Phylum
'O phylum (plurale phyla) è 'o gruppo tassonomeco ierarchicamente 'nferiore ô regno e superiore a 'a crasse. 'O termene tipo è cchiù ausato 'n zoologgia, divisione 'n botanica e int'ê scienzie 'e ate regne (prutiste, munere). Chista strana differenziazzione è ausata angora ogge: 'mmece 'e scegliè na vota pe' tutte nu termene tra "tipo" e "divisione" se fa recurso ô grieco-latinismo phylum (d"o grieco φυλόν, "nazzione", "tribbù", "gente") ca pare bene pe' tutte 'e regne. Communque, 'n spagnuolo e purtuese se ausa correntemente l'adattamento filo.
'E urganisme d"o stisso phylum tenneno nu chiano strutturale commune, nun necessariamente evidente d"a morfologgia esterna.
Nomme scientìfeco
cagna'O nomme scientìfeco latino attribuito a nu phylum è sempe nu neutro plurale (fernisce cu 'a lettera "a"); pe' 'e piante, termena cu -phyta (p.es. Bryophyta, Cycadophyta) ca vene reso 'n napulitano cu 'a termenazzione -fite (Briofite, Cicadofite); pe' 'e fungie, termena cu -mycota (p.es. Ascomycota, Zygomicota), ca vene reso cu -miceti (Ascomiceti, Zigomiceti); 'n ate case 'a termenazzione è cchiù variabbele (p.es. Arthropoda, Mollusca, Chordata, Bryozoa), 'a finale "a" vene trasfurmata 'n napulitano 'n "e" (Artropode, Mollusche, Cordate, Briozoe).