فرندز
فرندز یعنن رفقون (انگلیسی جه: Friends) اتا آمریکایی سریال بی‌یه که ۱۹۹۴ تا ۲۰۰۴ NBC کانال دله پخش بی‌یه و دَه فصل دمباله داشته. این سریال شیش‌تا رفقِ داستان ره تعریف کانده که منهتن، نیویورک دله درنه و خله هِدی جه نزدیکی دارنه و همیشک ات‌جا وشون سر جمع هسته. ویشته سریال دِتا لوکیشن دله فیلم‌برداری بیّه؛ اتا آپارتمون که دِتا دیم‌به‌دیم سوئیت دارنه و اتی کافه که ونه نوم «سنترال پارک» هسته. این سریال خله محبوب بی‌یه و ده‌ها میلیون نفر وه ره اِشانه. این سریال حتا تأثیراتی فرهنگ و جامعه دله داشته که هنتا آمریکا دله هارشی وونه.
بازیکرون
دچی‌ین- نقش‌های اصلی
-
جنیفر آنیستون در نقش
ریچل گرین -
کورتنی کاکس در نقش
مونیکا گلر -
لیسا کودرو در نقش
فیبی بوفی -
مت له بلانک در نقش
جویی تریبیانتی -
متیو پری در نقش
چندلر بینگ -
دیوید شویمر در نقش
راس گلر
- جنیفر آنیستون در نقش ریچل گرین، که ونه دِلِوس مُد هسته. وه قدیم‌تاسا مونیکایِ بتترین رفق بی‌یه. وه شه عاروسی دله متوجه بیّه که ونه نومزه وه ره خیانت کانده و همینسه سر بی‌یشته بورده و مونیکا پَلی منزل هاکرده. ریچل و راس گلر این سریال دله هِی هِدی جا رابطه برقرار کانّه و اَی سیوا وانّه. البته ریچل بعضی دیگر کارکترها جه هم رابطه دارنه. ریچل شغل اولین پیشخدمتی هسته و وشونِ پاتوق دله صاحاب دیکون وه ره کار دِنه چون وه ره خانه؛ ولی ات‌که گذرنه، ریچل مُد و لباس ِشرکت دله استخدام وانه. وه و راس اتا وچه دنیا یارنه.
- کورتنی کاکس در نقش مونیکا گلر، آشپج هسته و گروه دله، وچونِ مار واری هسته[۳] و ونه شخصیت کمال‌طلبی، رئیس‌بازی، رقابت و اختلال وسواس فکری عملی دارنه.[۴][۵] مونیکا وچگی چاق بی‌یه و اسا هم خار-خار غذا پجنه. وه و اتا مردی که ونجه بیست سال گتته هسته رابطه داشتنه ولی چون مونیکا وچه خاسته و مردی نی‌یشته، سیوا بَینه و اَی مونیکا چندلر بینگ جه ازدواج هاکرده و چون وچه‌دار نَینه، اتا وچه سرپرستی ره آخرسری قبول هاکردنه.
- لیسا کودرو در نقش فیبی بوفی، وه اتا عجیب-غریب و گِج ِکاراکتر هسته که قبلاً ونه زندگی بد جور دپاشی‌یه بی‌یه. ونه مار خادکشی هاکرده و وه شه گت‌مار پلی گت بیّه و وچگی سختی داشته و ونه دِگالی خاخِر هم ونجه قهر هسته. ونه رفتار معصومانه و وچگونه هسته و ونه شغل هم ماساژوری‌ئه.[۶][۷]
- مت له بلانک در نقش جویی تریبیانتی، وه اتا ایتالیایی‌تبار هسته که خانه بازیکر بوو ولی خله موفق نی‌یه؛ نهایتاً اتا دکترِ نقش جه معروف وانه. جویی خله ساده‌وچه هسته و غذا بخاردن و کیجابازی ره دوست دارنه.[۸] جویی معروف جمله «ته حال چتی‌یه؟» (انگلیسی جه: How you doin'?) زنان ِمخ‌بزوئن وسّه کار بزه وونه. چندلر و جویی هِدی جا رفق هستنه و اتا سره‌خنه دله زندگی کانّه تا این که چندلر زن وَرنه.[۹] جویی ات‌که اواخر ریچل عاشق بیّه ولی هدی جه نرسینه.
- متیو پری در نقش چندلر بینگ، اتا کارمند هسته که اواخر استعفا دنه. چندلر عصبی مشکل دارنه و همینسه عصبانی که وونه یا مظطرب وانه، زیادی شوخی کانده. ونه پی‌یر همجنسگرا بی‌یه و ونه مار هم سکسی کتاب نوشته.[۱۰]چندلر زنان جه بسختی ارتباط گیرنه ولی اواخر مونیکا ازدواج کانده.[۱۱]
- دیوید شویمر در نقش دکتر راس گلر، مونیکایِ گتته برار هسته که فسیل‌شناسی بخوندسته و موزه دله کار کانده و پئی‌ته استاد دانشگاه وانه. وه و چندلر قدیم‌تاسا رفق بینه و وه هم ارتباط برقرار هاکردن دله ات‌که ضعیفه. وه سه بار سریال دله ازدواج هاکرده و طلاق بیته: ریچل، امیلی و کارول. ونه اولین زنا همجنسگرا بی‌یه و ونجه اتا وچه هم دارنه که مشترکاً سرپرستی کانّه. اواخر ریچل جه هم وچه‌دار وونه.
منابع
دچی‌ین- ↑ ۱٫۰ ۱٫۱ ۱٫۲ "fernsehserien.de" (آلمانی جه). Retrieved 19 June 2020.
{{cite web}}: Check date values in:|access-date=(help) - ↑ نشانی اینترنتی: https://www.nytimes.com/2019/09/05/arts/television/friends-reboot.html.
- ↑ Lomartire, Paul (September 4, 1994). "Fall TV '94". The Palm Beach Post. Archived from the original on 14 July 2011. Retrieved February 14, 2009.
{{cite news}}: Unknown parameter|registration=ignored (help) - ↑ Bianco, Robert (March 3, 2004). "Friends played great game of poker". USA Today. Retrieved February 20, 2009.
- ↑ Booth, Jenny (May 21, 2006). "Sarey Carey: Does pride in housework make me bad as well as mad?". The Sunday Times. London. Retrieved February 20, 2009.
- ↑ Jicha, Tom (May 2, 2004). "They leave as they began: With a buzz". The Baltimore Sun. p. 1. Retrieved December 23, 2008.
- ↑ Andreeva, Nellie (September 20, 2004). "Kudrow has Comeback; Cox, HBO talk". The Hollywood Reporter. AllBusiness.com. Retrieved February 20, 2009. شابلون:پیوند مرده
- ↑ "Matt LeBlanc – Friends Interview". NBC.
- ↑ McLellan, Dennis (February 12, 2008). "Married .. With Children Co-Creator Dies". The Baltimore Sun. Archived from the original on 4 June 2011. Retrieved December 23, 2008.
- ↑ "Friends Star Finally has Chance to Enjoy Success". Los Angeles Times. March 26, 1995. Archived from the original on 14 July 2011. Retrieved February 20, 2009.
- ↑ "Matthew Perry – Friends Interview". NBC. Retrieved March 29, 2012.