هند
مختصات: شرقی°۷۸ شمالی°۲۱ / °۷۸شرقی °۲۱شمالی
هند یا هندوستان (هندی جه: भारत गणराज्य؛ تلفظ: بْهَارَتْ گَنَرَاجْیَه) اتا کشور هسته که آسیای جنوب دره و ونه نیشتنگا نوم نو دهلی هسته. هند شمال غربی جه پاکستون، شمال جه چین، بوتان، نپال و تبت و شمال شرقی جه میانمار و بنگلادش ره وَر خانّه. هند ِغربی وَر هم عرب دریا، شرقی وَر بنگال دریامونا، و جنوب هند اوقیانوس دَرنه.
| هندوستان جمهوری भारत गणराज्य بهارات گنراجیه هند |
||||||
|---|---|---|---|---|---|---|
|
||||||
| ملی شعار: सत्यमेव जयते «فقط صداقت بَرِندوئه»[۱] |
||||||
 |
||||||
| نیشتنگا | نو دهلی شرقی′۱۲°۷۷ شمالی′۳۴°۲۸ / ۷۷٫۲غرب ۲۸٫۵۶۷جنوب | |||||
| گتترین شهر | بمبئی | |||||
| رسمی زوون | هندی، انگلیسی | |||||
| حکومت ِنوع | فدرال جمهوری | |||||
| حاکمون نوع رئیس جمهور نخست وزیر |
پراناب موکرجی نارندرا مودی |
|||||
| موارد منجر به تشکیل اعلام رسمی جمهوری |
۱۵ آگوست ۱۹۴۷ ۲۶ژانویه ۱۹۵۰ |
|||||
| گتی | ||||||
| - | گتی | ۱ E۱۲ ۳٬۱۶۶٬۴۱۴*کیلومتر مربع (هفتم) | ||||
| - | ئو (٪) | ۹٫۵۶ | ||||
| جمعیت | ||||||
| - | سرشماری | ۱٫۲ میلیارد[۲] (دوم) |
||||
| - | جمعیت انبسی | ۳۲۹/km۲ (سی‌ویکم) | ||||
| جی‌دی‌پی | (تخمین ۲۰۰۶) | |||||
| - | مجموع | $۴٫۰۴۲ تریلیارد (چهارم) | ||||
| - | سرانه | $۳٬۷۳۷ (۱۱۸ام) | ||||
| اچ‌دی‌آی (۲۰۰۶) |  ۰٫۶۱۱ (متوسط) (۱۲۶ام) |
|||||
| پول یکا | روپیه (₨) (INR) |
|||||
| زمونی منطقه | IST (جهونی ساعت+۵:۳۰) | |||||
| - | تابستونی (DST) | +۵:۳۰ (جهونی ساعت+۵:۳۰) | ||||
| رانندگی جهت | چپ | |||||
| اینترنتی دامنه | .in | |||||
| تلفن پیش‌شماره | +۹۱ | |||||
هند ِگَتی ۳٬۴۰۲٬۸۷۳ کیلومتر مربع هسته. هند ِبنه ویشته پست و هموار هسته و هیمالیا که شمال کشور قرار دانه باعث وانه که رطوبت و میاه آسیای ِشمال ره نفوذ نکانه و نتیجتاً هند کشوری هسته که وارش و رطوبت خله دانّه و همینسه حاصلخیزه.
هند ِجمعیت ۱٬۲۱۰٬۱۹۳٬۴۲۲ نفر هسته که دومین پر جمعیت ِکشور دنیا دلوئه. بمبئی (= مومبائی) ِبندر نزدیک ۱۴ میلیون نفر، هند ِپرجمعیت‌ترین شهر هسته. هند بیش از سی و پنج شهر دانه که وشون جمعیت بالای یک میلیون نفر بائه: بمبئی (مومبائی)، دهلی، کلکته، مدرس، بنگلور، حیدرآباد، آگرا، میسور، جی‌پور، گوا، پونا، بوپال، تریواندروم، سورات، کانپور و احمدآباد.
هند تاریخ و فرهنگ خله مهم هستنه و ۳۰۰۰ سال پیش از میلاد جه رِسِنّه. هند دله نژادون، زوون‌ها، آیین‌ها، و فرهنگون جورواجوری پیدا وانه. هند دله صدها زوون و هزارون گِنِش و لهجه وجود دانّه. علاوه بر هندی و انگلیسی که اساسی قانون دله رسمی زوون هستنه، ۲۲ زوون دیگه هرکامین اتا یا چنتا ایالت دله رسمی زوون حیساب وانّه. قبل این که هند ره بریتانیاییون بَییرن، فارسی این کشور ِرسمی زوون بی‌یه.
تاریخ
دچییندیویست تا چارصد هزار سال پیش جه هند دله آدم‌مونائون دَیینه. سند تمدن سه هزار سال پیش از میلاد وجود داشته که شهر شوخته جه هم‌گدر بی‌یه و هندوستانِ قدیمی‌ترین نواحی جه هسته.
آریاییون این منطقه دله وارد بَیینه و ودایی دوره به یور، حکومتون زیادی بساته بیّه که مهمترینشون مائوریا امپراتوری هسته که آشوکا گادِر شه اوج جه برسی‌یه. سلسله دیگه‌ای که اهمیت زیادی این کشور ِتاریخ دله دارنه گوپتا هسته که سال ۳۲۰ جه تا ۵۵۰ میلادی هندِ شمالی و میونی مناطق ره داشته و شه حکومت ره براساس پچوک‌تر حکومتونی که ونه تابع بینه، برقرار هاکرده و هندوییسم ره قدرتمند هاکرده.
مردمون
دچیینهند دومین پرجمعیت کشور دنیا دله هسته و دنیای ِیک‌شیشم جمعیت ره شه دله جا دِنه. هند ِمردمون ِنژاد شامل: ۲۵ ٪ هندوآریائی، ۷۵ ٪ دراویدی و ۳ ٪ زرد ِنژادون وانه که این نژادون بر اساس شرایط مکانی، فرهنگی و دینی شه چلّه-چلّه بَیینه. هند دله ۶۱٪ باسواد هستنه که این آمار مردها دله ۷۳٫۴٪ و زنان دله ۴۷٫۸٪ هسته.[۲]
زوون
دچی‌ین
طبق رسمی آمار که دولت سال ۲۰۰۱ هدا بی‌یه، هند ۲۹تا زوون دانّه که بالای یک میلیون نفر گِنِش‌کَر دارنه و ۱۲۲ زوون دیگه بیش از ده هزار نفر گِنِش‌کَر دارنه. ولی تعداد زوون‌ها و لهجه‌ئونی که روزانه هند دله استفاده وانّه، خله ونه ویشته بائه. هند دله رسمی زوون هندی و انگلیسی هستنه ولی هر منطقه شه وسّه بتونده سِوائونه رسمی زوون داره. فی‌المثل نو دهلی دله انگلیسی، اردو و هندی رسمی‌نه.[۳] اتا دیگه آمار دره که گانه هند دله ۴۲۸ زوون دره که ۴۱۵ زوون زنده هستنه و کاربرد دارنه و ۱۳ زوون دیگه بمردونه و گِنِش نَوانّه.[۴]
این زوون‌ها هند دله رسمی هستنه: هندی، اردو، آسامی، اوریا، بنگالی، بودو، پنجابی، تلوگو، تامیلی، دوگری، سانتالی، سانسکریت، سندی، گجراتی، کنکانی، کشمیری، کانادا، مالایالم، میتی، مایتیلی، مراتی و نپالی.[۵] این زوون‌ها شه دِتا چلّه دله درنه: دراویدی (۲۲٪) که ویشته جنوب هستنه و هندو اروپایی (۷۰٪) که دیگه نواحی دله دَرنه.[۶] سانسکریت و تامیل این کشور ِمهم زوون‌ها جه هستنه که به ترتیب هندو-اروپایی و دراویدی ِمهم‌ترین زوون هستنه.
دین
دچیینهند دله اتخله دین دره که ویشته هندوییسم، اسلام و بودیسم ره مرتبط وانّه. حدود ۸۰٫۵٪ هندو و حدود ۱۳٫۴٪ اسلام ِپه‌روونه. هند همچنین بیش از ۲٫۳٪ مسیحیت و ۱٫۹٪ سیک په‌روو دانّه. هند بودای ِوطن بی‌یه ولی اسا فقط بودائیون هند ِحدود ۰٫۸٪ جمعیت ره تشکیل دنّه. جینیسم ۰٫۸٪ و زرتشت، یهودیت، بهاییت و بقیه هم جمعاً ۰٫۴٪ هستنه.[۷] با این حال هند گتترین اجتماع احمدیه، بهاییت، زرتشت، بهره، سیک و جینیسم ره جهون دله دانه. مسلمون‌ها ویشته در دهلی، غربی بنگال و شمال غربی و کشمیر دله زندگی کانّه. هند اندونزی و پاکستون ِپه، جهون دله ویشترین مسلمون ره هم دانّه.[۸]
زرتشتیون که ویشته گجرات و مهاراشترا و بمبئی دله درنه اتا پچوک ِاجتماع هستنه که گرچه وشون جمعیت کمتر از ۲۰۰ هزار نفر وانه، ولی نزدیک ۱۷ ٪ اقتصاد ره شه میس دله دارنه. بهره‌ها هند دله هم همینتی هستنه.[۸]
تقسیمات
دچی‌ین
هند ۲۸ ایالت و ۷ ناحیه دانّه.[۹]
ایالتون
دچی‌ین- ۱• آندرا پرادش
- ۲• آروناچال پرادش
- ۳• آسام
- ۴• بیهار
- ۵• چاتیسگر
- ۶• گوآ
- ۷• گجرات
- ۸• هاریانا
- ۹• هیماچال پرادش
- ۱۰• جامو و کشمیر
- ۱۱• جارکاند
- ۱۲• کارناتاکا
- ۱۳• کرالا
- ۱۴• مادایا پرادش
- ۱۵• ماهاراشترا
- ۱۶• مانیپور
- ۱۷• مگالایا
- ۱۸• میزورام
- ۱۹• ناگالند
- ۲۰• اوریسا
- ۲۱• پنجاب
- ۲۲• راجستان
- ۲۳• سیکیم
- ۲۴• تامیل نادو
- ۲۵• تریپورا
- ۲۶• اوتار پرادش
- ۲۷• اوتارانچاند
- ۲۸• بنگال غربی
دماسته ناحیه‌ئون
دچی‌ینA• آندامان و نیکوبار B• چندیگر C• دادرا و ناگار هاولی D• دامان و دیو E• لاکشادویپ F• دهلی ِنیشتنگایی حوزه G• پودوچری
سیاست
دچیینهند ره گتترین دموکراسی گانّه.[۱۰][۱۱] هند ِاستقلال (که اون گادر پاکستون، بنگلادش و نپال ره هم شامل بی‌یه.) ۱۵ آگوست ۱۹۴۷ (مازرونی ۱۴۵۹) اعلام بیه.
بن بنویشت
دچی‌ین| ویکی تلمبار دله بتونّی پرونده‌ئونی که هند خَوری دَره ره پیدا هاکنین. |
- ↑ «State Emblem -inscription». National Informatics Centre (NIC). هارشی‌یه بیی ۲۰۰۷-۰۶-۱۷ گادِر.
- ↑ ۲٫۰ ۲٫۱ «CIA Factbook: India». CIA Factbook. هارشی‌یه بیی ۲۰۰۷-۰۳-۱۰ گادِر.
- ↑ ویکی‌پدیای کارزنون، «Languages of India»، انگلیسی ویکی‌پدیا، آزاد دانشنومه، دله. (هارشی‌یه بَیی ۵ می۲۰۰۸).
- ↑ ethnologue.com: Languages of India
- ↑ قانون اساسی هند، بخش ۱۷، ماده ۳۴۳
- ↑ .ویکی‌پدیای کارزنون، «Languages of India»، انگلیسی ویکی‌پدیا، آزاد دانشنومه، دله. (هارشی‌یه بَیی ۵ می۲۰۰۸).
- ↑ “Census of India ۲۰۰۱, Data on Religion». Retrieved on November 22, 2007.
- ↑ ۸٫۰ ۸٫۱ منبع خطا: برچسب
<ref>نامعتبر؛ متنی برای ارجاع‌های با نامautogenerated1وارد نشده است - ↑ “Country profile: India». BBC.
- ↑ “Country profile: India». BBC. ۹ ژانویه 2007. Retrieved on 2007-03-21.
- ↑ “World's Largest Democracy to Reach One Billion Persons on Independence Day». سازمان ملل متحد: Population Division. Retrieved on 2007-12-06.