Moravie
Moravie (Düütsk: Mähren) is ne historiske streake in et ousten van Tsjechie. Tohoupe med Bohemen un tsjechisk Silesie is et eyne van de dree historiske tsjechiske landen. Et gebeed spant 22.623,41 kilometer in et veerkant un der woanet ungeväär 3,2 miljoon van de 10,8 milljoon inwoaners van Tsjechie. Dee nömet se Moraven. De anderen sint Bohemen. De streake is enöömd når de rivyr de Morava, den as der van noord når süüd dwars döärhen löpt. De grötste un vöärnaamste stad is Brno. Vöärdat de et sweydske leager der in den Dartigjöärigen Oorlog med afkaarteden, was Olomouc de höyvdstad.
| Morava | ||
 |
 | |
 Ligging van Moravie
| ||
| Basisgegeavens | ||
| Höyvdstad | Brno | |
| Geografy en bevolking | ||
| Uppervlakde | 22.348,87 km² | |
| Inwoanertal | 3,2 miljoon | |
| Koordinaten | Koordinaten untbrekket! Help mid. | |
| Oaverige | ||
| Münteynheid | ({{{valutakode}}})
| |
| Tydzone | {{{tydzone}}} | |
| Web | Kode | Tel. | .{{{tld}}} | {{{landkode}}} | {{{tel}}} | |
Et middeleywske un vrogmoderne Markgråfskup Moravie was en krounbesit van de Boheemske Kroune tüsken 1348 un 1918, eyne van de keiserlike ståten van et Heilige Röymske Ryk van 1004 töt 1806, krounbesit van et Oustenryk van 1804 töt 1867 un deyl van Oustenryk-Hungarye van 1867 töt 1918. Do as Tsjechoslowakye sticht wör in 1918 höyrden Moravie der ouk direkt by an. In 1928 wör et tohoupe sköäven med tsjechisk Silesie un dårnå upeheaven in 1948, do as et landenstelsel der achterhen edån wör nå den kommunistisken ståtsgreyp. Töt 1945 woanden der ouk heyl wat düütsktalige lüde in Moravia. Dee wörden nå den Tweyden Wearldoorlog et land uutesat.