Klavecimbel

'n Klavecimbel is 'n meziekinstrument. 't Liekt wa wat op 'n tengeltangel, allennig klinkt 't wa meer as 'n spiekerbak, mit 'n heule scharpe klank. D'r zit dan ok gien haomers in maor pennegies van 'n ravenveer, en die tokkelt an de snoaren a-j 'n toets indrukt. Klavecimbels bent veural broekt in de baroktied. Componisten as Johann Sebastian Bach hebt laodings meziek schreven veur dit instrument.

'n Vlaoms klavecimbel

Sunds de klassieke tied is de klavecimbel 'n beetie verdrungen deur de piano. 't Instrument is nou wal weer 'n beetie populairder as veur honderd jaor. Deurdat wie nou wa meer weet van hoe ze vrogger speulden is de belangstelling weer toeneumen.

Op 'n klavecimbel ku-j nie stark of zachies speulen. Allennig as d'r registers op zit ku-j 't geluud 'n beetie beïnvloeden.