Impero Bizantino
Impero Bizantino è 'o nomme cu 'o quale 'e studiose muderne 'ndicano l'Impero Rumano d'Oriente ('e cultura e lengua prevalentemente grieca), separatose d"a parte occidentale ('e cultura e lengua prevalentemente latina) doppo 'a muorte 'e Teodosio I int'ô 395. Nun c'è accordo fra 'e storice ncopp'â data int'â quale se dovrebbe cessare 'e utilizzà 'o termene "rumano" ppe càgnarlo cu chillo "bizantino". 'E diverse 'mpustazzione storiografiche cundizzionano anche 'a diverzità 'e opinione dint'â determinazzione d"a datazzione: 'o 476 (caduta 'e ll'uredmo imperatore d'Occidente Ruommolo Augusto), ma anche 'o 395 (muorte 'e Teodosio I), 'o 330 (funnazione 'e Nova Romma, ppe latino Nova Roma, ppe grieco Νέα Ῥώμη, Nea Rome, da parte 'e Costantino I; 'a cità nova 'e Costantino e zzoè 'a Nea Rome cca Costantino dotò artefecialmente 'e sette colle eva na copia fedele e nostalgica d"a Romma imperiale, mentre se coinciò a parla 'e Impero d'Oriente d"o 364), 'o 565 (muorte 'e Giustiniano I e ddo sogno d"a Restauratio imperii).
