Heptan

De Heptanen sünd en Ünnergrupp vun aliphaatsche sättigte Kohlenwaterstoffen ut de Stoffgrupp vun de Alkanen. Dat gemeensome Kriterium is, dat se all söven Kohlenstoffatomen in’t Gerüst vun’t Molekül opwiest un mit de Summenformel C₇H₁₆ beschreven warrn künnt. De Grupp besteiht ut negen Konstitutschoonsisomeren:

1) n-Heptan; 2) 2-Methylhexan; 3) 3-Methylhexan; 4) 2,2-Dimethylpentan; 5) 2,3-Dimethylpentan; 6) 2,4-Dimethylpentan; 7) 3,3-Dimethylpentan; 8) 3-Ethylpentan; 9) 2,2,3-Trimethylbutan

3-Methylhexan un 2,3-Dimethylpentan sünd beid chirale Verbinnen, vun de dat twee Enantiomeren gifft. Middelpunkt vun de Chiralität is dat C3. Se sünd de eenfachsten chiralen Alkanen.

Egenschoppen

De Heptanen sünd all Fletigkeiten ahn Klöör mit en molare Masse vun 100,21 g/mol. De Ismomerie bringt lütte Ünnerscheeden in de physikaalschen Egenschoppen mit sik. De Smöltpunkten vun de Heptanen leegt tomeist twüschen –90,6°C un –135°C, aleen dat 2,2,3-Trimethylbutan hett mit –25°C en düütlich högeren Smöltpunkt. De Kaakpunkten sünd gliekmatiger un reckt vun 79°C bit 98°C. Bi de Dicht is de Ünnerscheed nich sünners groot: se liggt bi 0,68 – 0,70 g/cm³. Bi de Lööslichkeit in Water liggt bi ruchweg 2–3 mg/l. Eenige lööst sik so goot as gor nich in Water.