Arlette Zola
Arlette Zola (* 29. April 1949 in Freiburg in’t Üechtland), Arlette Jaquet mit börgerlichen Naam, is en Swiezer Singersche. Ehr Pseudonym kummt vun den Naam vun ehrn Steefvadder René Quazzola.
Leven
ännernOpwassen is Zola in’t Swiezer Freiburg oder Fribourg. Se hett in dat Restaurant De la Grand-Fontaine vun ehr Mudder mit ehr Singen de Gäst ünnerhollen un speel dorto ok Gitarr. Ehr Steefvadder hett ehr eerste Schallplatt betahlt un sorgt för de Kuntakten to’t Musikgewarf. Op disse Wies keem se to en Plattenverdrag bi de Pariser Marke Disc AZ. Mit ehr Single Elles sont coquines, de Enn 1966 rutkeem, harr se Spood. In’t frankophonen Ruum harr se wieter ok spood mit de Titel Deux garçons pour une fille, Le marin et la sirène un Je n’aime que vous, de se 1967 maakt hett. Leder vun ehr sünd ok in Düütschland op’n Markt kamen, man grote Hits sünd dor nich bi rutkamen.
Vun 1070 an hett se sik ut dat Musikgewarf torüchtogen. 1972 hett se heiraat un föhr dorna mit ehrn Mann eenige Johren lang en Buernhoff in’n Kanton Freiburg. Mit Help un Ünnerstütten vun den Musiker Alain Morisod ut Genf is Zola denn aver in’t Gewarf torüchkamen un hett 1982 för de Swiez an’n Eurovision Song Contest in’t engelsche Harrogate deelnahmen. Se dor dat Leed Amour on t’aime, en Kompositschoon von Morisod, vördragen un keem dormit op den drüdden Platz.[1] 1998 is se nochmol in’t Westswiezer Feernsehen optreden. Mit Morisod hett se en Medley vun veer vun ehr gröttsten Hits ut dat Johr 1966 opnahmen.
Arlette Zola leevt vundaag in Freiburg un arbeit in’t Gastgewarf. In’n April 2009 is vun ehr en CD mit de Orginalopnahmen vun ehr ollen Leder rutkamen.[2]
Diskografie
ännern- 1965 Un peu d’amour, Libéria[3]
- 1966 Elles sont coquines, Disc AZ
- 1967 Arlette Zola, Disc AZ
- 1967 Deux garçons pour une fille, Disc AZ
- 1967 J n’aime que vous. Disc AZ
- 1968 Musique en tête, Disc AZ LP
- 1969 C’est toute la terre, Disc Concert Hall LP
- 1969 La marchande de bonbon, Vogue
- 1970 L’été, Vogue
- 1971 Je suis folle de tant t’aimer, Vogue
- 1972 Pour que vienne enfin ce grand matin, Evasion
- 1977 Tu inventais des saisons, Tourel
- 1980 Offre moi un sourire, Libéria
- 1981 Frappe dans tes mains, Libéria
- 1981 Les fiancés du lac de Côme, LP Libéria
- 1982 Amour on t’aime, LP Jupiter Records
- 1982 Je n’ai pas changé, LP Jupiter Records
- 1983 Billy Boogie, LP Vogue
- 1984 Hasta manana amore mio, Disc Ibach
- 1990 Mais moi je l’aime, Libéria
- 2003 Laissez-moi encore chanter, Azo
- 2005 Amour... Amitié, Azo
- 2007 Le bonheur ne coûte rien, Azo
- 2009 Souvenir, mes anées 6o
Borns
ännern- ↑ «J’ai la voix, j’ai le punch» Artikel ut La Gruyère vun’n 22. Oktober 2005 (franz.)
- ↑ Arlette Zola Portrait
- ↑ Arlette Zola - Dicographie op swissdisco.ch