Franz II. (HRR)
Franz II. (* 12. Februar 1768 in Florenz; † 2. März 1835 in Wien) ut dat Huus Habsborg-Lothringen weer vun 1792 bit 1806 lesten Kaiser vun dat Hillge Röömsche Riek un vun 1804 bit 1835 unner den Naam Franz I. Kaiser vun Öösterriek. As Napoleon Bonaparte as franzööschen Kaiser versocht hett, de Macht in Middeleuropa an sik to rieten, gung he dor gegen an un hett 1804 den Titel vun en Kaiser vun Öösterriek annahmen. Dor hannel sik dat nich mehr um en Wahlkaiser bi, man de Titel is as Arv an den Nafolger wieter geven wurrn. So hett Franz II./I. dat Kaiserriek Öösterriek grünnt, man bit 1806 hett he den Titel vun en erwählten Röömschen Kaiser wieter föhrt.
As he an'n 6. August 1806 verklaart hett, mit dat Hillge Riek weer dat nu ut un he woll „de düütsche Kaiserkroon un dat Rieksregiment daal leggen, de Churförsten, Försten un annern Stänne, as ok all, de to dat düütsche Riek tohören un em deenen döen, vun ehre Plichten, de se bitherto harrn, free maken“[1] weer he bange, de Riekskroon konn in franzöösche Hannen fallen un siene öösterriekschen Länner in dat Riek konnen de iure unner Napoleon sien Regeern kamen. Dat Riek weer ja al nich mehr, as man en losen Tosamensluss, man de facto weer dat nu ganz ut'neen reten dör den Rhienbund, de 1806 up'e Been stellt wurrn weer, wiel Napoleon dat so wull. Den Rhienbund siene Försten weern ut dat Riek utträen un so hett Franz II. dat Riek uplööst, dat al in't Middeloller mit de Krönung vun Otto den Groten to'n Kaiser in't Johr 962 anfungen weer.
Vun 1792 bit 1835 weer Kaiser Franz bovendem König vun Böhmen, Kroatien un Ungarn. Siene Huusmacht weern de Habsborgschen Arvlannen.
Kinnertied un Jöögd
ännern
Erzhartog Franz Joseph Karl is 1768 as öllsten Söhn vun Groothartog Peter Leopold vun de Toskana (den latern Kaiser Leopold II.) un den siene Fro Maria Ludovica, en Prinzess vun Spanien un Dochter vun König Karl III. in Florenz up'e Welt kamen. Vun Anfang an weer dat afmaakt, dat he sienen Onkel Joseph II. up den Kaiserthroon folgen scholl, vunwegen dat de, na den Dood vun siene tweete Fro, nich noch mol heiraden wull.
Literatur
ännern- Heinrich Drimmel: Kaiser Franz. Ein Wiener übersteht Napoleon, Wien/München, 1981, ISBN = 3-85002-141-6
- Heinrich Drimmel: Franz von Österreich. Kaiser des Biedermeier, Wien/München, 1982, ISBN = 3-85002-165-3
- Christian Hattenhauer: Wahl und Krönung Franz II. AD 1792. Das Heilige Reich krönt seinen letzten Kaiser. Das Tagebuch des Reichsquartiermeisters Hieronymus Gottfried von Müller und Anlagen, Frankfort an'n Main, 1995, ISBN = 3-631-48828-9
- Thomas Kuster, Das italienische Reisetagebuch Kaiser Franz´I. von Österreich aus dem Jahre 1819. Eine kritische Edition. phil. Diss, Innsbruck 2004
- Thomas Kuster, Die Italienreise Kaiser Franz I. von Österreich 1819, in: Römische Historische Mitteilungen, Bd. 46, Rom/Wien 2004, 305–334
- Thomas Kuster, Erzherzog Franz II.(Kaiser Franz II./I.). I: Prinzenrolle. Kindheit vom 16. bis 18. Jahrhundert. Ausstellung. Kunsthistorisches Museum, Sammlungen Slott Ambras. Innsbruck 2007, 241-243, Kat.-Nr. 6.18
- Thomas Kuster, Stundenplan für Erzherzog Franz, in: prinzenrolle. Kindheit vom 16. bis 18. Jahrhundert. Ausstellung. Kunsthistorisches Museum, Sammlungen Schloss Ambras. Innsbruck 2007, 243–245, Kat.-Nr. 6.19
- Thomas Kuster, Das Fest fiel herrlich aus. Zeremoniell und Etikette bei der Italienreise Kaiser Franz I. von Österreich 1819. in: Römische Historische Mitteilungen, Bd. 50, Rom/Wien 2008
Weblenken
ännern
Belege
ännern- ↑ Documentarchiv.de, besocht an'n 12. April 2010
| Vörgänger | Amt | Nafolger |
| Leopold II. | Röömsch-düütschen Kaiser 1792-1806 |
Dat Riek is 1806 uplööst wurrn |
Maximilian I. | Karl V. | Ferdinand I. | Maximilian II. | Rudolf II. | Matthias | Ferdinand II. | Ferdinand III. | Leopold I. | Joseph I. | Karl VI. | Karl VII. | Franz I. Stephan | Joseph II. | Leopold II. | Franz II.