Band (Anatomie)
As Bänner (medizinsch ok as Ligamenten (lat. ligamenta, Singular ligamentum) betekent warrt in de Anatomie strangordige Strukturen.
In’n Bewegungsapparat sünd Bänner tomeist fesige Sträng vun Binngeweev, de de beweglichen Deelen vun’t Knakenskelett verbinnen doot un sik blots ’n beten dehnen laat. Dormit schränkt se de Beweglichkeit vun de Lidden op en funkschonell sinnig Maat in. Wiel Bänner Knaken mit’nanner verbinnen doot, warrt de Verbinnen vun Knaken mit Muskeln as Sehnen betekent. Wenn Bänner duller as normal dehnt warrt, to’n Bispeel bi’t Ümknicken vun en Lidd, kann dat to en Bännerdehnen oder sogor to’n Bännerreet kamen.
Butendem is de Begreep Band ok begäng för sünnere Folden vun de Tunica serosa, de to’n Ophangen vun binnere Organen deent.
In de Biologie warrt de Verbinnen vun de beiden Schalendeelen bi Musseln ok as Ligament oder as Slottband betekent.
Bispelen för Bänner
ännern- Ligamentum arteriosum
- Ligamentum calcaneonaviculare plantare
- Ligamentum carpi transversum (Retinaculum flexorum, Karpalband, in de Hand)
- Ligamentum coronarium
- Ligamentum falciforme hepatis
- Ligamentum flavum (Geel Band, an de Warvelsüül)
- Ligamentum hepatoduodenale (twüschen Lebber un Twölffingerdarm)
- Ligamentum hepatogastricum (twüschen Magen un Lebber)
- Ligamentum inguinale (Liestenband)
- Ligamentum longitudinale anterius (vörderet Längsband, an de Warvelsüül)
- Ligamentum longitudinale posterius (achteret Längsband, an de Warvelsüül)
- Ligamentum nuchae (Nackenband, an de Halswarvelsüül)
- Ligamentum patellae (Kneeschievenband )
- Ligamentum phrenicooesophageale
- Ligamentum supraspinale (Doornfoortsatzband, an de Warvelsüül)
- Ligamentum teres hepatis
- Ligamentum teres uteri (Rund Beermoderband)
- Ligamentum transversale humeri (Dweerband an de Sehnenscheed vun’n M.biceps brachii)
- Ligamentum triangulare dextrum (recht Lebberband)
- Ligamentum triangulare sinistrum (link Lebberband)