Flagg vun Montana

De Flagg vun den US-Bundsstaat Montana wurr 1905 annommen.

Flagg vun Montana

Segel

Se wiest dat Segel vun Montana zentreert up blau Grund. Binnerhalv vun dat Segel liggen een Ploog, een Schüpp un en Spitzhack in en Feld vör den Great Falls vun den Missouri River. Up dat Banner steiht dat Motto vun den Bundsstaat „Oro y plata“ (spaansch) för „Gold un Sülver“)

Geschichte

De aktuelle Flagg wurr 1905 annommen un dat Woort „Montana“ böverhalv vun dat Segel wurr 1981 tofügt. 1985 wurr de Flagg nochmal ännert, um de Schriftaard vun „Montana“ fasttoleggen. Bevör se as Staatsflagg annommen wurr, wurr se all as Truppenfahn vun Freewilligenverbänden ut Montana in‘n Spaansch-Amerikaanschen Krieg van 1898 bruukt.

Trivia

In en 2001 dörführt Internet-Afstimmen vun de North American Vexillological Association (den Noordamerikaanschen Flaggenkunn-Verband) wurr disse Flagg ünner de teihn schlechtesten Flaggen vun de US-Bundsstaaten un kanaadsch Provinzen up den dartletzten Platz wählt.

Weblinks

• Montana Secretary of State: State Flag (engelsch)
• Montana bei Flags Of The Worlds (engelsch)