ဒါဒါဝါဒ
ဒါဒါဝါဒ (Dadaism) သည် ဆွစ်ဇာလန်နိုင်ငံ ဇူးရစ်ချ်မြို့တွင် ပထမကမ္ဘာစစ်အတွင်း စတင်ခဲ့သော ယဉ်ကျေးမှု ဆိုင်ရာ လှုပ်ရှားမှု တစ်ခုဖြစ်ပြီး ၁၉၁၆ ခုနှစ်မှ ၁၉၂၂ ခုနှစ်အတွင်းတွင် အထွဋ်အထိပ်သို့ ရောက်ခဲ့သည်။ ဒါဒါလှုပ်ရှားမှုတွင် ပန်းချီ၊ စာပေ၊ ကဗျာ၊ အနုပညာ ကြေညာစာတမ်းများ၊ အနုပညာ သီအိုရီ၊ ပြဇာတ်၊ ဂရပ်ဖစ် ဒီဇိုင်းတို့ အဓိက အားဖြင့် ပါဝင်ကြသည်။ ဒါဒါဝါဒသည် တန်ပြန် အနုပညာ ယဉ်ကျေးမှုကို ဖော်ထုတ်ခြင်းအားဖြင့် ရေပန်းစားနေသော အနုပညာ ဝါဒကို ဆန့်ကျင်ပြီး စစ်ဆန့်ကျင်ရေး နိုင်ငံရေး လှုပ်ရှားမှုကို ဦးတည် လှုပ်ရှားခဲ့သည်။ ထိုဝါဒ၏ ဦးတည်ချက်မှာ ခေတ်သစ်ကမ္ဘာ တွင် ပါဝင်လှုပ်ရှားနေသူတို့၏ အဓိပ္ပာယ်မဲ့မှု တို့ကို လှောင်ပြောင်သရော်ခြင်းပင် ဖြစ်သည်။ ဒါဒါဝါဒသည် စစ်ဆန့်ကျင်ရေး အတွက်သာ မကဘဲ အရင်းရှင်ဝါဒ လိုလားသူတို့ကိုလည်း ဆန့်ကျင်ပြီး သဘာဝအားဖြင့် မင်းမဲ့စရိုက် ဆန်ဆန် ရှိသည်။
 | ဤ ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |