Lago Baikal
L lhago Baikal (russo: О́зеро Байка́л (Ozero Baykal)) ye un lhago ne l sul de la Sibéria, Rússia, antre Oublast de Irkutsk ne l noroeste i Buryatie ne l sudeste, acerca de Irkutsk. Cun 636 kn de cumprimento i 80 kn de anchura, ye l maior lhago de auga doce de la Ásia, l maior an belume de auga de l mundo, l más antigo (25 milhones de anhos) i l más perfundo de la tierra.
La superfície de l lhago Baikal ye de 31.500 kn². L lhago Baikal ye tan grande que se todos ls rius na tierra depositassen las sues augas ne l sou anterior, lhebarie pul menos un anho para anchir. Alguns sítios ultrapassan ls 1.600 n de perfundidade (dados más recentes andican 1.680 n), sendo responsable por 20% de la auga doce lhíquida de l planeta.
Zaguan nel cerca de 300 rius. Ye un habitat rico an biodibersidade, cun cerca de 1.085 spécies de plantas i 1.550 spécies i bariadades de animales, sendo coincido cumo las "Galápagos" de la Rússia. Más de 60% de l animales son andémicos: por eisemplo, de las 52 spécies de peixes, 27 son andémicas.