувилгах зарчим

Кирил бичгийн зөв бичихзүй

а|раа нэр. *~ны шүлс гоожих, арааны, араанд, араанаас

Хоршоо үг

• араа соёо - үүдэн шүднээс хойших шүд
• араа хумс - шүд хумс

Хэлц үг

Өвөрмөц хэлц

араандаа зуух - муу санах, хорсол өвөрлөх, өширхөх, занах

арааны шүлс асгарах - шунах~Араанаас чихэртэй шүлс асгараад оршуулгын ганц нэг хундага юм олдож магадгүй гэж бодогдоод явчихлаа (Ж.Дашзэгвэ, Хүйтэн чулуу).

араагаа зуух - хорсох, хорсон занаж ажиг дарах~Итгэлт энэ тухайгаа хэнд ч хэлээгүй бөгөөд нүүрэн дээрээ Батад юм санаагүй юм шиг дүр үзүүлэвч цаанаа араагаа зууж элдвээр хавчдаг болов (Ч.Лодойдамба, Тунгалаг тамир).

араандаа зуух - муу санах, хорсол өвөрлөх~Манай дарга ч бас чамбай хүн шүү дээ. Yүрэг даалгаврыг нь биелүүлэхгүй өөдөөс нь цор цор гэсэн хүнийг араандаа зууна (Д.Дорж, Мялаалга).

арааны шүд нь бүтэх - муу юмны хүчин гүйцэж хор бүрдэх байдлын дүрслэл~...бушуу шаламгай бүргэд түүнийг эргэж завдалгүйгээр гүйн босоод хөлөөс нь даврин авсанд л мужаан нэг тонгорч авсан боловч арааны шүд нь бүтсэн энэхүү амьтан амны сүү нь арилаагүй хүүхдийг юу байх билээ (Цагаанлянхуа, Талын бүргэд).

↑ хорхойтой араандаа зуух

Хэвшмэл хэлц

Арван гурав хүрвэл

Араа шүд сольдог