Mikael Salomon

Mikael Salomon (* 24. Februar 1945 in Kopenhagen, Däänmark) is en däänschen Kameramann, Filmspeelbaas, Filmproduzent un Visual Effects-Maker vun däänische Afkummst.

Leven

Boren un Opwossen is Salomon in Däänmark. Sien Arbeit hett he dorüm in Skandinavien anfungen, woneem he bi ruchweg 50 Filmen as Kameramann arbeit hett. Dorna, Mitt vun de 1980er Johren, güng he na Hollywood. Toeerst hett he dor för Amblin Entertainment ok wedder as Kameramann arbeit, hett aver teemlich wesselt. Siet 1993 arbeit he as Speelbaas för Speelfilmen un ok för Feernsehregen.

To sien bekanntsten Arbeiten as Kameramann tellt de Horrorfilm Arachnophobia vun 1990 un de Actionfilm Backdraft, de een Johr later rutkamen is. För sien Arbeiten is he tweemol för’n Oscar vörslahn worrn. Dat eerste mol in de Kategorie Bets Kamera för sien Arbeit an The Abyss. Dat annere mol för Backdraft, bi den he nich blots achter de Kamera stünn, man ok op’t Rebeet vun de Trickeffekten arbeit hett. Dat weer sien bit hüüt eenzige Arbeit bi de Visual Effects mit Computeranimatschoon. Tosamen mit Allen Hall, Clay Pinney un Scott Farrar weer he dorüm för den Oscar in de Kategorie Best Trickeffekt nomineert.

Mikael Salomon is siet den 22. Januar 2000 mit de US-amerikaansche Speelbaas-Helpsfro Nancy Blewer verheiraat. Al fröher in Däänmark harr he en Verbinnen, ut de sien Dochter Katrine Salomon stamt. Se is in Däänmark en bekannte Feernsehjournalistin.

Filmografie (Utwahl)

Johr	Titel	Funkschoon
1963	Hurra for os	Kamera
1969	Sonja - 16 år dt.: Beichte eines Porno-Mädchens	Kamera
1970	De 5 i fedtefadet dt.: Fünf Freunde in der Tinte	Kamera
1970	Daddy, Darling dt.: Katja – Alle brauchen Liebe	Kamera
1971	Et døgn med Ilse dt.: Danish Movie	Kamera
1972	Rektor på sengekanten dt.: Studentenfutter	Kamera
1985	De flyvende djævle dt.: Die fliegenden Teufel	Kamera
1986	Oviri dt.: Die Augen des Wolfs	Kamera
1987	The Man Who Broke 1,000 Chains, Feernsehn dt.: Der Mann, der 1000 Ketten sprengte	Kamera
1988	Stealing Heaven dt.: Liebe hinter Klostermauern - Nonnenspiegel 2	Kamera
1988	Torch Song Trilogy dt.: Das Kuckucksei	Kamera
1989	The Abyss dt.: Abyss – Abgrund des Todes	Kamera
1989	Always dt.: Always - Der Feuerengel von Montana	Kamera
1990	Arachnophobia	Kamera
1991	Backdraft dt.: Backdraft – Männer, die durchs Feuer gehen	Kamera Trickeffekten
1992	Far and Away dt.: In einem fernen Land	Kamera
1993	A Far Off Place dt.: Die Spur des Windes	Speelbaas
1998	Hard Rain	Speelbaas
2000	Sole Survivor, Feernsehn dt.: Survivor – Die Überlebende	Speelbaas
2002	Band of Brothers, Feernsehreeg dt.: Band of Brothers – Wir waren wie Brüder	Speelbaas
2005	Over There, Feernsehreeg	Speelbaas
2008	The Andromeda Strain, Feernsehn dt.: Andromeda – Tödlicher Staub aus dem All	Speelbaas Produzent

Utteken

Mikael Salomon is bit hüüt mit fief Filmpriesen uttekent worrn. He weer för wietere acht Priesen örslahn, dorünner tweemol för den Oscar. Wunnen hett he:

• 1976: den Sünnerpries vun de Bodil Awards för sien Kinematografie
• 1986: den Robert in de Kategorie Best Kinematografie för De flyvende djævle
• 1989: den ACE Award vun de CableACE Awards in de Kategorie Foto- oder Lichtregie bi en dramaatschen Film oder Minireeg för The Man Who Broke 1,000 Chains
• 2002: den Emmy in de Kategorie Rutragen Speelbaas in en Minireeg oder Film för Band of Brothers
• 2002: den Christopher Award in de Kategorie Feernsehn un Kabel för Band of Brothers

Weblenken

• Mikael Salomon in de Internet Movie Database (engelsch)