галуу

Монголоор

Үгийн дуудлага

[ǧalu:]

Үндэсний бичиг

ᠭᠠ᠊ᠯ‍ᠠ‍ᡍᠣ

(галагу)

Галиглах зарчим

Үгийн утга

амьm.

1. Урт хүзүүтэй, хавтгай хамшгар урт хошуутай, хөөвөр өд сайтай, усны, нүүдлийн шувуу

Нийлмэл үг

галуу үржүүлэх - галуу өсгөх

галууны байр/галууны хашаа - галуу байрлах газар

галууны дэгдээхэй/галууны зулзага - галууны үр төл

бор галуу амьт. - зэрлэг галууны нэг зүйл

хярууч галуу амьт. - зэрлэг галуу

чүй галуу - нэг зүйл хар толгойт галуу

галуун идээр урга. - нуга, элсэн товцог, гуу жалгын хөвөө ирмэгээр ургадаг олон наст өвс

галуун таваг урга. - шувууны таваг мэт хэлбэр бүхий навчтай, хорин сантиметр орчим өндөр, ишийн бүдүүн нь дэрсний хир, говирхог газар ургадаг, шарилжны төрлийн дэрсэрхүү өвс

Зөв бичихзүй

Үг хувилгах зарчим

Кирил бичгийн зөв бичихзүй

га|луу амьт.. *~н хү­зүүт (өндөр нарийн хоолойтой шил), галууны, галуунд, галуугаар, галуу­наас, о.тоо галуунууд

Үндэсний бичгийн зөв бичихзүй

ᠭᠠ᠊ᠯ‍ᠠ‍ᡍᠣ᠊᠊ᠨ ᠊ᠣ
ᠭᠠ᠊ᠯ‍ᠠ‍ᡍᠣ᠊᠊ᠨ ᠳ᠋ᠣ
ᠭᠠ᠊ᠯ‍ᠠ‍ᡍᠣ ᠊ᠢ᠊᠊ᠢ
ᠭᠠ᠊ᠯ‍ᠠ‍ᡍᠣ᠊᠊ᠨ ᠡᠴ᠊‍᠊ᠨ
ᠭᠠ᠊ᠯ‍ᠠ‍ᡍᠣ ᠪᠡ᠊ᠷ
ᠭᠠ᠊ᠯ‍ᠠ‍ᡍᠣ ᠲ᠋‍ᠠ‍᠊ᠢ
ᠭᠠ᠊ᠯ‍ᠠ‍ᡍᠣ ᠡᠣ᠊᠊ᠷᠣ᠊ᡍᠣ
ᠭᠠ᠊ᠯ‍ᠠ‍ᡍᠣ ᠪᠡ᠊‍᠊ᠨ
ᠭᠠ᠊ᠯ‍ᠠ‍ᡍᠣ ᠨᠣ᠊ᡍᠣ᠊ᠣ᠊᠊ᠨ

/~ны /~д /~г /~аас /~аар /~тай /~руу /~аа /~ууд

Хоршоо үг

• ангир галуу - усны шувууд
• хун галуу - хун, галуу зэрэг үзэсгэлэнтэй шувуу

Хэлц үг

Өвөрмөц хэлц

галуу дуурайж хэрээ хөлөө хөлдөөх - өөрт ахадсан, зохисгүй юм дуурайж хохирох

галуун хүзүүт - өндөр нарийн хоолойтой шил, ваараар хийсэн сав, голдуу архи дарс хийнэ

галуу дуурайж хэрээ хөлөө хөлдөөх - өөрт ахадсан, зохисгүй юм дуурайж хохирох~Хөнжлийнхөө хэрээр хөлөө жийсэн нь дээр байлгүй дээ хүү минь. Галуу дуурайж, хэрээ хөлөө хөлдөөнө гэгчийн үлгэрээр байнд ч үгүй банзанд ч үгүй юм болж хоцров.

галуун хүзүүт - өндөр нарийн хоолойтой шил, ваараар хийсэн сав~Хүүхнээр дахин хэд дуу дуулуулж галуун хүзүүт хэдийг шавхав (С.Эрдэнэ, Малын хөлийн тоос).

↑ халиу галуу шиг

Хэвшмэл хэлц

Гавьяандаа эрдэж

Галуу унах

Газар газрын зан нь ондоо

Галуу тахианы дуу нь ондоо

Гай газар доороос

Галуу усан дотроос

Галуу ганц дуугарвал ган арилгадаг

Хэрээ хэд дуугарвал боохой ирдэг

Галуу ганц дуугарвал он ирдэг

Хэрээ хэд бархиравч он ирдэггүй

Галуу гарвал дуутай

Хүн явбал нэртэй

Галуу дуугарвал зун ирдэг

Хэрээ дуугарвал зуд ирдэг

Галуу дуурайж

Хэрээ хөлөө хөлдөөх

Галуу нугас нуураа зорьдог

Гадны гийчин гэрээ зорьдог

Галуу сахисан хэрээ усанд унадаг

Үүд алдалж зогсвол гарз гардаг

Галуу унавч гарч чадахгүй

Тогоруу унавч тойрч чадахгүй

Галуу унавч гарч чадахгүй

Жигүүр ургавч зайлж чадахгүй

Галуу явбал дуугаа үлдээнэ

Хүн явбал нэрээ үлдээнэ

Хүн нэрээ үлдээнэ

Галуу дуугаа хоцрооно

Хүн явбал нэрээ гаргана

Галуу явбал дуугаа гаргана

Аман зохиолд орсон нь

Зүйр үг

Галуу явбал дуугаа

Хүн явбал нэрээ

Тайлбар: хэзээ хаана ч явсан нэр төрөө хичээж хамгаалж явах нь чухал