Coppa ddò Munno FIFA 1990

Doppo cinquantasei anne ddò Munniale ca vulette Benito Mussolini e ca fuje vinciuto dagli azzurre e’ Vittorio Pozzo, a’ cchiù gruoss manifestazion’ e pallone facette rituorn’ in Italia.
Int’o 1984 a’ FIFA assegnaje all’Italia l'organizzazion’ ddè Munniali ddò 1990. O’ presirente ddò Comitat’ organizzativ’ era Franco Carraro, ca fuje già primm o’ presirente ddò Milan, che annunciaje:

Campiunato munniale 'e pallone 1990 Coppa del mondo FIFA del 1990
Cumpetizzione	Campionato munniale 'e pallone
Sport	Pallone
Edizzione	14ªª
Date	8 'e giùgno - 8 'e luglio 1990
Luoco	Talia (12 cità)
Partecepante	24 (106 ppe qualificazzione)
'Mpianto/e	12 stade
Risultate
Primmo	Germania Ovest (3º titulo)
Secunno	Argentina
Tierzo	Italia
Quatto	Ngreterra
Statistiche
Miglior jucatore	Salvatore Schillaci
Miglior marcatore	Salvatore Schillaci (6)
'Ncuntre disputate	52
Gol segnate	115 (2,21 ppe 'ncuntro)
Pubbreco	2 517 348 (48 411 ppe 'ncuntro)
Cronologgia d"a cumpetizzione
Messico 1986 State Aunite 1994

Avvenimente

« Il Mondiale di calcio sarà l'occasione più opportuna per dimostrare non solo le nostre capacità organizzative, ma anche l'alto livello tecnologico raggiunto in tutti i settori della vita nazionale »

Int’o febbrario 1986, a’ machina organizzatric’ se mettette in moto e partett’ ufficialment’ int’o’ nuvembre ddò stess ann, cu Luca di Montezemolo, 39 anni, che era nu manager ddà Ferrari, che se punette comme obbiettivo e realizzà nu suonn. S’avettero però costruì nuovi stadi, pecchè quelli ca già n’ce steveno nun erano bbon’. Fujeno ampliati e riammodernati o’ "Meazza" e ll’ati stadi, mentre se accumminciaje a’ costruzion’ e ati stadi a Bari ("San Nicola") e Torino (il "Delle Alpi"). I costi erano grossi assaje, o’ Munniale avette e suoje strascichi int’e tribbunale, cu nfrastrutture pubbreche ca s’arriducettero a’ mmetà, intrecci cu a’ puleteca ddò tiemp, can un fuje immune ddè scandali (quacche anne doppe scuppiaje Tangentopoli), e pe e’ nummerose vittime int’e cantieri.

Int’e qualificazzion, Germania Ovest e Brasile rischiarono gruosso, carette a’ Franza, ca veneva a due semifinali e dda a vittoria int’a ll’ Europeo 1984, superata da a Scozia e a Jugoslavia, cu Henri Michel e Michel Platini ca non riuscettero a raddrizzà a barca ca affunaava. Fuje fatta fori pure a Pulonia, che, cu a fine ell'era-Boniek, s’arritruvaje eliminata da ngresi e svedesi. A’ favorita nummero uno era proprio l'Italia, forte ddà bella mpressione ca destaje all’ Europei ddò 1988 e, soprattutto, padron’ e’ cas’, mentre int’a siconna fila s’arrituvajeno l'Argentina di Diego Armando Maradona, fresco campione d'Italia cu o’ Napule, a’ Germania ddò "Kaiser" Franz Beckenbauer e ddò trio interista Matthäus - Klinsmann - Brehme e l'Ulanna ddò trio ròMilan Van Basten - Gullit - Rijkaard, ca turnava e Mondiali durece anne aroppe dda finale persa in Argentina e fort’ ddò titolo europeo conquistato ddoje anne primma.

A’ canzone ufficial’ ell'evento fuje To be number one, testo e museca e Giorgio Moroder, ca fuje cantata pure int’a versione italiana da Gianna Nannini ed Edoardo Bennato, cu o’ titolo Un'estate italiana (testo italiano e Edoardo Bennato). A’ mascotte ufficial’ ddà manifestazione fuje "Ciao" nu calciator’ stilizzat’ tricolor’ ca abbuzzava nu palleggio.

Chi partecipaje

Argentina Aunione Sovieteca Austria Belge Brasile Camerun Cecoslovacchia Columbia Costarica Emirati Arabi Aunite Germania Ovest Irlanna

Italia Jugoslavia Nagitto Ngreterra Rumania Scozia Sguezia Spagna State Aunite Sudcorea Ulanna Uruguay

.

E’ stadi

Città	Nomme ddò stadio	Nummero e spettatori	Partite
Bari	Stadio "San Nicola"	58.000	5
Bologna	Stadio "R. Dall'Ara"	39.500	4
Cagliari	Stadio "Sant'Elia"	40.000	3
Sciorenza	Stadio "A. Franchi"	47.500	4
Genova	Stadio "L. Ferraris" - Marassi	40.000	4
Milano	Stadio "G. Meazza" - San Siro	85.500	6
Napule	Stadio "San Paolo"	73.000	5
Palermo	Stadio "R. Barbera" - La Favorita	37.500	3
Romma	Stadio "Olimpico"	83.000	6
Torino	Stadio "delle Alpi"	69.000	5
Udine	Stadio "Friuli"	42.000	3
Verona	Stadio "M. Bentegodi"	42.500	4

E’ qualificazzioni

E’ qualificazzioni europee accumminciajeno int’all'ottobbre 1988, cu quacche anticipo. Passavan’ e’ primme e ogne girone, e’ siconne ddè quatto gruppe furmat’ a cinco squadre e e’ meglio ddoje siconne ddè tre gruppe da quatto squadre. Int’o Gruppo 1 vincettero i romeni. Int’o Gruppo 2 vincette a’ Sguezia, annanze a’ Ngreterra, ca fuje tradita ddò pareggio in Pulonia: e Ngresi, cu na difesa e fierro (manc’ nu gol acchiappaje), passajeno int’o gruppo ddè meglio seconne. Int’o Gruppo 3 vincette l'Aunione Sovieteca, e a o’ siconio post’ se qualificaje pure l'Austria. Int’o Gruppo 4 rischiaje gruosso a Germania ell’Ovest, c’arrivaje adderet ell'Ulanna: i germanesi impattajeno ddoje vote contre ll’Orange e fujeno bluccate cu nu 0-0 in Galles, ma passajeno mmiez e’ megli seconne classificate. Int’o gruppo 5 Scozia e Jugoslavia firmajeno l’eliminazion pe a’ Franza, e int’o gruppo 6 vincette a’ Spagna, annanze a surpresa-Irlanda, ca fuje capac’ e battr a Dublino e furie rosse e d’arrivà a nu sulo punto a lloro. Infine, int’o gruppo 7, ascette o’ Purtuallo e passajeno o’ turno Belge e Cecoslovacchia.

Int’o Sudamerica passajeno l'Uruguay e o’Brasile,ca fuje vittima e’ n’episodio brutto assaje: dint’a gara contr o’ Cile, o’portiere Rojas fingette ca fuje culpito a nu petardo e s’accasciaje a terra, mentre se tagliaje annascust o’ sopracciglio co nu bisturi piccirillo. O’sang facette suspennere a’ partita, ma a’ truffa fuje sgamata e o’ Cile fuje squalificato ddè munniali in Italia e pure da quelli int’e State Aunite int’o 1994. A’ Colombia duvette aspettà o’ spareggio cu Israele pe’ esultà.

In Africa, Nagitto e Camerun a spuntajeno; in America ddò Nord n’ce fuje nu colpo e’ furtuna ddò Costarica, che approfittaje ddà squalifica ddò Messico pè ghì int’o girone finale, addò, n’zieme e State Aunite, passaje o’ turn’ battenno Trinidad, Guatemala ed El Salvador. In Asia ascettero vincitori Corea ddò Sud ed Emirati Arabi Aunite, ca mettettero adderet’ Qatar, Cina, Arabia Saudita e Corea ddò Nord.

O’ 9 'e dicembre 1989, int’o restaurate Olimpico e’Romma, se facette o surteggio. Pippo Baudo conducette a’ serata e’ gala, e Sophia Loren facette a madrina, estraendo cu quacche campione ddò passat (ma n’ce steva pure Luciano Pavarotti) e’ palline all’urne. L'Italia truvaje Austria, Cecoslovacchia e State Aunite; all'Argentina capitajeno e sovietici, finalisti all'Europeo 1988, i rumeni e o’ camerun; o’ Brasile truvaje Scozia, Sguezia e Costa Rica; a’ Germania capitaje cu jugoslavi, Columbiani e ll’ Emirati Arabi Aunite; o’ gruppo E s’appresentaje comme o’ girone e’ fierro, cu spagnoli, belgi, uruguayani e sudcoreani; l'Ulanna truvaje ngresi, irlandesi ed egiziani. A’mascotte, ca se chiammave Ciao pè onorà a’ parola italiana cchiù canosciuta int’o munn, era nu pupazzo tricolore.

A’ squadra ca fuje cunvocata ddò ct Vicini fuje composta da: 22 Pagliuca, 12 Tacconi, 1 Zenga; 2 Baresi, 3 Bergomi, 4 De Agostini, 5 Ferrara, 6 Ferri, 7 Maldini, 8 Vierchowod; 9 Ancelotti, 10 Berti, 11 De Napoli, 17 Donadoni, 13 Giannini, 14 Marocchi; 15 Baggio, 16 Carnevale, 18 Mancini, 19 Schillaci, 21 Vialli, 20 Serena.

Le partite dei gruppi di qualificazione

Tutte ll’uocchie fujeno puntate n’coppa all'Argentina, ca dint’a primma partit ddo munniale a San Siro se scuntraje co Camerun ddò trentottenn Milla. L'Argentina ddò fischiatissimo Maradona apparette nervosa, ll’africane rimmanettero in 10 pè l'espulsione e’ Kana Biyick e putevano capitolà a nu mument’ all'ato. Ma era o’ 66', quann, doppo nu cross int’all’area argentina, Omam Biyik saltaje, e o’ portiere argentino Pumpido allisciaje o’ pallon ca fernette din’t a rezza. O’ Camerun resistette pure cu 9 (fuje espulso Massing pe nu fallo n’copp a’ Caniggia) e cogliette a cchiù inaspettata ddè vittorie.

O’ juorno appresso tuccaje all'Italia n’cuoll all’Austria. Ll’azzurre spingettero pè tutto o’ primmo tiempo, ma nun facettero cchiù e nu palo esterno ca fuje pigliat’ da Ancelotti. Dint’a ripresa a’ nazional’ azzurr’ intensificaje ll’attacchi, e impegnaje o’ purtiere Lindenberger int’a ddoje occasioni, cu Donadoni e De Agostini, mentre l'arbitro brasiliano Wright negaje nu rigore a Donadoni. O’ 75' Vicini luvaje a Carnevale, e facette trasere o’ juventino Schillaci. Passajeno sulament quatto minute e fuje proprio o’novo trasuto ca facette nu gol e’ cap’.

O’ juorno appresso i cecoslovacchi rispunnettero cu nu 5-1 agli State Aunite. Facette m’pressione pure a’ Germania, ca surclassaje 4-1 a’ Jugoslavia cu na rete ddò romanista Völler, ddoje e Matthäus e n’ata e’ Klinsmann. O’ Brasile e’ Lazaroni, senza grandi geni in mezzo al campo (Valdo e Silas non sono due fenomeni), batté a Sguezia pè 2-1, cu ddoje gol ddò napulitano [[Antonio Careca|Careca. Pareggiaje ll'Ulanna contro ll'Nagitto. Pure ll'Irlanna, ca debuttaje e munniali, fermaje 1-1 ll’odiate cuggini ngresi, int’a na gara a rischio-hooligans. A’ Spagna e’ Suarez fuje graziata all'Uruguay, cu Ruben Sosa ca sbagliaje nu rigore.

O’ 13 'e giùgno ll'Argentina vincette al "San Paolo" n’cuoll all'URSS. O’ purtiere Pumpido se scuntraje cu Serrizuela e concludette o’ suoje munniale cu na frattura: fuje nu vero colpo e’ furtuna ppe a’ Naziunale ‘e Bilardo, poiché trasette a’ riserva Sergio Goycochea, una ddè surprese ddè Munniali. L'Argentina vincette 2-0, cu e reti e’ Troglio e Burruchaga, e i sovietici e’ Lobanovski, rivelazione dint all'Europeo 1988, ca già fujeno sconfitti ppe man ddè rumeni, ascettero ddà scena.

O’ juorno appresso, semp’ a Romma, turnaje in campo l'Italia, contr all’americane. Doppo sulament’ 11 minute, l'Italia passaje in vantaggio: cu n’assist e’ Donadoni, Giannini entraje dint all’ area e superaje Meola. Al 32' Vialli sprecaje nu rigore. Fernette 1-0 e a’ Naziunale azzurra puté archivià o’ primmo turno, comme ‘a Cecoslovacchia ca battette l'Austria.
Continuaje pure ‘a Germania ca facette cinque gol all’ Emirati Arabi. Andajeno annanze pure ‘e pareggi dint’o gruppo F: 0-0 tra Ngreterra e Ulanna e tra Irlanna ed Nagitto, cu tutte ‘e squadre ancora a 2 punti cu solamente na partita ancora da jucà. Se qualificajeno pure o’ Brasile, doppo l'1-0 ai costaricani, e o’ Camerun, ca battette cu na doppietta ell’anziano Milla ‘a Rumania, vincenno pure o’ gruppo. Passajeno all’ottave pure o’Belge, doppo nu 3-1 n’cuoll e sudcoreani.

L'Italia affrontaje a’ Cecoslovacchia e all'Olimpico fuje n’ato successo: arapette Schillaci, ca deviaje int’a porta nu tiro e’ Giannini, replicaje int’a ripresa Roberto Baggio cu nu pallonetto ca superaje o’ purtier’ Stejskal.

Dint’o gruppo B, n’siem o’ Camerun (primmo pur’ ca scunfitt contr’ all'URSS), iettero annanze Argentina e Rumania, ca chiudettero l'ultima gara co nu utile 1-1. Dint’o gruppo C passaje a Costa Rica e Milutinovi, ca avincette 2-1 n’cuoll a Sguezia, cu Flores e Medford. Dint’o gruppo D, n’sieme ai germanesi, passajeno ‘a Jugoslavia e ‘a Culombia, ca agguantaje ‘a qualificazione cu nu gol alla fin’ ‘e Rincon n’cuoll ‘a Germania. Pure ‘a situazion’ ddò gruppo se risulvette o’ 90': nu colp’ e cap’ ‘e Daniel Fonseca affunnaje ‘e sudcoreani, e ll'Uruguay passaje ‘o turno n’sieme a Spagna e Belge. Dint’o gruppo F ‘a spuntaje ‘a Ngreterra, ca battette 1-0 l'Nagitto cu nu gol e Wright e passaje n’sieme ad Irlanna e Ulanna.

Ll’ ottav’ e final’

Ll’ottave iniziajeno cu n’ata m’presa ddò Camerun, ca battette pè 2-1 a’ Culombia. Doppo 105 minute a’ gara s’accennette dint’o siconno tiempo supplementare. A Napule fuje n’ata vota Roger Milla a timbrà ‘o storic’ access’ e’ ‘na squadra africana ai quarti, cu ‘na doppietta int’a quatto minute (o’ siconio gol fuje colpa e Higuita). A stessa sera, sagliette in cattedra Thomas Skuhravy: o’ centravante, ca doppo addivantaje nu juocatore genoano, trascinaje ‘a Cecoslovacchia ca facette 4-1 n’cuoll ‘a Costa Rica.

Dummeneca 24 'e giùgno fuje a jurnata ddè match-clou: Argentina-Brasile o’ pommeriggio, Germania-Ulanna int’a serata. A’ sfida fra ‘e ddoje superpotenze sudamericane se risulvette cu n’assedio brasiliano: Careca, doppo ddoje minnuti, seminaje meza difesa argentina, ma fuje bluccato ‘a Goycochea; o’ 18' Dunga colpette o’pal’, o’ 52' fuje Alemão a piglià o’pal’, o’64' n’ata vota Careca mancaje o’vantaggio ‘e cap’. Maradona s’appicciaje a dieci minnute ddà fine: seminaje ll’avversari, allargaje pe’ Caniggia, ca dribblaje pure a Taffarel pè signà senza o’ purtier’. Dint’o derby ‘e San Siro fra i germanesi interisti e ll’olandesi milanisti, ‘a Germania superaje ll’Ulanna. Doppo 21 minute Völler falciaje o’ purtier’ Van Breukelen. L'arbitro Loustau espulse o’ romanista e n’infuriato Rijkaard, colto dalle tv sputaje n’cuoll o’ germanese. O’ 49' Klinsmann freddaje ll'Ulanna, ca rischiaje cchiù vote o’ tracollo (pal’ e’ Klinsmann) e carette all'84', doppo nu destr’ e’ Brehme ‘a fore area. Nu rigore ‘e Koeman all'88' servette sulo pè alimentà e rimpiante ell’ Orange.

O’ juorno doppo, ll'Irlanna avincette n’cuoll’ ‘a Rumania cu ‘e calci ‘e rigore; surprendente è o’fatt’ ca ll’ irlandesi raggiungettero ‘e quart’ ‘e final’ senza manc’ na’ vittoria.
A’sera tuccaje all'Italia, m’pegnata all'Olimpico contr’ all'Uruguay. Contr’ a’ difesa ddè suddamericani, allenati ddò "maestro" Tabarez, l'Italia faticaje: Vicini scegliette e’ levà Berti pè inserì ‘na terza punta, Aldo Serena. Tredici minute doppo, ‘na cagliosa ‘e Schillaci bruciaje Alvez. N'incornat’ ‘e Serena (ca cumpiva propeto int’a chilo juorno trenta anne) terminaje ‘a gara, e qualificaje ll’azzurre ai quart’.

Ll’ottave fernerono o’juorno appresso. A Verona, ‘a Jugoslavia e ‘a Spagna s’annullajeno nfi a nu quarto d'ora ddà fine, po’ iniziaje o’ divertimento. Stojkovic purtaje annanze ‘e slavi doppo ‘a torre ‘e Katanec; o’ bomber Salinas pareggiaje subbito doppo. Int’e supplementari, toccaje ancora a ancora Stojkovic, cu na punizione, a fà calà o’sipario n’copp’ ‘a Spagna ‘e Suarez. A Bologna, a Ngreterra suffrette ‘o Belge. A nu minuto ddè rigori, fuje Platt a mannà annanze ‘e Lioni de Ngreterra.

I quarti di finale

E’ quarte presentajeno sei squadre europee, ‘na sudamericana e n'africana. A Sciorenza, l'Argentina fuje opposta a’ Jugoslavia. Gli slavi rimmanettero in dieci doppo mez'ora, quann’ fuje mannat’ for’ Sabanadovic. Ma a partitì fernette cu ‘e calci ‘e rigore. Stojkovic, uno ddè meglio juocatori mmiez o’ campo, pigliaje ‘a traversa; o’ rigore e’ Maradona fuje parat’ da Tomislav Ivkovic. Troglio sembraje condannà ‘a squadra soja ma Goycochea, parando i rigori di Brnovic e Hadibegic, purtaje e’ suddamerican’ int’a semifinal’.
L'Italia, dint’ a stessa sera, fuje opposta, int’o stadio Olimpico, n’cuoll all’Irlanna ‘e Jackie Charlton. Vicini ricunfermaje Baggio e Schillaci in attacco. Doppo trentasette minute, n’ata vota Schillaci, n’copp a ‘na respinta doppo nu tiro ‘e Donadoni, appoggiaje din’t a porta vuota. O’risultato nun cambiaje e l'Italia passaje o’ turn’.

O’ juorno appresso, a’ Germania eliminaje ‘a Cecoslovacchia. Matthäus trasformaje o’ 25' o’ rigore ca decidette ‘a partita, poi fuje o’ difensor’ Hasek a salvà pe tre vvote ‘a porta soja. Arrivaje ll'ora ddò Camerun, a squadra cchiù simpateca ddò Munniale, a Napule n’cuoll a Ngreterra. O’ bell modo e jucà ell’africane rischiaje de avè ‘a meglio rispetto all'esperienza ddà Ngreterra: o’ 25' Platt schiacciaje int’a rezza nu bello cross ‘è Pearce, ma Milla, ca steva in panchina int’o primmo tiempo, se scatenaje int’a ripresa: doppo nu fallo n’copp a isso ‘e Gascoigne, o’ 63' Kunde pareggiaje cu nu rigore; cinque minute doppo fuje Ekeke a purtà in vantaggio ll’africane doppo n’assist ‘e Milla. O’ Camerun scegliette e difennere o’ risultat’ e sbagliaje: mancavano sulament’ nove minuti Lineker fuje stennuto int’all’area da Massing, ddò dischetto o’ bomber trasformaje, facenno o’ bis ddint ‘e tiempi supplementari, doppo ca N'Kono o riatterraje.

E’ semifinal’

S’arrivaje accussì alle semifinali: Italia-Argentina e Germania-Ngreterra. L'Italia abbandunaje Romma pe scennere a Napule addò Maradona era n’ idolo incontrastato.

Mmiez’ o’ campo turnaje Vialli n’sieme a Schillaci. L'Italia nun pareva brillante comme a primma, ma o’ gol arrivaje al 17': doppo nu tiro ‘e Vialli can un fuje trattenuto ‘a Goycochea arrivaje Schillaci, ca purtaje in vantaggio ll’azzurre.
Ddint o’ siconno tiempo, o’ 68°, nu cross luongo ‘e Olarticoechea pigliaje impreparat’ Zenga, cu Caniggia ca gelaje ‘o stadio cu nu colp’ e cap’. Doppo 518' (981' se considerate anche le partite prima della rassegna, record siconno solamente a chilo ‘e Zoff ddò 1972-1974), terminaje l'imbattibilità ‘e Zenga a Italia '90. Manco l'ingresso di Baggio e Serena o’ post’ e Giannini e Vialli cambiaje ‘e carte n’ tavola. E’ supplementari fujeno inutili, l'arbitro francese Vautrot cacciaje Giusti, ma nun facette o’stess cu Dezotti. N’copp a chisto eppisodio, Vicini turnaje pè fa na polemica tiempo doppo:

« Ho visto l'arbitro estrarre il cartellino giallo, accorgersi che Dezotti era già ammonito, e riporlo nel taschino. »

Doppo otto minute ‘e recupero (Vautrot ammettette ca se scurdaje ddò cronometro), arrivajeno e’ rigori. L'Argentina fuje implacabile, ‘o specialista Goycochea neutralizzaje Donadoni e Serena: i sudamericani approdarono int’a finale, 32 anne doppo ‘a primma e urdema vota ‘e ‘na suddamericana finalista in Europa (o’ Brasile in Sguezia int’o '58): Argentina sn’copp’ all’A1 pè Romma, Italia n’copp’ all’A16 pè Bari.

O’ juorno appresso, dint’all’ata semifinal’, nun fuje ‘na bella partita tra Germania e Ngreterra. O’ 59', ‘na punizione ‘e Brehme fuje deviata ‘a Parker; all'80' Lineker approfittaje ddà confusion’ int’all’area germanese rinvianno tutt’cos’ ai rigori. Ddò dischetto, sbagliajeno Pearce e Waddle, e a Germania se arritruvaje a Romma.

A’ final’ ppò 3° post’

L'Italia ascette a cap’ aizat’, cu nu terz’ post’ conquistato doppo ‘na bella vittoria n’cuoll ‘a Ngreterra, a Bari. N'Italia senza molti juocatori passaje cu Baggio o’ 72' fuje raggiunt’ ‘a Platt deci minute doppo e vincette cu nu rigore calciat’ ddò solito Schillaci, doppo nu fall’ ‘e Parker. Schillaci diventaje capocannoniere cu 6 reti mentr’ Shilton, a quarantun'anne, ponette fine alla esperienza soja cu a’ Naziunale ngrese.

A’ finale

O’ juorno appresso, a Roma, fujeno ‘e scena Argentina e Germania, pè nu replay ddà finale ‘e quatto anne primma a Città ddò Messico. A’ delusione ppè ‘a mancata finale condizionaje ‘e preferenze ddò pubblico italiano ca steva dint’o Stadio Olimpico, ca fischiaje l'esecuzione ell'inno naziunale argentino. A ‘sta pruvocazione, Maradona reagette cu nu labiale ca cchiù chiar nun putev’ essr’ (“Hijos de puta! Hijos de puta!”).

Int’a na partita brutta assaje, cu Carlos Bilardo ca vuleva arrivà ai rigori, l’arbitro (brasiliano) Codesal facette ‘na schifezz’ ‘e prestazione: negaje nu rigore ad Augenthaler, facette ‘o stess’ n’cuoll a Dezotti, espelle Monzon e inventaje o’ penalty quanno mancaveno sei minute ddà fine, doppo n’intervento ‘e Sensini su Völler. Ddò dischetto nun sbagliaje Brehme. O’ Munniale italiano terminaje cu a Germania ca triunfahe ppà terza vota, mentre a Maradona nun riuscette o’ bis ca sugnaje ppè quatto anne.

Risultate

Primma fase

Gruppo A

	Risult.		Addò e quann’
Italia Schillaci 78'	1 - 0	Austria	Romma, 9 'e giùgno
Cecoslovacchia Skuhravý 25', 78' Bílek 39' (pen.) Hašek 50' Luhový 90+3'	5 - 1	State Aunite Caligiuri 61'	Sciorenza, 10 'e giùgno
Italia Giannini 11'	1 - 0	State Aunite	Romma, 14 'e giùgno
Cecoslovacchia Bílek 31' (pen.)	1 - 0	Austria	Sciorenza, 15 'e giùgno
Austria Ogris 52' Rodax 65'	2 - 1	State Aunite Murray 85'	Sciorenza, 19 'e giùgno
Italia Schillaci 9' Baggio 78'	2 - 0	Cecoslovacchia	Romma, 19 'e giùgno

Classefeca finale	Pt	G	V	N	P	GF	GS	DR
Italia	6	3	3	0	0	4	0	4
Cecoslovacchia	4	3	2	0	1	6	3	3
Austria	2	3	1	0	2	2	3	-1
State Aunite	0	3	0	0	3	2	8	-6

Gruppo B

	Risult.		Addò e quann’
Camerun François Omam-Biyik 67'	1 - 0	Argentina	Milano, 8 'e giùgno
Rumania Marius Lăcătuş 42', 57' (pen.)	2 - 0	Aunione Sovieteca	Bari, 9 'e giùgno
Argentina Pedro Troglio 27' Jorge Burruchaga 79'	2 - 0	Aunione Sovieteca	Napule, 13 'e giùgno
Camerun Roger Milla 76', 86'	2 - 1	Rumania Gavril Balint 88'	Bari, 14 'e giùgno
Aunione Sovieteca Oleh Protasov 20' Andrei Zygmantovich 29' Oleksandr Zavarov 55' Igor Dobrovolski 63'	4 - 0	Camerun	Bari, 18 'e giùgno
Argentina Pedro Monzón 63'	1 - 1	Rumania Gavril Balint 68'	Napule, 18 'e giùgno

Classefeca finale	Pt	G	V	N	P	GF	GS	DR
Camerun	4	3	2	0	1	3	5	-2
Rumania	3	3	1	1	1	4	3	1
Argentina	3	3	1	1	1	3	2	1
Aunione Sovieteca	2	3	1	0	2	4	4	0

Gruppo C

	Risult.		Addò e quann’
Brasile Careca 40', 63'	2 - 1	Sguezia Tomas Brolin 79'	Torino, 10 'e giùgno
Costarica Juan Cayasso 49'	1 - 0	Scozia	Genova, 11 'e giùgno
Brasile Müller 33'	1 - 0	Costarica	Torino, 16 'e giùgno
Scozia Stuart McCall 10' Mo Johnston 80' (pen.)	2 - 1	Sguezia Gleen Strömberg 86'	Genova, 16 'e giùgno
Brasile Müller 82'	1 - 0	Scozia	Torino, 20 'e giùgno
Costarica Róger Flores 75' Hernán Medford 88'	2 - 1	Sguezia Johnny Ekström 32'	Genova, 20 'e giùgno

Classefeca finale	Pt	G	V	N	P	GF	GS	DR
Brasile	6	3	3	0	0	4	1	3
Costarica	4	3	2	0	1	3	2	1
Scozia	2	3	1	0	2	2	3	-1
Sguezia	0	3	0	0	3	3	6	-3

Gruppo D

	Risult.		Addò e quann’
Columbia Bernardo Redín 50' Carlos Valderrama 85'	2 - 0	Emirati Arabi Auniti	Bologna, 9 'e giùgno
Germania Ovest Lothar Matthäus 28', 64' Jürgen Klinsmann 39' Rudi Völler 70'	4 - 1	Jugoslavia Davor Jozić 55'	Milano, 10 'e giùgno
Jugoslavia Davor Jozić 75'	1 - 0	Columbia	Bologna, 14 'e giùgno
Germania Ovest Rudi Völler 35', 75' Jürgen Klinsmann 37' Lothar Matthäus 47' Uwe Bein 58'	5 - 1	Emirati Arabi Auniti Khalid Ismaïl 46'	Milano, 15 'e giùgno
Germania Ovest Pierre Littbarski 89'	1 - 1	Columbia Freddy Rincón 90+3'	Milano, 19 'e giùgno
Jugoslavia Safet Sušić 4' Darko Pančev 8', 46' Robert Prosinečki 90'	4 - 1	Emirati Arabi Auniti Ali Thani Jumaa 22'	Bologna, 19 'e giùgno

Classefeca finale	Pt	G	V	N	P	GF	GS	DR
Germania Ovest	5	3	2	1	0	10	3	7
Jugoslavia	4	3	2	0	1	6	5	1
Columbia	3	3	1	1	1	3	2	1
Emirati Arabi Auniti	0	3	0	0	3	2	11	-9

Gruppo E

	Risult.		Addò e quann
Belge Marc Degryse 53' Michel De Wolf 64'	2 - 0	Sudcorea	Verona, 12 'e giùgno
Uruguay	0 - 0	Spagna	Udine, 13 'e giùgno
Spagna Míchel 22', 61', 81'	3 - 1	Sudcorea Hwangbo Kwan 42'	Udine, 17 'e giùgno
Belge Lei Clijsters 16' Enzo Scifo 22' Jan Ceulemans 47'	3 - 1	Uruguay Pablo Bengoechea 73'	Verona, 17 'e giùgno
Uruguay Daniel Fonseca 90'	1 - 0	Sudcorea	Udine, 21 'e giùgno
Spagna Míchel 20' (pen.) Alberto Górriz 38'	2 - 1	Belge Patrick Vervoort 28'	Verona, 21 'e giùgno

Classefeca finale	Pt	G	V	N	P	GF	GS	DR
Spagna	5	3	2	1	0	5	2	3
Belge	4	3	2	0	1	6	3	3
Uruguay	3	3	1	1	1	2	3	-1
Sudcorea	0	3	0	0	3	1	6	-5

Gruppo F

	Risult.		Addò e quann’
Ngreterra Gary Lineker 8'	1 - 1	Irlanna Kevin Sheedy 73'	Cagliari, 11 'e giùgno
Ulanna Wim Kieft 58'	1 - 1	Nagitto Magdi Abdelghani 83' (pen.)	Palermo, 12 'e giùgno
Ngreterra	0 - 0	Ulanna	Cagliari, 16 'e giùgno
Irlanna	0 - 0	Nagitto	Palermo, 17 'e giùgno
Ngreterra Mark Wright 58'	1 - 0	Nagitto	Cagliari, 21 'e giùgno
Ulanna Ruud Gullit 10'	1 - 1	Irlanna Niall Quinn 71'	Palermo, 21 'e giùgno

Classefeca finale	Pt	G	V	N	P	GF	GS	DR
Ngreterra	4	3	1	2	0	2	1	1
Irlanna (dopo sorteggio)	3	3	0	3	0	2	2	0
Ulanna	3	3	0	3	0	2	2	0
Nagitto	2	3	0	2	1	1	2	-1

Ottav’ e final’

Se qualificaje	Risult.	Turnaje a cas’	Addò e quann
Camerun Roger Milla 106', 109'	2 - 1 (dts)	Columbia Bernardo Redín 115'	Napule, 23 'e giùgno
Cecoslovacchia Tomáš Skuhravý 12', 63', 82' Luboš Kubík 75'	4 - 1	Costarica Rónald González Brenes 54'	Bari, 23 'e giùgno
Argentina Claudio Caniggia 80'	1 - 0	Brasile	Torino, 24 'e giùgno
Germania Ovest Jürgen Klinsmann 51' Andreas Brehme 82'	2 - 1	Ulanna Ronald Koeman 89' (pen.)	Milano, 24 'e giùgno
Irlanna	0 - 0 (dts) 5-4 rig.	Rumania	Genova, 25 'e giùgno
Italia Salvatore Schillaci 65' Aldo Serena 83'	2 - 0	Uruguay	Romma, 25 'e giùgno
Jugoslavia Dragan Stojković 78', 92'	2 - 1 (dts)	Spagna Julio Salinas 83'	Verona, 26 'e giùgno
Ngreterra David Platt 119'	1 - 0 (dts)	Belge	Bologna, 26 'e giùgno

Quart’ e final’

Se qualificaje	Risult.	Turnaje a cas’	Addò e quann’
Argentina	0 - 0 (dts) 3-2 rig.	Jugoslavia	Sciorenza, 30 'e giùgno
Italia Salvatore Schillaci 38'	1 - 0	Irlanda	Romma, 30 'e giùgno
Germania Ovest Lothar Matthäus 25' (pen.)	1 - 0	Cecoslovacchia	Milano, 1 'e luglio
Ngreterra David Platt 25' Gary Lineker 83' (pen.), 105' (pen.)	3 - 2 (dts)	Camerun Emmanuel Kundé 61' (pen.) Eugène Ekéké 65'	Napule, 1 'e luglio

Semifinal’

Se qualificaje	Risult.	Turnaje a cas’	Addò e quann’
Argentina Claudio Caniggia 67'	1 - 1 (dts) 4-3 rig.	Italia Salvatore Schillaci 17'	Napule, 3 'e luglio
Germania Ovest Andreas Brehme 60'	1 - 1 (dts) 4-3 rig.	Ngreterra Gary Lineker 80'	Torino, 4 'e luglio

Final’

Ppò terz’ post’

Arrivaje terz’	Risult.	Arrivaje quart’	Addò e quann’
Italia Roberto Baggio 71' Salvatore Schillaci 86' (pen.)	2 - 1	Ngreterra David Platt 81'	Bari, 7 'e luglio

Ppò primmo post’

O’ Campion’	Risult.	A’ siconn’	Addò e quann’
GERMANIA Ovest Andreas Brehme 85' (pen.)	1 - 0	Argentina	Romma, 8 'e luglio

Campione ddò munno 1990

Germania
(Terz’ titolo)