Jamsession

En Jamsession, ok Jam Session (vun engelsch: jam: Jargon för „improviseeren“ un session: „Sitzung“, „Veranstaltung“), is en dwangloos Tosommenspeel vun Jazz-, Blues-, Hip-Hop- oder Rock-Musiker, de nich üblicherwies in en Band tosommenspelen.

De Jamsession in‘ Jazz

Up Jazz-Jamsessions können Stücke, deren harmonisch Schemata un Melodien all Mitmusikers bekannt sünd (so nömmt Jazzstandards) speelt weern. Oder dat wurrd free improviseert. Faken wurrd de Rhythmusgrupp, meest bestahnd ut Klaveer (engelsch: piano, kört: p), Kontrabass (engl.: double bass, kört.: b) un Slagtüüch (engl.: drums, kört.: dr), för de Session in‘ Vörut tosommenstellt, dormit de anner Musiker, de noch dortokommen, weeten, wat för en Musik hör verwacht.

Jamsessions weern för de gesamte Jazzentwicklung vun groot Bedüüden – in den fröhen 1940er-Johren etwa hebbt sück völ Swing-Musiker (to’n Deel ut Big Bands, to’n Deel ok ut lütt Formatschonen) in dat Minton’s Playhouse in Harlem drapen, um „after hours“ (nah Middernacht) noch en beeten to jammen. Dorut entstunn nahderhenn de Bebop un dormit de Grundlaag för den Modern Jazz.