өртөө

Монголоор

Үгийн дуудлага

[цrtц:]

Үндэсний бичиг

ᠡᠣ᠊᠊ᠢ᠊᠊ᠷᠳ᠋‍ᠠ‍ᠭᠡᠡ᠋

(өртэгэ)

Галиглах зарчим

Үгийн утга

нэр.хуучир.

1. Албаны хүмүүс, албан зар, бичиг зэргийг дамжуулах өнгөрүүлэх, хүргэх морин хөсөгтэй буудлын газар
2. Гучин километр орчим газар, морин өртөө хоорондын зай
3. Галт тэрэг, машин тэрэг түр зогсох, дамжин өнгөрөх газар
4. Засаг захиргааны зарим үндсэн шатны нэгж, ажил хэргийг гүйцэтгэхэд зориулан байгуулсан бай­гууламж.

Нийлмэл үг

морин өртөө - мориор улаа нэхэж, алба залгуулах үүрэг бүхий газар

өртөөний алба - албаны хүмүүс, албан зар бичиг зэргийг дамжуулан өнгөрүүлэх, хүргэх ажил

өртөө хийх - өртөөний алба залгуулах

өртөө дам­жих - буудлаар дайран явах

өртөөгөөр явах - өртөө дамжин явах

навч өртөө хуучир. - Улиастайн жанжин, Ховд, Их хүрээний сайд, Хиагт аймгийн жасаад, олон хошуу, шавийн тамгын газрын хооронд элч бичиг нэвтрүүлэхийн тулд манж нарын байгуулсан орон нут­гийн өртөө

суман өртөө хуучир. - холд зориулан байгуулсан өртөө

чөдөр өртөө хуучир. - Бээжингээс Ховд хүрэх зам дагуу байгуулсан өртөөнөөс салбарлан үүсгэсэн өртөө

дөрвөн өртөө газар - зуун хориод километр газар

галт тэрэгний өртөө - төмөр замын дагуу байгуулсан гал тэрэг зогсох газар

өртөө яндар - гал тэрэгний өртөөнд аянчин тэрэгнээс буух, гарах, эд бараа ачиж буулгахад зориулсан төмөр замаас өндөр зүйл

Зөв бичихзүй

Үг хувилгах зарчим

Кирил бичгийн зөв бичихзүй

өр|төө нэр. ~ний улаач (гучин км газар) хоёр ~ газар (зогсоол) галт тэрэгний ~, өртөөний, өртөөнд, өртөөнөөс, өр­төөгөөр, о.тоо өртөөнүүд

Хоршоо үг

• өртөө буудал - зам дагуу байгуул­сан зогсоол газар
• өртөө улаа - албан хэргээр явагчдын буудаллах байр, унаа хөсгөөр хангах буудлын газар