Máneton

Máneton (an griego: Μανέθων, trasl. Manethōm, ó Μανέθως, Manethōs) ó Maneton fui un storiador i sacerdote eigípcio natural de Sebenitos (an eigípcio antigo, Tjebnutjer) que bibeu durante l'era tolemaica durante aprossimadamente l seclo III a.C., ambora alguns storiadores afirman qu'el serie natural de Roma, i tenerie scrito sue obra por buolta de 200 d.C. 

Máneton screbiu la Aegytiaca (Stória de l Eigito), an griego i aparentemente ancorajado pul purmeiro Ptolemiu; l'obra ten grande antresse para eigitólogos, i que frequentemente ye outelizada cumo eibidéncia pa la cronologie de ls faraós. La refréncia mais antiga a la sue obra fui feita pul storiador judiu Josefo an sue obra Cuntra Ápion. 

Fuontes outelizadas

Máneton tenie coincimiento de ls registros antigos, i l sou testo fui largamente baseado neilhes, mas el anclui tamien alguas lendas populares eigípcias. Quando Máneton menciona las lendas, el assi l diç, mostrando ls causos an que sue fuonte nun éran ls decumientos. 

Amportança stória

La stória de Máneton fui l mais cumpleto i outéntico registro de la stória eigípcia que ls griegos i romanos tubírun. L testo fui perdido, mas amportantes fragmientos fúrun preserbados, por Flábio Josefo i outros outores. Quaije to anformaçon subre l Antigo Eigito, até l seclo XIX, quando ls ouropeus decifrórun la scrita eigípcia, benie de Máneton. 

Cumparaçon cun Heicatiu

L storiador griego, Heicatiu de Abdera, que bibeu ne l tiempo de l purmeiro Ptolemiu, screbiu ua stória de l Eigito, Aegytiaca, screbiu baseado an anformaçones locales, mas mui de l sou testo fui ambentado, de forma a apersentar als griegos ua berson eidealizada de l Antigo Eigito. Heicatiu dou als griegos l qu'eilhes querien. Máneton, cun sue listaige seca de dinasties de diuses i reis, nun tenie chance de cumpetir cula berson romanceada de Heicatiu. 

Bibliografie

• W. G. Waddell (trad.) (1940). Manetho. [S.l.]: Harvard University Press. 256 páiginas. ISBN 978-0-674-99385-3. (Loeb Classical Library) 

• Bellomo, Harry R. (2008). Cemitérios do Rio Grande do Sul: arte, sociedade, ideologia. [S.l.]: EDIPUCRS. ISBN 8574307173 

• Ki-Zerbo, Joseph (2010). História Geral da África – Vol. I – Metodologia e pré‐história da África. [S.l.]: UNESCO. ISBN 8576521237 

Ligaçones sternas

• Lista de Reis, por Mâneton ((en))