نوامبر ۲۰۱۷
دچی‌ین
۳
|}}
دچی‌ین
۵
- سعد حریری بائوته که شه جان‌سه ترسنه و ایران ره تهمت بزوئه که خانه لبنان حکومت ره سَر دخاسه. وه شه نخست وزیری جه استعفا هدائه.
- حوثیون اتا بلندشو راکت کپّل هاکردن سعودی عربستون ِریاض وَر که ضدموشکون وه ره تش هدانه. دونالد ترامپ باته ایران باعث-بانی این موشک بی‌یه.
|}}
دچی‌ین
۶
- عربستون دله ات‌خله شازده و وزیر-وزرا ره دستگیر هاکردنه و گانّه مالی فساد وسّه هسته. این میون ولید بن طلال هم حتی دستگیر بیّه.
دچی‌ین
۱۰
- سعد حریری شه رییس‌الوزرایی جه استعفا هدائه و بائوته ایران و حزب‌الله جه ترسنه که وه ره بکاشن. وه بائوته ایران عربی کشورون دله تنش یارنه و لبنان ره غضب هاکرده. ایران و حزب‌الله ولی بائوتنه وه ره عربستون دله گروگان بَییتنه و مجبور هاکردنه اینان گپ ره بزنه. لبنان ِرییس‌جمهور هم بخاسته که وه ره سریع وردِگاردِنن و عربستون ره متهم هاکرده.
دچی‌ین
۱۲
- ایران و عراق میون زلزله بموئه. 7.3 ریشتر زلزله کرمانشاه دله احساس بیّه و خله شهرون دله ره بلرزنی‌یه. عراق کوردستون دله هم تا 7.5 ریشتر زلزله بموئه.
دچی‌ین
۱۵
- رابرت موگابه، زیمبابوه‌یِ رییس‌جمهور و آفریقای اتحادیه‌یِ سابقِ رییس، اتا نرمِ کودتا دله دستگیر بیّه و ارتش حکومت ره قبضه هاکرده.
- سعدالدین حریری بائوته ورگردنه لبنان ولی شه خانواده ره شه همراه نیارنه.
- سرپل ذهاب و کرمانشاهِ دیگه شهرون دله حدود پونصد نفر تا اسا بمردنه و هزارون نفر مصدوم بَینه. هلال احمر و ارتش و اینان درنه کومِک کانّه ولی هنتا کومک‌کرَون کم هستنه و همه جه کومک نرسی‌یه.
دچی‌ین
۲۰
- سعدالدین حریری شه زن و وچه جه بورده فرانسه و امانوئل ماکرون جه گپ بزوئه. وه باته که لبنان استقلالِ سالروزی وسّه شونه بیروت.
دچی‌ین
۲۲
- دونالد ترامپ آمریکایِ جاسوسی و امنیتی سازمان‌ها ره بائوته هرچی علیه ایران دارنه ره دَرِشنِن تا مِیلس ره سیب بی‌یله که ایران ره اَی تحریم هاکنن.
- سعدالدین حریری وردگردسته لبنان و شه استعفا ره تعلیق هاکرده. (بی بی سی)
دچی‌ین
۲۳
دچی‌ین
۲۵
- مصر ِسینا جزیره مونا دله اتا مسجد میون جمعه روز بمب بترکنینه و بمرده‌ئون ِتعداد سیصد نفر جه یور بورده. (فارسی دویچه‌وله)
- اسفندیار رحیم مشایی هم محمود احمدی‌نژاد واری علیه قوه قضاییه گپ بزوئه و وشون ره دیکتاتور بخونسته. (فارسی دویچه‌وله)
دچی‌ین
۲۷
- اتا ایرانی کشتی‌گیر، علیرضا کریمی نومی، جهونی مسابقات دله درحالی که تونسته برنز بَیره و کا ره پیش دیّه، مربی وه ره باته «ونه ببازی» و وه که شیش-هفت ثانیه بموندست بی‌یه که روسیه کاکر ره بَوِره، شه ره ببازنی‌یه. چون اگه بَوِرد بائه وسّه اسرائیل کاکر جه مسابقه دائه و ایرانی ورزشکارون ره اجازه ندنّه که این کار ره هاکنن. این اتفاق اجتماعی شبکه‌ئون دله خله حرف-حدیث ره باعث بیّه و #بایدببازی تگ ره ترند هاکرده. (ووآ)
اسایی دکته‌ئون تلمبار