Tom Boonen

Tom Boonen (* 15. Oktober 1980 in Mol) is en belgisch Radrennfohrer. He gellt mit talllos Deelstreckensiegen bi Rundfohrten un Siegen bi Eendagsrennen as en vun de best Sprinters un Klassikerfohrer vun de 2000er Johre. 2009 hett Boonen dör en "Kokain-Affäre" för Upsehn sörgt.

Loopbahn

2001–2003

Boonen wurr 2001 Profi bi dat Team US Postal Service. Sien Dörbröök beleev de Belgier, de gliekermaaten as Klassikerjäger un Sprint-Spezialist övertüügt, bi Paris-Roubaix 2002, wo de eerst 21-Johrige up den hervörragenden darten Platz keem. Sietdem gull Bonnen in sien Heimat as designeert Nahfolger vun Johan Museeuw, den villicht spoodrieksten Klassikerjäger vun de 1990er Johren. To de 2003 is Boonen to dat Team Quick Step-Davitamon wesselt, wo he ünner annern een Deelstreck vun de Belgien-Rundfohrt up sien Naam schrieven kunn.

2004

2004 kunn sück Boonen endgültig in de afsluuten Welttipp vun den Radsport fastsetten: In't Fröhjohr wunn he en Reeg vun wichtig fläämsch Eendagsrennen meest in' Massensprint, dorünner dat ProTour-Rennen Gent-Wevelgem as ok de Halfklassiker E3-Pries un Scheldepries. Bi de Düütschland Tour un de Tour de France kunn he jeweils twee Deelstrecken in' Massensprint för sück entscheeden. Mit all tosommen 20 Dagserfolgen weer Boonen nah Siegen de tweetspoodriekst Fohrer vun de Saison 2004 achter Alessandro Petacchi, de 21 Mal wunnen harr.

2005

An' 2. April 2005 wunn Boonen denn mit de Flannern-Rundfohrt to'n eersten Mal en so nömmt Monument des Radsports, nahdem he sück wenig Kilometer vör dat Teel ut en sössköppig Grupp an de Tipp lööst harr. Een Week later kunn Boonen sück ok de den Sieg bi de noordfranzöösch "Königin der Klassiker" Paris-Roubaix sekern. Dordör reck he mit blots 24 Johren as jüngst Fohrer siet 1923 dat prestigeträchtige Koppsteenplaaster-Double, dat toletzt Peter Van Petegem 2003, Roger De Vlaeminck 1977 un Rik Van Looy 1962 nahnanner wunnen harrn.

Bi de Tour de France wunn he ok weer twee Deelstrecken in' Massensprint un in Madrid wurr he to'n Afsluss sogor noch Straaten-Weltmeester.

2006

2006 kunn Boonen sien Spood bi de Flannern-Rundfohrt wedderhalen. Bi de Tour de France hett he sück up de darte Deelstreck dat Geel Trikot vun den Führend in de Gesamtwertung halt un kunn dat veer Daag dragen, bevör he wiels de 15. Deelstreck nah L'Alpe d'Huez entkräftet wegen Magenbeschwerden upgeven dee.

2007

2007 kunn Tom Boonen to'n Saisonuptakt veer Deelstrecken vun de Katar-Rundfohrt un de Punktewertung winnen. Buterdem wunn he eerstmals de beid Halfklassiker Kuurne - Brüssel – Kuurne as ok Dwars door Vlaanderen, todem hett he den Titel bi den GP E3 Harelbeke verteidiggt, de he to'n veerten Mal in Folg för sück entscheeden kunn. Bi de Tour de France] in' Juli kunn he weer twee Deelstrecken up sien Naam schrieven un wunn to'n eerstern Mal in sien Karriere dat Gröön Trikot vun den Punktbesten.

2008

2008 kunn he sien eersten Saisonsieg bi dat Rennen Paris-Roubaix fiern. In' Juni wurr bekannt, dat Boonen vör de Belgien-Rundfohrt positiv up Kokain test wurr. Wiel de positive Test mehr as dree Daag för de Anfang vun de Rundfohrt nommen wurr, hannel sück dat nich um Doping. Allerdings hebbt Boonen straafrechtlich Konsequenzen droht.^[1]. Oruphen hebbt hüm de Utrichter vun de Tour de Suisse un de Tour de France utlaaden^[2]. Ofschons sück Boonen för sien Fehlverhollen entschuldigen dee, hett he en bewusst Konsum vun Kokain afstreeden; bi en Besöök in en Bar sall hüm dorna de Droge stillkens in sein Drink mischt wurrn ween.^[3]

2009

Boonen gwunn to'n darten Mal de Katar-Rundfohrt, to'n tweeten Mal Kuurne–Brüssel–Kuurne un to'n darten Mal Paris-Roubaix. Blots wenig Daag nah den Gewinn vun den Klassiker Paris-Roubaix wurr Boonen abermals positiv up Kokain test un an' 9. Mai 2009 vun sien Team Quick Step suspendeert.^[4] An' 18. Juni wurt bekannt, dat nah Meenen vun unafhängig Experten Tom Boonen de Droge nich nicht dör de Nöös trucken hemm kann. En Hooranalyse in de Universität Löwen hett denn ergeven, dat de Menge to minn weer un Boonen sück dat dorum all nich dör de Nöös trucken hemm kunn. Nah Ansicht vun de Fachlüüd weer dat woll blots to en "indirekten Kontakt" mit de Droge kommen.

2010

Dat Johr 2010 fung vör Boonen ganz good an, he kunn twee Deelstrecken bi de Katar-Rundfohrt winnen. Ebenfalls wunn he en Deelstreck bi de Tour of Oman un bi den Klassiker Tirreno–Adriatico. To de Tour de France kunn he wegen Kneeproblemen nich antreden.

2011

2011 kunn he weer en Deelstreck bi de Katar-Rundfohrt winnen, un to'n tweeten Mal ok dat Rennen Gent–Wevelgem. Bi de Tour de France muss he nah en Stört up de 5. Deelstreck wiels de 7. Deelstreck upgeven.

2012

Omloop Het Nieuwsblad 2015 : Niki Terpstra (2), Ian Stannard (1) & Tom Boonen (3).

Dat Johr 2012 leeg heel good an. He wunn to'n Anfang en Deelstreck bi de Tour de San Luis, twee Deelstrecken un de Gesamtwertung bi de Katar-Rundfohrt, weer en Deelstreck bi Paris-Nizza un denn nahnanner de Rennen E3-Preis Flandern, Gent–Wevelgem, Flannern-Rundfohrt un Paris–Roubaix. Dormit weer he de eerste, de Flannern-Rundfohrt un Paris-Robaix in een Johr to'n tweeten Mal winnen kunn.