Innozenz X.

Innozenz X., mit börgerlichen Namen Giovanni Battista Pamphili (* 6. Mai 1574 in Rom; † 7. Januar 1655 ok dor) weer Paapst vun 1644 bit to sien Dood.

Paapst Innozenz X. (Gemälde von Diego Velazquez)

1626 is he pääpstlich Nuntius in Spanien wurrn. Nah sien Wahl to’n Paapst hett he de Macht vun de Familie Barberini broken. To disse Familie hörr ok sien Vorgänger Urban VIII..

He weer ok düchtig tegen de Westfäälsche Freeden, de sien Ansicht nah, de Karkenrechte mißachten deen. Ok de Lehr vun Cornelius Jansen, en nedderlännsch Theoloog, lehn he af, wiels de sück besünners tegen de Jesuiten richten de.

Innozenz X. hett de Kark aber finanziell in Kniep brocht. He hett düchtig de Konst un Bautätigkeit fördert, dorto gehörrn de Restaurierung vun de Lateranbasilika un de Vollendeung vun de Binnenutstattung vun de Peterskark. Beröhmt wurrn is he dor dat Porträt, dat Diego Velázquez van hüm 1650 malt hett. Sien Pontifikat keem dordör in Verrop, as dat he sien habgierig Schwägerin Olimpia Maidalchini to völ Infloot tostahn hett.

Vörgänger	Amt	Nafolger
Urban VIII.	Paapst 1644 - 1655	Alexander VII.