Josef Heynckes

Josef „Jupp“ Heynckes (* 9. Mai 1945 in dat hüdige Mönchengladbach) is en ehmalger düütsch Footballspeler un -trainer.

De Störmer speel in sien Jöögd van 1956 bit 1962 för Grün-Weiß Holt, bevör he to Borussia Mönchengladbach wesseln dee, wor he bit 1978 bleev, blots ünnebraken dör en Verdrag bi Hannover 96 (1967 bit 1970). He hett 369 Bundsligaspelen bestreeden un dorbi 220 Doren schaaten. 1974 un 1975 weer he Doorschüttenkönig vun de Bundsliga.

För de düütsch Natschonalmannschap hett he van 1967 bit 1976 insgesamt 39 Lännerspelen maakt un dorbi 14 Doren schaaten. 1972 wurr he mit de Mannschap Football-Europameester und 1974 Weltmeester, ok wenn he in’t Endspeel nich insett wurr.

Weer he to sien aktiv Tiet all en gooden Speler, so harr he as Trainer meest noch mehr Spood. Van 1978 bit 1987 weer he as Trainer bi Borussia Mönchengladbach tätig, ansluutend bit 1991 bi FC Bayern München. Van 1992 bit 1994 weer he Trainer vun Athletic Bilbao, denn een Saison bi Eintracht Frankfurt. Sien nächst Engagement weer wedder in Spanien van 1995 bit 1997 bi CD Teneriffa, dornah een Saison bi Real Madrid, 1999 bit 2000 weer he Trainer vun Benfica Lissabon, bevör he 2001 bit 2003 weer för Athletic Bilbao an de Siedenliien stunn. Sien nächst Vereen weer FC Schalke 04 bit 2004, bevör he 2006 bit 2007 weer bi Borussia Mönchengladbach Trainer weer. 2009 is he as Nahfolger vun Jürgen Klinsmann noch mal bit an dat Saisonenn’n Trainer bi Bayern München ween. Dornah gung he to Bayer Leverkusen, wor he bit 2011 bleev. 2011 bit 2013 weer he wedder Trainer bi Bayern München, wull sück dornah eegentlich to Ruh setten, wurr denn aber 2017 noch mal vun Bayern torüchhalt, wiel de Trainer Carlo Ancelotti un Willy Sagnol (letzter blots för een Speel) bi Bayern kien Glück harrn. Dornah hett he denn aber doch sien Trainerloopbahn afslooten.

Borns

• Bernd Rohr, Günter Simon: Fußball-Lexikon, 2004 Copress Verlag, ISBN 3-7679-0829-8