Indo-Uropese taolen

De Indo-Uropese taolen zint n grote familie van taolen, dei allemaol mitnanner verwandt zint (vellicht zint ja alle taolen mitnanner verwandt, man bi de Indo-Uropese taolen kann man dat ook bewiezen). Tesaomen zint zi de grootste taolfamilie up de Eerde. Meer as 2,5 miljard luu heft n Indo-Uropese taol as Moudertaol. De taolen, dei bi disse familie heuren deit, stimt wiet overein in zaoken as woordenschat, flexion en annere zaoken.

Indo-Uropese taolen (luchtgruin) en de annere taolfamilies van de wereld

Indo-Uropese taolen

In Uropa heurt haost alle taolen bi disse familie. Bloot Törks, Fins, Estlaands, Hongaors en Baskisch heurt nich daorbi.

Dat de Indo-Uropese taolen binao over heile wereld praot wordt kumpt deur de Kolonisaotsie vanof dat 16. Jaorhonnert. Ook zint taolen in Iran en India Indo-Uropees.

Indo-Uropese taolen

• Germaonse taolen, zo as Engels, Duuts en Nederlaands
• Indo-Iraanse taolen, zo as Hindi, Bengaols, Marathi, Punjabi, Urdu, Koerdisch en Perzisch
• Romaonse taolen, zo as Spaons, Roemaons, Fraans en Italjaons
• Slaovische taolen, zo as Russisch, Krewaotisch en Pools

Ook Latien en Ooldgreiks, dei up gymnasium geven wordt, zint Indo-Uropese taolen.

Schreven up Westerwoolds