Franz Beckenbauer

Franz Beckenbauer
President Onorarju	;
President Onorarju
Ħajja
Twelid	Richard-Wagner-Straße 19 (München) (en) u Munich, 11 Settembru 1945
Nazzjonalità	Ġermanja tal-Punent; Ġermanja
Mewt	Salzburg, 7 Jannar 2024
Post tad-dfin	Friedhof am Perlacher Forst (en)
Familja
Ulied	uri Stephan Beckenbauer (en) ;
Familja	uri Luca Beckenbauer (en) (neputi);
Edukazzjoni
Lingwi	Ġermaniż
Okkupazzjoni
Okkupazzjoni	plejer tal-futbol; kowċ; professional athlete (en) ; functionary (en) ; coach (en)
	Mudell:Infobox biography/sport/football
	Parteċipant 1974 FIFA World Cup (en) ; 1970 FIFA World Cup (en) ; 1966 FIFA World Cup (en) ; UEFA Euro 1972 (en) ; UEFA Euro 1976 (en) ; UEFA Euro 1988 (en) ;
Pożizzjoni jew speċjalità	difensur; libero; midfilder
Piż	79 kg
Tul	181 cm
Premjijiet	List German Footballer of the Year (1966) ; Bavarian Order of Merit ; Order of Merit of North Rhine-Westphalia (2009) ; Silbernes Lorbeerblatt ; Bayerische Verfassungsmedaille in Gold ; Commander's Cross of the Order of Merit of the Federal Republic of Germany (2006) ; Golden Honorary Ring of the City of Munich ; Merit Cross of the Lower Saxony Order of Merit (1st class) (26 Jannar 2008) ; Steiger Award ; Cross of the Order of Merit of the Federal Republic of Germany (1976) ; Ballun tad-Deheb ; [[]] (2011) ; Bayerische Verfassungsmedaille (2012) ; Bayerischer Sportpreis (2005) ; Bravo Otto (1974) ; BigBrotherAwards (2005) ; Hall of Fame des deutschen Sports ; German Footballer of the Year (1976) ; German Footballer of the Year (1974) ; German Footballer of the Year (1968) ; honorary golden medal of the state capital Munich ; Askania Award (2023) ;
Psewdonomu	Der Kaiser

Franz Anton Beckenbauer (pronunzja bil-Ġermaniż: [fʁants ˈʔantoːn ˈbɛkn̩ˌbaʊɐ]; twieled fil-11 ta' Settembru 1945 – miet fis-7 ta' Jannar 2024) kien plejer u kowċ professjonali tal-futbol. Imlaqqam "Der Kaiser" ("l-Imperatur"), Beckenbauer jitqies bħala wieħed mill-aqwa plejers u kowċis tal-futbol fl-istorja.^[1]^[2] Beckenbauer kien plejer versatili li beda l-karriera tiegħu bħala midfielder, iżda sar magħruf bħala difensur ċentrali. Spiss jiġi akkreditat li vvinta r-rwol modern tal-libero.^[3] Huwa kiseb suċċess fil-livell tal-klabbs u fil-livell internazzjonali, u huwa wieħed mid-disa' plejers li rebħu t-Tazza tad-Dinja tal-Futbol tal-FIFA, it-Tazza tal-Kampjonat Ewropew, u l-Ballun tad-Deheb.^[4]

Beckenbauer ġie kklassifikat darbtejn bħala l-Plejer tas-Sena tal-Futbol Ewropew, u lagħab 103 darbiet għall-Ġermanja tal-Punent, u lagħab fi tliet Tazzi tad-Dinja u f'żewġ Kampjonati Ewropej. Huwa wieħed minn tliet irġiel, flimkien mal-Brażiljan Mário Zagallo u l-Franċiż Didier Deschamps, li rebaħ it-Tazza tad-Dinja bħala plejer u bħala kowċ; huwa għolla t-Tazza tad-Dinja bħala kaptan tat-tim fl-1974, u reġa' għolla t-tazza bħala kowċ fl-1990. Huwa kien l-ewwel kaptan li għolla t-Tazza tad-Dinja u t-Tazza tal-Kampjonat Ewropew fil-livell internazzjonali u t-Tazza Ewropea fil-livell tal-klabbs. Huwa ssemma fit-Tim Dinji tas-Seklu 20 fl-1998, fit-Tim tal-Ħolm tat-Tazza tad-Dinja tal-FIFA fl-2002, fit-Tim tal-Ħolm tar-Rebbieħa tal-Ballun tad-Deheb fl-2020, u fl-2004 tniżżel fil-lista tal-FIFA tal-aqwa plejers ħajjin tal-futbol dinji.^[5]^[6]

Fil-livell tal-klabbs mal-Bayern Munich, Beckenbauer rebaħ it-Tazza tat-Tazzi fl-1967 u tliet Tazzi Ewropej konsekuttivi mill-1974 sal-1976. Dawn l-aħħar rebħiet għamluh l-ewwel plejer li rebaħ tliet Tazzi Ewropej bħala kaptan tal-klabb tiegħu. Huwa sar kowċ u iktar 'il quddiem il-President ta' Bayern Munich. Wara żewġ perjodi man-New York Cosmos huwa ddaħħal fil-Klassifika tal-Iżjed Persuni Importanti tal-Futbol Nazzjonali tal-Istati Uniti.^[7]

Beckenbauer mexxa l-isforz biex il-Ġermanja rnexxielha tospita t-Tazza tad-Dinja tal-FIFA tal-2006 u kien il-President tal-kumitat organizzattiv. Huwa ħadem bħala kummentatur ma' Sky tal-Ġermanja, u għal 34 sena kien jikteb l-artikli għat-tabloid Bild, it-tnejn li huma sal-2016.^[8] F'Awwissu 2016, tħabbar li Beckenbauer kien qed jiġi investigat għal frodi u ħasil tal-flus b'rabta mat-Tazza tad-Dinja tal-2006.^[9] L-investigazzjoni ngħalqet mingħajr verdett fl-2020 għaliex il-kawża ġiet preskritta.^[10]

Snin bikrin

Beckenbauer twieled wara t-Tieni Gwerra Dinjija fi Munich, u kien it-tieni iben ta' missieru, il-ħaddiem postali Franz Beckenbauer, u ta' ommu Antonie (kunjomha xebba Hupfauf). Huwa trabba fid-distrett tal-klassi tal-ħaddiema ta' Giesing, u minkejja ċ-ċiniżmu ta' missieru rigward il-logħba tal-futbol, huwa beda jilgħab il-futbol ta' disa' snin fit-tim taż-żgħar ta' SC Munich '06 fl-1954.

Oriġinarjament beda jilgħab bħala attakkant ċentrali, u l-idolu tiegħu kien ir-rebbieħ tat-Tazza tad-Dinja tal-FIFA tal-1954 Fritz Walter u kien iżomm mat-tim lokali ta' 1860 Munich, li dak iż-żmien kien l-aqwa tim fil-belt, minkejja li ġew relegati mill-ewwel diviżjoni, l-Oberliga Süd, fis-snin 50 tas-seklu 20. "Minn dejjem kienet il-ħolma tiegħi li nilgħab magħhom", ikkonferma iktar 'il quddiem. Il-fatt li ngħaqad mat-tim taż-żgħar tal-Bayern Munich fl-1959, minflok it-tim favorit tiegħu ta' 1860 Munich, kien ir-riżultat ta' tornew jaħraq taż-żgħar taħt l-14-il sena fir-raħal fil-qrib ta' Neubiberg. Beckenbauer u sħabu tat-tim tiegħu kienu jafu li l-klabb tagħhom ta' SC Munich '06 ma kellux il-finanzi biex jibqa' jkollu t-timijiet taż-żgħar, u kienu qablu li jingħaqdu mal-1860 Munich bħala grupp malli jintemm it-tornew. Id-destin ried li SC Munich u 1860 Munich jiltaqgħu proprju fil-finali u għadd ta' fawls matul il-logħba eventwalment wasslu għal konfront bejn Beckenbauer u l-midfielder ċentrali avversarju. Dan l-avveniment baqa' jberren f'moħħ Beckenbauer u sħabu anke wara l-logħba, u b'hekk iddeċidew li minflok jingħaqdu mat-tim taż-żgħar tal-Bayern Munich.

Fl-1963, meta għalaq 18-il sena, Beckenbauer spiċċa f'kontroversja sħiħa meta ġie żvelat li t-tfajla tiegħu ta' dak iż-żmien kienet tqila u li hu ma kellu l-ebda intenzjoni li jiżżewwiġha; huwa tkeċċa mit-tim taż-żgħar nazzjonali tal-Ġermanja tal-Punent mid-DFB u tħalla jerġa' jilgħab magħhom biss wara l-intervent tal-kowċ tat-tim nazzjonali Dettmar Cramer.

Ħajja personali

Beckenbauer iżżewweġ tliet darbiet u kellu ħamest itfal, wieħed minnhom, Stephan, kien plejer tal-futbol professjonali, li miet wara marda fit-tul fil-31 ta' Lulju 2015, meta kellu 46 sena. Iben Stephan, Luca, huwa plejer tal-futbol professjonali wkoll, u jilgħab ma' SV Wacker Burghausen fir-Regionalliga Bayern. Wara li deher f'riklami għal kumpanija kbira tat-telefonija mobbli, Beckenbauer talab speċifikament li jkollu n-numru 0176 / 666666 għall-mowbajl tiegħu. F'qasir żmien ċemplulu diversi rġiel li kienu ħasbu li kien numru tat-telefon erotiku (bil-Ġermaniż "6" tiġi ppronunzjata bħala "sechs", u għandha ħoss simili għall-kelma "sess").

Beckenbauer sar konslu onorarju tal-Kosovo fl-2011. Il-President Behgjet Pacolli qal li Beckenbauer kien se jippromwovi l-kampanja tal-Kosovo għal sħubija fil-UEFA u fil-FIFA.

Saħħa u mewt

Fl-2016 u fl-2017, Beckenbauer kellu żewġ operazzjonijiet kirurġiċi f'qalbu. Fl-2018 iddaħħlitlu wkoll għadma tal-ġenb artifiċjali.

Beckenbauer miet fis-7 ta' Jannar 2024, meta kellu 78 sena, minħabba kawżi naturali kif imħabbar mill-familja tiegħu f'nota mibgħuta lid-Deutsche Presse-Agentur.

Statistika tal-karriera

Klabb

Logħbiet u gowls skont il-klabb, l-istaġun u l-kompetizzjoni
Klabb	Staġun	Kampjonat			Tazza		Ewropa		Oħrajn		Total
Klabb	Staġun	Diviżjoni	Logħbiet	Gowls	Logħbiet	Gowls	Logħbiet	Gowls	Logħbiet	Gowls	Logħbiet	Gowls
Bayern Munich	1963–64	Regionalliga Süd	0	0	—		—		6	2	6	2
	1964–65	Regionalliga Süd	31	16	—		—		8	2	39	18
	1965–66	Bundesliga	33	4	6	1	—		—		39	5
	1966–67	Bundesliga	33	0	5	0	9	0	—		47	0
	1967–68	Bundesliga	28	4	4	0	7	1	—		39	5
	1968–69	Bundesliga	33	2	6	0	—		—		39	2
	1969–70	Bundesliga	34	6	1	0	2	0	—		37	6
	1970–71	Bundesliga	33	3	9	1	8	1	—		50	5
	1971–72	Bundesliga	34	6	6	1	7	0	—		47	7
	1972–73	Bundesliga	34	6	6	0	6	1	5	0	51	7
	1973–74	Bundesliga	34	4	4	0	10	1	—		48	5
	1974–75	Bundesliga	33	1	3	0	7	1	—		43	2
	1975–76	Bundesliga	34	5	7	2	9	0	2	0	52	7
	1976–77	Bundesliga	33	3	4	0	6	1	4	0	47	4
	Total		427	60	61	5	71	6	25	4	584	75
New York Cosmos	1977	NASL	15	4	—		—		6	1	21	5
	1978	NASL	27	8	—		—		6	2	33	10
	1979	NASL	12	1	—		—		6	0	18	1
	1980	NASL	26	4	—		—		7	1	33	5
	Total		80	17	—		—		25	4	105	21
Hamburger SV	1980–81	Bundesliga	18	0	2	0	0	0	—		20	0
	1981–82	Bundesliga	10	0	3	0	5	0	—		18	0
	Total		28	0	5	0	5	0	—		38	0
New York Cosmos	1983	NASL	25	2	—		—		2	0	27	2
New York Cosmos	Total man-NY Cosmos		105	19	—		—		27	4	132	23
Total tal-karriera			560	79	66	5	76	6	52	8	754

Internazzjonali

Logħbiet u gowls fit-tim nazzjonali fis-snin differenti
Tim nazzjonali	Sena	Logħbiet	Gowls
Ġermanja	1965	3	0
	1966	12	7
	1967	5	0
	1968	9	1
	1969	6	0
	1970	12	2
	1971	9	2
	1972	7	0
	1973	10	1
	1974	15	0
	1975	7	0
	1976	7	1
	1977	1	0
Total		103	14

Il-kolonni tal-gowls u tar-riżultat huma marbuta ma' xulxin. Il-kolonna tal-gowls tindiża r-riżultat temporanju tal-logħbiet wara kull gowl skurjat minn Beckenbauer.

Lista ta' gowls internazzjonali skurjati minn Franz Beckenbauer
Nru	Data	Post	Avversarju	Gowls	Riżultat	Kompetizzjoni
1	23 ta' Marzu 1966	Rotterdam, in-Netherlands	In-Netherlands	3–1	4–2	Logħba amikevoli
2	23 ta' Marzu 1966	Rotterdam, in-Netherlands	In-Netherlands	4–2	4–2	Logħba amikevoli
3	4 ta' Mejju 1966	Dublin, ir-Repubblika tal-Irlanda	Ir-Repubblika tal-Irlanda	2–0	4–0	Logħba amikevoli
4	12 ta' Lulju 1966	Sheffield, l-Ingilterra	L-Iżvizzera	3–0	5–0	Tazza tad-Dinja tal-FIFA tal-1966
5	12 ta' Lulju 1966	Sheffield, l-Ingilterra	L-Iżvizzera	4–0	5–0	Tazza tad-Dinja tal-FIFA tal-1966
6	23 ta' Lulju 1966	Sheffield, l-Ingitlerra	L-Urugwaj	2–0	4–0	Tazza tad-Dinja tal-FIFA tal-1966
7	25 ta' Lulju 1966	Liverpool, l-Ingilterra	L-Unjoni Sovjetika	2–0	2–1	Tazza tad-Dinja tal-FIFA tal-1966
8	1 ta' Ġunju 1968	Hanover, il-Ġermanja	L-Ingilterra	1–0	1–0	Logħba amikevoli
9	14 ta' Ġunju 1970	León, il-Messiku	L-Ingilterra	1–2	3–2 (wara l-ħin regolamentari)	Tazza tad-Dinja tal-FIFA tal-1970
10	22 ta' Novembru 1970	Ateni, il-Greċja	Il-Greċja	3–1	3–1	Logħba amikevoli
11	22 ta' Ġunju 1971	Oslo, in-Norveġja	In-Norveġja	3–0	7–1	Logħba amikevoli
12	30 ta' Ġunju 1971	Copenhagen, id-Danimarka	Id-Danimarka	3–1	3–1	Logħba amikevoli
13	12 ta' Mejju 1973	Amburgu, il-Ġermanja	Il-Bulgarija	1–0	3–0	Logħba amikevoli
14	6 ta' Ottubru 1976	Cardiff, Wales	Wales	1–0	2–0	Logħba amikevoli

Statistika tal-karriera ta' kowċ

Mit-22 ta' Jannar 2014

Tim	Minn	Sa	Rekord
Tim	Minn	Sa	G	W	D	L	% ta' Rebħ	Ref.
Ġermanja tal-Punent	1984	1990	66	34	20	12	51.52
Olympique Marseille	l-1 ta' Settembru 1990	il-31 ta' Diċembru 1990	25	16	4	5	64.00
Bayern Munich	it-28 ta' Diċembru 1993	it-30 ta' Ġunju 1994	14	9	2	3	64.29
Bayern Munich	it-28 ta' April 1996	it-30 ta' Ġunju 1996	5	3	0	2	60.00
Total			110	62	26	22	56.36	—

Unuri

Plejer

Bayern Munich

Regionalliga Süd: 1964–65
Bundesliga: 1968–69, 1971–72, 1972–73, 1973–74
DFB-Pokal: 1965–66, 1966–67, 1968–69, 1970–71
Tazza Ewropea: 1973–74, 1974–75, 1975–76
Tazza tar-Rebbieħa tat-Tazza Ewropea: 1966–67
Tazza Interkontinentali: 1976

New York Cosmos

Kampjonat tal-Futbol tal-Amerka ta' Fuq: 1977, 1978, 1980

Hamburger SV

Bundesliga: 1981–82

Ġermanja tal-Punent

Tazza tad-Dinja tal-FIFA: rebbieħ: 1974; it-tieni post: 1966; it-tielet post: 1970
Kampjonat Ewropew tal-UEFA: rebbieħ: 1972; it-tieni post: 1976

Kowċ

Ġermanja tal-Punent

Tazza tad-Dinja tal-Futbol tal-FIFA: l-ewwel post: 1990; it-tieni post: 1986
Kampjonat Ewropew tal-UEFA: it-tielet post: 1988

Marseille

Ligue 1: 1990-1991

Bayern Munich

Bundesliga: 1993-1994
Tazza UEFA: 1995-1996

Individwali

Plejer

Ballun tad-Deheb: rebbieħ: 1972, 1976; it-tieni post: 1974, 1975; it-tielet post: 1966
Plejer tal-Futbol tas-Sena (il-Ġermanja): 1966, 1968, 1974, 1976
Tim tal-Bundesliga tal-Istaġun ta' kicker: 1965–66, 1966–67, 1967–68, 1968–69, 1969–70, 1970–71, 1971–72, 1972–73, 1973–74, 1974–75, 1975–76, 1976–77
Premju tal-Aqwa Plejer Żagħżugħ tat-Tazza tad-Dinja tal-Futbol tal-FIFA: 1966
Żarbuna tal-Bronż tat-Tazza tad-Dinja tal-FIFA: 1966
Membru tat-Tim tal-Istilel tat-Tazza tad-Dinja tal-FIFA: 1966, 1970, 1974
FIFA XI: 1968
Ballun tal-Fidda tat-Tazza tad-Dinja tal-FIFA: 1974
Premju tal-Aqwa Plejer tal-NASL: 1977
Ordni tal-Mertu tal-FIFA: 1984
Membru tat-Tim tal-Istil ta' Kull Żmien tat-Tazza tad-Dinja tal-FIFA: 1994
Tim tat-Tornew Ewropew tal-UEFA: 1972, 1976
Membru tat-Tim Dinji tas-Seklu 20: 1998
Membru tat-Tim tal-Ħolma tat-Tazza tad-Dinja tal-FIFA: 2002
Premju tal-Plejer Ċentenarju u ta' Personalità tal-Futbol tal-FIFA: 2004
FIFA 100: 2004
Premju Laureus għall-Għomor: 2007
Premju tal-Ġenju Universali tal-Futbol Dinji tal-IFFHS: 2007
Żarbuna tad-Deheb: rebbieħ: 2010, bħala leġġenda tal-futbol
Marca Leyenda: 2012
Premju Presidenzjali tal-FIFA: 2012
Premju Presidenzjali tal-UEFA: 2012
Membru tal-Aqwa Ħdax tal-Futbol Dinji ta' Kull Żmien tal-FIFA: 2013
Membru tal-Aqwa Ħdax tal-Futbol Dinji ta' Kull Żmien tal-Kampjonat Ewropew tal-UEFA: 2016
Stħarriġ tal-Ġublew tad-Deheb tal-UEFA: it-tieni post: 2004
L-Aqwa Plejers tal-Futbol Dinji tas-Seklu 20: ir-raba' post: 1999
L-Aqwa Ħdax ta' Eric Batty: 1966, 1967, 1968, 1969, 1971, 1972, 1973, 1974, 1975, 1976, 1977
L-Aqwa Plejer Ewropew tal-IFFHS: 1956–1990
L-Aqwa Plejer tas-Seklu tal-IFFHS: it-tielet post: 2000
L-Aqwa Plejer tas-Seklu tal-IFFHS: it-tieni post: 2000
Membru tal-Leġġendi tal-IFFHS: 2016
L-Aqwa Ħdax ta' Kull Żmien tal-Bayern Munich: 2005
Membru tal-Klassifika tal-Aqwa Plejers Sportivi tal-Ġermanja
Membru tat-Tim tal-Ħolm tar-Rebbieħa tal-Ballun tad-Deheb: 2020
Membru tat-Tim tal-Ħolm ta' Kull Żmien tal-IFFHS: 2021

Kowċ

Kowċ Ewropew tas-Sena—Premju Sepp Herberger: 1990
Premju tal-Aqwa Kowċ tas-Sena tal-Futbol Dinji: 1990
L-Aqwa Kowċ ta' Kull Żmien tal-Futbol Dinji: id-disa' u għoxrin post: 2013

Ċivili

Salib tal-Ordni tal-Mertu tar-Repubblika Federali tal-Ġermanja: 1976
Ordni tal-Mertu tal-Bavarja: 1982
Salib tal-Ordni tal-Mertu tal-Ewwel Klassi tar-Repubblika Federali tal-Ġermanja: 1986
Munita tad-Deheb Onorarja tal-Belt ta' Munich: 1995
Dottorat Onorarju tal-Akkademja Nazzjonali tal-Isport: 2004
Salib tal-Mertu tal-Kmandanti tar-Repubblika Federali tal-Ġermanja: 2006
Ordni tal-Mertu tal-Ewwel Klassi tal-Istat Federali ta' Niedersachsen: 2008
Ordni tal-Mertu tal-Istat Federali ta' Nord-Rhein Westfalen: 2009
Konslu Onorarju tar-Repubblika tal-Kosovo: 2011.

Referenzi

^ "Der Kaiser, the brains behind Germany - FIFA.com". web.archive.org. 2016-04-09. Arkivjat mill-oriġinal fl-2016-04-09. Miġbur 2024-01-09.Manutenzjoni CS1: BOT: url-oriġinali status mhux magħruf (link)
^ "Franz Beckenbauer: The Kaiser - Profiles, People - The Independent". web.archive.org. 2010-02-27. Arkivjat mill-oriġinal fl-2010-02-27. Miġbur 2024-01-09.Manutenzjoni CS1: BOT: url-oriġinali status mhux magħruf (link)
^ "FRANZ BECKENBAUER - International Football Hall of Fame". web.archive.org. 2012-05-20. Arkivjat mill-oriġinal fl-2012-05-20. Miġbur 2024-01-09.Manutenzjoni CS1: BOT: url-oriġinali status mhux magħruf (link)
^ Chakraborty, Sushan (2022-12-21). "9 legends who have won the FIFA World Cup, UEFA Champions League, and Ballon d'Or". www.sportskeeda.com (bl-Ingliż). Miġbur 2024-01-09.
^ "BBC SPORT | Football | Pele's list of the greatest". web.archive.org. 2018-10-19. Arkivjat mill-oriġinal fl-2018-10-19. Miġbur 2024-01-09.Manutenzjoni CS1: BOT: url-oriġinali status mhux magħruf (link)
^ "World All-Time Teams". web.archive.org. 2011-02-08. Arkivjat mill-oriġinal fl-2011-02-08. Miġbur 2024-01-09.Manutenzjoni CS1: BOT: url-oriġinali status mhux magħruf (link)
^ "Franz Beckenbauer - 1998 Inductee | National Soccer Hall of Fame". Franz Beckenbauer - 1998 Inductee | National Soccer Hall of Fame (bl-Ingliż). Miġbur 2024-01-09.
^ "Franz sagt Servus - Bundesliga Saison 2018/19 - Bild.de". web.archive.org. 2018-09-23. Arkivjat mill-oriġinal fl-2018-09-23. Miġbur 2024-01-09.Manutenzjoni CS1: BOT: url-oriġinali status mhux magħruf (link)
^ "Franz Beckenbauer investigated for corruption over 2006 World Cup - BBC News". web.archive.org. 2016-09-01. Arkivjat mill-oriġinal fl-2016-09-01. Miġbur 2024-01-09.Manutenzjoni CS1: BOT: url-oriġinali status mhux magħruf (link)
^ "Franz Beckenbauer's trial for corruption charges ends without verdict". Sky Sports (bl-Ingliż). Miġbur 2024-01-09.

[1] "Der Kaiser, the brains behind Germany - FIFA.com". web.archive.org. 2016-04-09. Arkivjat mill-oriġinal fl-2016-04-09. Miġbur 2024-01-09.Manutenzjoni CS1: BOT: url-oriġinali status mhux magħruf (link)

[2] "Franz Beckenbauer: The Kaiser - Profiles, People - The Independent". web.archive.org. 2010-02-27. Arkivjat mill-oriġinal fl-2010-02-27. Miġbur 2024-01-09.Manutenzjoni CS1: BOT: url-oriġinali status mhux magħruf (link)

[3] "FRANZ BECKENBAUER - International Football Hall of Fame". web.archive.org. 2012-05-20. Arkivjat mill-oriġinal fl-2012-05-20. Miġbur 2024-01-09.Manutenzjoni CS1: BOT: url-oriġinali status mhux magħruf (link)

[4] Chakraborty, Sushan (2022-12-21). "9 legends who have won the FIFA World Cup, UEFA Champions League, and Ballon d'Or". www.sportskeeda.com (bl-Ingliż). Miġbur 2024-01-09.

[5] "BBC SPORT | Football | Pele's list of the greatest". web.archive.org. 2018-10-19. Arkivjat mill-oriġinal fl-2018-10-19. Miġbur 2024-01-09.Manutenzjoni CS1: BOT: url-oriġinali status mhux magħruf (link)

[6] "World All-Time Teams". web.archive.org. 2011-02-08. Arkivjat mill-oriġinal fl-2011-02-08. Miġbur 2024-01-09.Manutenzjoni CS1: BOT: url-oriġinali status mhux magħruf (link)

[7] "Franz Beckenbauer - 1998 Inductee | National Soccer Hall of Fame". Franz Beckenbauer - 1998 Inductee | National Soccer Hall of Fame (bl-Ingliż). Miġbur 2024-01-09.

[8] "Franz sagt Servus - Bundesliga Saison 2018/19 - Bild.de". web.archive.org. 2018-09-23. Arkivjat mill-oriġinal fl-2018-09-23. Miġbur 2024-01-09.Manutenzjoni CS1: BOT: url-oriġinali status mhux magħruf (link)

[9] "Franz Beckenbauer investigated for corruption over 2006 World Cup - BBC News". web.archive.org. 2016-09-01. Arkivjat mill-oriġinal fl-2016-09-01. Miġbur 2024-01-09.Manutenzjoni CS1: BOT: url-oriġinali status mhux magħruf (link)

[10] "Franz Beckenbauer's trial for corruption charges ends without verdict". Sky Sports (bl-Ingliż). Miġbur 2024-01-09.

[1]

[2]

[3]

[4]

[5]

[6]

[7]

[8]

[9]

[10]