Robert Walpole

Robert Walpole, 1. Earl of Orford, KG, KB, PC (* 26. August 1676 in Houghton Hall, Norfolk, England; † 18. März 1745 in London ) weer af 1721 faktisch, af 1730 ok formell eerste Premierminister vun Grootbritannien.

Leven

Walpole weer de daarte Söhn vun Col. Robert Walpole un de sien Fru Mary Burwell. He wurr in Great Dunham, Norfolk un van 1690–96 in Eton ünnerricht. Dornah gung he van 1696–98 up dat King’s College in Cambridge. As sien öllere Broer Edward storben weer, muss Robert sien Studium upgeben. He gung torüch nah Norfolk, um sien Vader bi dat Verwalten van de Besitt to helpen. An 30. Juli 1700 hett he Catherine Shorter aus Bybrook, Kent, heiraat. In dat sülvig Johr is aber ok sien Vader storben un Walpole hett de verschuld' Familienbesitt arvt, aber ok de Seet van sien Vader in dat Ünnerhuus. Walpole weer ok Freemuerer.

Leistungen

Hüm is dat gelungen, dat parlamentarisch System to stabiliseeren, wat wichtig weer, wiels mit de Thronbestiegen van König Georg I. ok een Övergang stattfunnen harr, van de Stuarts nah dat Huus Hannober. He hett insbesünnere de Bedüüden van dat Kabinett tosommenstreken. Entscheeden hett he tosommen mit de Schatzkanzler, de Lordsiegelbewohrer, den böversten Hoffbeamten un twee Sekretären dropen. Dokumente hett he to Huus ünnertekent un nich mehr in open Kabinettssitzungen. De Akzisevöörlag van 1733 hett för een lütten Tiet to een Krise in sien Regeeren föhrt. 1742 hett he Bott makt för sien Nahfolger.

Kiek ok

List vun de Premierministers vun Grootbritannien

Weblenken

Upsatz över Robert Walpole as eerst britsch Premierminister (PDF)

Premierministers vun Grootbritannien