Barnabas Sibusiso Dlamini

Barnabas Sibusiso Dlamini (* 15. Mai 1942; † 28. September 2018) weer en swasilannsch Politiker un weer van 1996 bit 2003 un von’n 16. Oktober 2008 bet 5. September 2018 Premierminister vun Swasiland.

Barnabas Sibusiso Dlamini (2011)

Biografie

Bevör he Regeerensbaas wurr, weer he van 1984 bit 1993 Finanzminister vun Swasiland un dornah as Exekutivdirekter in dat IWF tätig. He wurr vun König Mswati III. to’n Premierminister nöömt, üm den wassen Protest vun Deelen vun dat Volk in ordente Bahnen to lenken. Dat gelung hüm aber nich. In‘ Gegendeel wurrn de Protesten – organiseert vun de verbodenen Oppositschoonsparteien un den Gewerkschaftsbund – jümmer duller. Wiel he sück immer loyal tegenöver de Wünschen vun den König wies, wurr he bi dat Volk jümmer weniger acht. De König hett hüm 2003 ut dat Amt nahmen un Absalom Themba Dlamini an sien Steed sett.

An‘ 16. Oktober 2008 wurr he as Nahfolger vun Absalom Themba Dlamini aber weer Premierminister. Dat is he bet to’n 5. September 2018 bleven. Weniger as een Maand later is he an’n 28. September doodbleven.

Weblenken

• [1]
• Personennaamdatei

Premierminister vun Swaziland

Makhosini Dlamini | Maphevu Dlamini | Ben Nsibandze | Mabandla Dlamini | Bhekimpi Dlamini | Sotsha Dlamini | Obed Dlamini | Andreas Fakudze | Jameson Mbilini Dlamini | Sishayi Nxumalo | Barnabas Sibusiso Dlamini | Paul Shabangu | Themba Dlamini | Barnabas Sibusiso Dlamini | Vincent Mhlanga (komm.) | Ambrose Mandvulo Dlamini