Koffiemesine

Een koffiemesine of koffiezetter is een huushouwelijke apperaot waormee koffie emaakt kan worren.

Een koffiemesine

Hoe 't warkt

De koffiemesine, die in de meeste huushouwens gebruukt wort, maakt gebruuk van een koffiefilter in een houwer. In de filter gaot de gemaolen koffie, veerder is der een opslagplekje veur 't waoter en een koffiekan um de warme koffie in op te vangen. Naodat 't waoter in 't opslagplekje begint te koken zal 't waoter in de filter mit de koffie druppelen. De filter zorgt derveur dat alleen 't waoter mit de koffiesmaak in de koffiekan terechtkomt en niet de koffieprut.

Soorten koffiemesines

• koffiemesine - mit pepieren filter
• koffiemesine - mit 'pads' zoas de Senseo
• espressomesine - metaolen filter en kokend waoter oender hoge druk
• cappuccinomesine
• percolator
• cafetière
• koffiemesines veur grootverbruuk - gebruken soms een vleuibaor koffie-extract.

Nedersaksisch

• Grunnegs:
  • Kovviezetter
  • Kovviepot
• Stellingwarfs: koffieapperaot
• Urkers: koffiezetapperaat
• Veluws:
  • koffiezetapperaat, koffiezetapperaot
  • koffieapperaat, koffieapperaot
  • koffiezetter
  • koffiemesine (Garder, Vaossen)

Disse pagina is eschreven in 't dialect van Garder

Commons: Koffiemesine - plaatjes, filmkes en/of gelüüdsbestanden.