Wiedingharders

t Wiedingharders (eigen naeme: Wiringhiirder Freesk) is t Noordfriese dialekt dat sproken wordt in de Duutse Wiedingharde, de laandstreek op t vaastelaand van Noordfrieslaand die tegen de Deense greens an leit.

De Noordfriese dialekten

t Wiedingharders vormt tegere mit t Mooring, t Karrharders, t Goesharders en t Halligers t Vaastelaand-Noordfries. Ondaanks dat t Mooring krek ten zuden dervan leit is t Wiedingharders meer verwaant an t Goesharders. Tegen bepaolde veraanderingen, die t Mooring ondergaon het, hebben de sprekers van t Wiedingharders en t Goesharders heur verzet. Ok het t Wiedingharders n protte Deense (Jutlaandse) invloeden, waorin t weer overienkomsten mit t Sölring vertoont (t dialekt van Sylt).

De hiemkundige verieniging van Niekarken (Duuts: Neukirchen, Noordfries: Naischöspel) organiseert kursussen Wiedingharders.

Dit artikel is skreaven in et stellingwarvsk, in de Algemene Nedersaksiese Schriefwieze.