Critérium des As
Dat Critérium des As weer en Radrennen, dat tüschen 1921 und 1990 an Enn’ vun en Saison utdragen wurr. As Deelnehmer wurrn de best Fohrer vun de Saison inlaaden. Fohren wurr dat Rennen achter Schrittmakers up Tandems, Triplets, Motorrööd un af 1947 up Dernys. De meest Rennen funnen in Paris un Ümgegend statt. Dreemal wurr dat Rennen in den Nedderlannen un in de Swiez utdragen.
De eerste Utgaav 1920, de as Vörlöper vun dat eegentlich Kriterium gellt, gung över 1208 Kilometer vun Paris nah Bordeaux un torüch; Sieger weer de Belgier Louis Mottiat mit en Tiet vun 56 Stünn un 48 Minüüt.
1921 geev dat de tweet Uplaag als Inladungsrennen för de best Rennfohrer. Dat Rennen gung 27mal över den Kurs rund veer Kilometer rund um de Rennbahn Longchamp in Paris.
Rekordsieger vun dat Kriterium weer Rik Van Steenbergen, de fievmal wunn, folgt vun Louison Bobet un Jacques Anquetil, de jeweils veermal wunnen hebbt.
