Peter Kropotkin

Pjotr Aleksejevitsj Kropotkin (Russies: Пётр Алексеевич Кропоткин, Pëtr Alekseevitsj Kropotkin) (Moskou, 9 december 1842 – Dmitrov, 8 februari 1921) was 'n Russiese vorst, revolutionair en anarchist; theoreticus van 't anarchisme, geograaf en geoloog.

Peter Kropotkin

't Huus van Olsufjev in Dmitrov waor as Kropotkin tussen 1917 en 1921 woond hef.

Kropotkin was van 1872 töt 1874 lid van 't grupien van de 'tsjajkovisen', 'n revolutionaire grupering in Sint-Petersbarg. Hi'j voerden revolutionaire propaganda onder de warkers in de stad. Naor zien ontsnapping uut de gevangenisse in de Petrus-en Paulusvesting in 1878 hef e zich nood edwungn töt 1917 mutten verbargn in 't butenlaand. En hi'j was daor lid van anarchistiese grupen. Kropotkin publiceerden op 't gebied van ethiek, de sociologie en de geschieddenisse van de Fraanse Revolutie. In 1902 verschenen zien memoires: Herinneringn van 'n revolutionair.

Kropotkin constateerdeen onder aander in teegnstelling töt Charles Darwin dat bi'j dieren van 'nzölfde soort gin sprake was van stried um 't bestaon. Wederziedse hölp en onderlinge solidaoriteit blek essensjeel te ween veur 't behoald en de evolutie van ieder dier-soort. Ok meanslike dier-soorten bint volgns Kropotkin der toe eneigd 'n genereuze hoalding an te nemmen, opofferingsgezind te ween en onbaatzuchtig. Dat zol met name blekken in kleanschaolige en solidaire gemienschappen. Zo schreef e over de Comunne van Parijs van 1871, dat 'n ni'j idee geboren was onder de name van de Parijse comunne.' De moderne staot is volgns Kropotkin de grootsen hindernisse veur 't beriek van 'n maaschappi'je ebasseerd op onbaatzichtighejd, vri'jheid en geliekheid. De ofbraak van de staot zol daormet de ienige weg ween naor solidair gedrag van meansen, de bevri'jding van de ienlinge en de veuruutgaank van de maaschappi'je.

Dit artikel is eskreaven in et sallandsk.