Riu Tamisa
| Riu Tamisa | |
|---|---|
| Cumprimiento | 346 km |
| Nacente | acerca de l'aldé de Kemble |
| Foç | mar de l Norte |
| Paíç(s) |  Reino Ounido
|
L riu Tamisa (an anglés: River Thames) ye un riu de l sul de la Anglaterra que banha Oxford i Londres i zagua ne l mar de l Norte. Cun 346 Km de stenson, nace acerca de l'aldé de Kemble na region de Cotswolds i atrabessa Oxford, Wallingford, Reading, Henley-on-Thames, Marlow, Maidenhead, Eton, Windsor i Londres.
Poluiçon
eiditarDe ls tiempos de l 'Grande Fedor' – cumo l Tamisa quedou coincido tamien cumo riu fedorento an 1858, quando las sessones de l Parlamiento fúrun suspensas por causa de l malo oulor – até hoije, fúrun quaije 120 anhos d'ambestimiento na çpoluiçon de las augas de l riu que cruza la cidade de Londres. Miles de milhones de libras mais tarde, remadores, beleijadores i até pescadores buoltórun a ousar l Tamisa, qu'hoije cunta cun 121 speces de peixes.
Se la poluiçon ampeçou inda ne ls anhos de 1610, quando l'auga de l riu deixou de ser cunsidrada potable, la çpoluiçon solo fui ampeçar a partir de meados de l seclo XIX, na época an que l riu cunquistou l'anfame alcunha cul sou malo oulor.
La decison de custruir un sistema de cataçon de sgotos tamien debe muito a las eipidemias de cólera de las décadas de 1850 i 1860. L'anfraestrutura custruída anton cuntina até hoije cumo la spina dorsal de la rede atual, anque de las bárias melhories al longo de ls anhos. Na época, ls angenheiros criórun un sistema que simplesmente cataba ls dejetos porduzidos na region metropolitana de Londres i ls çpeijaba ne l Tamisa alguns quilómetros riu ambaixo.
Na época, la soluçon funcionou purfeitamente, i l riu boltou la se recuperar por alguns anhos. Inda assi, cul crecimiento de la populaçon, la mancha de sgoto fui subindo l Tamisa i, por buolta de 1950, l riu staba, mais ua beç, biologicamente muorto. Fui anton que las purmeiras staçones de tratamiento de sgoto de la cidade fúrun custruídas.
Reintroduçon artificial de l Salmon
eiditarAn 1979, l salmon – que ye reconhecidamente sensible a la poluiçon, fui reintroduzido ne l riu, tenendo sido scolhidos spécimes inda eimaturos para que fússen por anstinto até al mar i de seguida subissen l riu de modo la reproduziren-se naturalmente. Inda assi, an 2006 i pula purmeira beç zde l'ampeço desta spriéncia, nun fui detetado un único salmon, l que lieba a crer que l porjeto steia a la beira de falhar.[1]
ONG Thames21
eiditarNe l'ampeço de márcio de 2010, l riu tubo l nible mais baixo yá registrado, l que rebelou ua einorme cantidade de lixo, specialmente de garrafas i sacos de plástico. La ONG Thames21 tenta rializar la limpeza periódica de l riu. An dieç anhos, eilha cuntabeliza que fúrun retiradas de l riu cerca de 250 000 sacolas plásticas[2].
Puontes
eiditarL riu atrabessa dibersas árias ourbanas de l Reino Ounido i ye atrabessado por cerca de 114 puontes, binte túneis, seis linhas férreas i un bau.
Las puontes an Londres son:
Ber tamien
eiditarRefréncias
- ↑ Salmon are turning their back on Thames[lhigaçon einatiba]
- ↑ NINNI, Karina (22 de março de 2010). Londres - Poluição ancestral. Caderno Planeta. Jornal O Estado de S.Paulo
