Hermann Dewitz

Hermann Dewitz (* 5. November 1848 in Obehlischken bi Insterburg^[1]; † 15. Mai 1890 in Berlin) weer en düütsch Entomoloog, de sück vör allen mit Bottervagels befaat hett. He weer Kustos an dat Museum för Natuurkunn (Berlin).

Dewitz hett dat Gymnasium in Insterburg besöcht un wurr 1874 an de Universität Königsbarg in Zoologie promoveert (Vergleichende Untersuchungen über Bau und Entwicklung des Stachels der Honigbiene und der Legscheide der grünen Heuschrecke). He studeer insbesünnere bi Ernst Gustav Zaddach.

Dewitz hett sück besünners mit Bottervagels ut Süüdamerika, West- un Zentraalafrika befaat un hett 1882 en Afhandlung över de Ruupen vun exotisch Bottervagels herutbrocht (Beschreibungen von Jugendstadien exodischer Lepidopteren, Nova Acta Leopoldina, Band 44, Nr.2)^[2], 1879 över Afrikanische Tagschmetterlinge (Nova Acta Leopoldina, Band 41, Nr.2) un 1881 över Afrikanische Nachtschmetterlinge (Nova Acta Leopoldina, Band 42, Nr.2)^[3].

An‘ 1. Februar 1881 wurr he Liddmaat vun de Leopoldina.

Weblenken

Liddmaatsindrag vun Hermann Dewitz bi de Deutschen Akademie der Naturforscher Leopoldina, afropen an’n 15. Dezember 2018.

Enkeld Nahwiesen

[1] Angaven in sien Dissertatschoon

[2] Digitalisat, Biodiversity Library

[3] Digitalisat, Archive

[1]

[2]

[3]