Miljöpartiet de Gröna

Miljöpartiet de Gröna (Ümweltpartei – De Grönen) is de Naam vun en politische Partei in’n sweedschen Rieksdag. De Grönen in Sweden hebbt keen Parteivörsitter, man Parteisprekers. Siet 2002 sünd dat Maria Wetterstrand un Peter Eriksson. Bi de Rieksdagswahlen 2006 hebbt de Grönen 5,24 % vun de Stimmen un 19 vun 349 Mandaten kregen.

Historie

De Grönen in Sweden sünd ut de alternative Bewegen, de Ümweltbewegen un de Anti-Atomkraft-Bewegen vun de 1970er Johren tostannen kamen. Se hebbt sik 1981 as politische Partei organiseert. In’n Nahall vun de Reakterkatastrooph vun Tschernobyl, de Skandinavien deelwies dull drapen hett, künnen de Grönen bi de Wahl vun 1988 de Veerprozenthürd överwinnen un in den Rieksdag intehn.

Karnrebeden vun Miljöpartiet de Gröna sünd de Ümweltpolitik un en eendüdige Positschoon gegen de Europääsche Union. In de Wahlen vun 1991 hett de Partei de Veerprozenthürd knapp verfehlt, man se harrn Sitten in en Reeg vun Provinzlanddaag un Gemeenrööt. 1994 sünd se wedder torüch in dat Parlament kamen un 1998 hebbt se en parlamentaarsche Tosamenarbeit mit de sozialdemokraatschen Minnerheitsregeeren inleidt, de bit to de Wahlen 2006 Bestand harr.

Parteisprekers

• 1981–84 nich fastleggt
• 1984–85 Ragnhild Pohanka, Per Gahrton
• 1985–86 Ragnhild Pohanka, Birger Schlaug
• 1986–88 Eva Goës, Birger Schlaug
• 1988–90 Fiona Björling, Anders Nordin
• 1990–91 Margareta Gisselberg, Jan Axelsson
• 1991-92 Jan Axelsson
• 1992–99 Marianne Samuelsson, Birger Schlaug
• 1999–2000 Lotta Nilsson Hedström, Birger Schlaug
• 2000–02 Lotta Nilsson Hedström, Matz Hammarström
• 2002–11 Maria Wetterstrand, Peter Eriksson
• 2011– Åsa Romson, Gustav Fridolin

Resultaten bi de Rieksdagwahlen

Na Angaven vun Statistiska Centralbyrån

• 1982: 1,65 %
• 1985: 1,50 %
• 1988: 5,53 %
• 1991: 3,38 %
• 1994: 5,02 %
• 1998: 4,49 %
• 2002: 4,65 %
• 2006: 5,24 %
• 2010: 7,34 %

Websteden

• Offizielle Websteed vun Miljöpartiet de Gröna