Pré-stória

Modelo:Stória/Épocas

La pré-stória correspunde a la era de la stória que acunteciu antes de la ambençon de la scrita (eibento que marca l ampeço de l tiempos stóricos registrados), que acunteciu alredror de 4000 a.C..

Tamien puode ser cuntestualizada para un determinado pobo ó nacion cumo l período de la stória desse pobo ó nacion subre l qual nun haba decumientos scritos. Assi, ne l Eigito, la pré-stória terminou alredror de 3500 a.C., anquanto que ne l Brasil terminou an 1500 i na Nuoba Guiné eilha terminou alredror de 1900. Para muitos storiadores l própio termo "pré-stória" ye anganhador, pus nun eisiste nada antes de la stória i si a la scrita.

La transiçon para la "stória propiamente dita" dá-se por ua era chamada proto-stória, que ye çcrito an decumientos, mas ó son decumientos un cachico apuis de la era ó decumientos sternos. Antoce, la palabra pré-stória amostra, la amportánça de la scrita para la cibelizaçon oucidental.

Ua beç que nun hai decumientos deste sfergante de la eiboluçon houmana, l sou studo depende de l trabalho de arqueólogos ó antropólogos, i a las bezes de outros cientistas, que analisan restros houmanhos i ferramientas perserbados para saber l que acuntecie.

Eidade de la Tierra

L planeta Tierra eisiste hai uns cinco bilhones de anhos. Mas na maior parte desse grande tiempo nun habie senhales de bida subre la Tierra. Las purmeiras formas de bida que aparecírun atrabeç de milhones de anhos fúrun-se tornando más cumpletas i eiboluídas, até chegar als grandes animales i al aparecimento de l grandes houminídeos, por bolta de 2 milhones de anhos atrás.

La bida na Tierra
Era	Era purmitiba	Era purmária	Era secundária	Era terciária	Era quaternária
Duraçon	Mais de um bilhon de anhos	300 milhones de anhos	150 milhones de anhos	50 milhones de anhos	Un milhon de anhos
Caraterísticas	Antenso bulcanismo; Formaçon de ls ouceanos, lagos i rius; Cadenas de muntanha; Purmeiras formas de bida (algas i batérias).	Aparecimiento de florestas pantanhosas i grande cantidade de plantas pelos continentes; Aparecimiento de ansetos, peixes, lagartos i anfíbios; Fósseles de animales.	Plantas floridas i frutíferas; Plantas coníferas; Las purmeiras abes; Purmeiros mamíferos; Lagartos gigantes (ls dinossauros).	Formaçon de cadenas de muntanhas rochosas; Zambolbimento dos primatas; Desenvolvimento dos símios (macacos); Aparecen l s hominídeos (Australopithecus)	Aparecimento de l homo sapiens; Período an que bibimos.

Períodos pré-stóricos

Drento de la debison de la stória eilaborada puls ouropeus, la ourige de la houmanidade i las purmeiras formas de Ourganizaçon de l grupos houmanhos custituen, l período más longo de nuosso passado. Assi, para facelitar l sou studo, esse período fui tamien debedido an trés grandes eras: Paleolítico, Neolítico i Eidade de l Metales.

Eolítico

Drento deste período, hai un milhon de anhos, tenerie surgido l Homo eretus. Dun modo giral este nome stá an desuso cunsiderando-se l Paleolítico l purmeiro período pré-stórico.

Paleolítico

Drento deste período, coincido cumo Eidade de la Piedra Lascada, eisisten trés debisones possibles, sendo que, mesmo drento dua de las debisones adatadas, eisiste ua cierta toleráncia quanto als lemites temporales:

Paleolítico Anferior (de 2 500 000 - 2 000 000 até 300 - 100 000 anhos atrás) ^[1]

Paleolítico Médio (300 - 200 000 até 40 - 30 000 anhos atrás) ^[2]

Paleolítico Superior (40 - 30 000 até 10 - 8 000 anhos atrás) ^[3]

ó inda ua outra debison an dous sub-períodos que ten por base l aparecimento de l Homo sapienes

Paleolítico Einicial ó Antigo - adonde stan l Paleolítico Anferior i l Médio de la debison anterior.

Paleolítico Recente - que correspunde al Paleolítico Superior de la debison anterior.

Significado

La palabra "paleolítico" ben de l griego i quier dezir "antiga piedra".

Duraçon

Ye l período de la stória de l home antre 500.000 a 18.000 anhos antes de Cristo.

Caraterísticas

L home bai çcubrindo meios de dominar la naturaleza.
Bibe an pequeinhos grupos nómadas i se abriga an cabernas.
Zambolbe la lenguaige para se quemunicar.
Fabrica utensílios de piedra, uosso, madeira. Aparecen las machadas, martielhos, láminas cortantes i arpones feitos de piedra lascada.
Fabrica anzóles i agulhas de uosso, arco i frecha de madeira.
Outeliza trajes de piel para se abrigar de l friu.
Caça, pesca i colhe fruitas i raízes cumo meio de bida.
Outeliza l fuogo para cozimento de alimentos i defesa cuntra animales.
Ampeça la arte (pinturas) nas cabernas: figuras de animales, de cadáberes i cenas de caça. Son famosas las pinturas ruprestres nas cabernas de Altamira (Spanha) i Lascaux (Fráncia).
Acradita na magie i ten sentimiento religioso: anterraba ls muortos i portegie ls túmulos cun piedras. La arte nas cabernas tenie un sentido de magie.

Mesolítico

De 20 a 10 mil anhos, tamien ye coincido cumo Eidade de la Piedra Antermediária.

Neolítico

Ferramientas agrícolas de l Neolítico i ls sous possibles zampenhos atrabeç de antigas representaçones eigípcias.

De de 10 a 6 mil anhos, coincido cumo Eidade de la Piedra Polida.

Significado

Neolítico ben de l griego i quier dezir "nuoba piedra".

Duraçon

Ye l período de la stória de l home cumprendido antre 18.000 anhos i 5.000 anhos antes de Cristo.

Caraterísticas

L home zambolbe melhores técnicas de domínio subre la naturaleza.
L clima de la tierra se torna más ameno i faborable a la bida.
Bibe an grupos maiores' (clanas i tribos), purmeiras aldés. Passa de nómada la sedentário' .
Melhorie nas habitaçones: l home sal de las cabernas i mora an casas (paliçadas i palafitas) custruídas por el.
Aperfeiçou las sues ferramientas de piedra, uosso i madeira, polindo-los. Surgiran fouces, láminas cortantes, sachos, machados i centenas de utensílios, armas i anstrumentos. Outilizou l barro para fazer potes i jarros de cerámica.
Fizo jangadas, canhas i barcos i nabegou puls mars.
Melhorou ls trajes culs telhares manuales que fazien roupas de fibras begetales (lino) i lana.
L home fixou-se na tierra i zambolbiu la agricultura, anclusibe cul arado de traçon animal. Las tarefas agrícolas éran de respunsabilidade de las mulhieres, anquanto ls homes se dedicában a la caça, a la pesca i a las tarefas pesadas.
Dedicou-se a la 'domesticaçon de animales' para la alimentaçon i transporte.
Cula ambençon de la ruodra aparecírun carroças rudimentares.
Manifestaçon de religion primitiba baseada ne ls fenómenos de la naturaleza (fuogo, raio, trobon, turmientass, bentos, chubas), ne ls astros, etc.
Aparecen menumientos i custruçones cun grandes piedras, probablemente por motibos religiosos. Surge ls menumientos megalíticos (menirs i dolmens), que éran grandes piedras fincadas ne l suolo sustentando outras piedras gigantescas. Fui l ampeço de las gigantescas custruçones que ban surgir culas cibelizaçones seguintes.
La arte zambolbiu-se cun grabaçon de figuras an uosso, piedra i madeira, i la arte de la argila zambolbiu-se cun modelaige de potes, basos, statuetas i pinturas an cerámica.

Eidade de l Metales

Abrange ls dous redadeiros milénios que son antes de l aparecimento de la scrita, alredror de 3.500 a.C.

Duraçon

Ye l período de la Pré-Stória de l home antre 5.000 a 4.000 anhos antes de Cristo.

Caraterísticas

Cula çcubierta de l uso de l minérios, cumo l cobre, l bronze i l fierro, l home de l neolítico dá un grande passo para l porgresso, abrindo nuoba era chamada de Eidade de l Metales.
Las aldés agrícolas crecen i dan lugar als centros ourbanhos' cun bários melhoramientos. Ban aparecendo cidades-stados i pequeinhos reinos' cun poder centralizado.
Aparecen nuobas armas, más poderosas, l que permitiu la alguns reinos domináren outros pula guerra, formando-se assi ls purmeiros ampérios cula persença de scrabos.
Las nuobas cibelizaçones de la Eidade de l Metales percuran-se zambolber-se acerca de l grandes rius i bals.
La agricultura tomou ampulso cun nuobas técnicas (drenaige, eirrigaçon) i nuobos anstrumentos. Aparece l comércio (a la base de trocas), la nabegaçon abança cun barcos a la bela.
Al final de la Eidade de l Metales, alredror de 4.000 a.C., aparecimento de la scrita, dá-se la passaige de la Pré-Stória para la Stória propiamente dita. Ls storiadores aceitan cumo cierto l aparecimiento de la scrita na Mesopotámia i ne l Eigito.

Ourige de la spece houmana

Charles Darwin chamou la atençon de ls cientistas de sou tiempo, al dezir que las speces eiboluíran i que l home çcende de ls macacos.

Chamamos de hominídeos todas las speces de primatas an que anclui l home moderno. Ls cientistas áchan que fui alredror de un milhon i meio de anhos atrás que alguas speces de hominídeos ampeçórun a se defrenciar de ls outros animales por las sues halbelidades de fabricar armas rudimentares de palo i piedra (para se defender i para caçar) i çcobriran que ciertas cousas de la naturaleza podien ser outelizadas cumo ferramientas.

L más antigo hominídeo, cun senhales de anteligéncia, fui çcubierto ne l sul de la África, nua gruta adonde se ancontrában oussadas fóceles, de bários hominídeos de la mesma spece, dando a antender que yá bibian an grupo. Tamien fúrun tiradas piedras que tenien sido trazidas de rius bien çtantes, yá cun antençon de aprobeitá-las cumo ferramientas.

Un cientista anglés chamado Charles Darwin fizo ua teorie chamada eibolucionismo, para splicar la eiboluçon (las stransformaçones) de las speces de l seres bibos zde ls animales ounicelulares até ls animales grandes i l própio home.

Eiboluçon Houmana

L ser houmano eiboluiu a partir de l primatas. La pré-stória de l nuossos ancestrales ancontra-se inda mui ouscura, por falta de decumientos i feitícios, mas las pesquisas i studos cuntinan, trazendo siempre nuobas çcubiertas i luzes subre l nuosso passado. Yá fúrun ancuntrados i studados bários fóceles que permitiran reconhecer bárias eras puls que passou l ser houmano.

Giralmente, aceita-se que fui an África que tubírun ourige ls purmeiros hominídeos, ls purmeiros seres cun senhales de anteligéncia.

Australopithecus

An 1924, Raymond Dart çcobriu, na África de l Sul, un fócil primata que quedou coincido cumo Australopithecus (que quier dezir "macaco de l sul"). Las análises probórun que nun se trataba de oussada de macaco, mas si dun hominídeo. Maiores studos lebórun a la cuncluson de que se trataba dun ancestral houmano cun estas caratelísticas: bípede de postura semi-eireta, altura antre 1m i 1,5m, manos libres que les permitie ousar oubjetos (piedras, madeira) para melhor defender-se i subrebibir. La posiçon semi-eireta i la liberdade de las manos, más la sue einicial capacidade anteletual, dában al Australopithecus bantaiges subre ls animales más fuortes i subre l meio-ambiente.

Pithecanthropus eretus' '

L Australopithecus acupou las tierras de parte de la África i ganhou las regiones temperadas de la Ásia i Ouropa, eiboluindo pa Pithecanthropus eretus' ' na ilha de Jaba. An 1891, fui ancontrado un fócil desse Homo eretus na ilha de Jaba. Depuis ancontrórun-se outros fóceles desse mesmo stágio de eiboluçon na Almanha i na China (an Pequin).

Puls studos chegou-se a la cuncluson de que tenien las seguintes caratelísticas: éran bípedes, de posiçon eireta, dentiçon yá próssima de l home atual, cránio más zambolbido, mandíbula maior que la de l Australopithecus, éran robustos i median de 1,40m a 1,70m. Bibian an cabernas, yá fazien ferramientas i armas de madeira i de piedra cun dues faces que cortaban.

Home de Neandertal

An 1856, fui ancuntrado ne l bal de Neander (Almanha), un fócil cun caratelístas más eiboluídas que l Pithecanthropus eretus. Recebiu l nome de Home de Neandertal (que quier dezir "nuobo home de l bal"). Culas miesmas caratelísticas fúrun ancuntrados fóceles na Bélgica, ne l norte de la África i Ásia Menor. Las sues caratelísticas percipales éran: bípede eireto, altura de 1,60 m, cérebro parecido cul de l home moderno, fuorte, pernas cúrtias i l queixo quaijeque eigual al de l home atual.

Ls homes de Neandertal morában an cabernas, yá custruíran muros de piedra cumo defesa i quebra-bento, ousában armas i ferramientas más trabalhados, furában lascas de piedra para fazer machadas i anterrában ls sous muortos, demunstrando yá un ampeço de sentimento religioso. Yá tenien coincimiento de l uso de l fuogo. Bibian an regiones de climas bien defrentes i sofrírun l eifeito de las purmeiras glaciaçones de la Tierra i bruscas mudanças de temperatura.

Home de Cro-Magnon.

Home de Cro-Magnon

An 1868, fúrun çcubiertos scaletos na Fráncia, an Cro-Magnon (que quier dezir "grande buraco"). Fúrun ancontrados tamien fóceles de l mesmo stágio de cibelizaçon nua gruta an Grimaldi (Eitália), na República Tcheca i an muitos outros lugares. Trata-se de l nuosso ancestral más direto que apareciu por bolta de 40.000 anhos atrás. Sues caraterísticas percipales éran: fuorte, statura eilebada (1,80m) i traços de l home atual. Pulas ferramientas i senhales de la cibelizaçon que deixou yá demunstraba ua anteligéncia más eiboluída. Por esso fui tamien chamado de Homo sapienes ("home sábio"). Fabricou más dua centena de oubjetos defrentes culas más bariadas outilidades, anclusibe anfeites.

Polie piedra, sculpie madeira i uosso; las sues armas trazian sculturas de animales; fazie arcos, anzóles, lanças i agulhas de uosso para cozer las sues roupas de piel. Tenie sepulturas coletibas. Fui grande pescador i caçador.

Dende por delantre, ls seres houmanhos fúrun se aperfeiçoando, melhorando las sues técnicas de domínio subre la naturaleza, zambolbendo la sue cultura i se ourganizando an sociadades que fúrun las cibelizaçones antigas.

Arte pré-stórica

Ambora esse período seia chamado de Pré-Storia, nun ye correto chamá-lo assi, porque, cumo yá fui dezido, nun eisiste antes de la Stória i si a la scrita. Inda assi eisistie ua forma de quemunicaçon chamada de pintura rupreste ó grabura rupreste, que puoden ser cunsidrados cumo la "scrita" de l homes pré-stóricos.

Esses zeinhos ansinan muitas cousas subre ls homes primitibos, cumo, por eisemplo, que eilhes éran animistas, ó seia, acraditában que ls eilemientos de la naturaleza, cumo la auga, l sol, l fuogo, la tierra, i outros, tenien alma i éran diuses ó éran gobernados por diuses. Muitas dessas figuras mostran cenas de caça ó de adoraçon als diuses. Ls zeinhos nas paredes tamien serbian para amostrar als diuses ls animales que eilhes querien caçar.

La passaige para la Cibelizaçon

Las passaiges son lentas i graduales. Assi acuntiu de l Paleolítico para l Neolítico, i deste para la Eidade de l Metales. A partir de l XX milénio a.C., ne ls bales de l Tigre- Riu Eufrates i de l Nilo, acuntiu la passaige para la cibelizaçon; ó, cumo dezie Gordon Childe, la Reboluçon Neolítica. Todo staba a mudar. Para garantir l sou território, ls homes pré-stóricos que stabelecírun las purmeiras aldés sforçórun-se muito i eiboluíran ne l campo de las çcubiertas.

Ber tamien

Lhigaçones sternas

Atlas Birtual de la Pré-Stória
North Pacific Prehistory ye ua rebista académica specializada an arqueologie de l nordeste asiático i de la América de l Norte.
Argélia i Marrocos Sahara Arquibado an 2023-07-29 ne l Wayback Machine.

Modelo:Portal-stória

Notas

^[1] : an Grundzüge früher Menschheitsgeschichte I – Von den Anfängen bis zum 3. Jahrtausend v. Chr. de Müller-Karpe.

Bibliografie

. [S.l.: s.n.].
MÜLLER-KARPE, Hermann, Grundzüge früher Menschheitsgeschichte I – Von den Anfängen bis zum 3. Jahrtausend v. Chr., Theiss, Stuttgart, 1998, ISBN 3-8062-1309-7
TORBRÜGGE, Walter, Enzyklopädie der Weltkunst – Das Entstehen Europas, Holle Verlag, Baden-Baden, 1977, ISBN 397-355-18-02