Programmeerspraak

Disse Artikel is man blots en Stubben. Du kannst Wikipedia helpen un em verbetern.

En Programmeerspraak is en formaal Spraak, de dorför dacht is, mit en Maschien (mehrst en Computer) to snacken. Mit Programmeerspraken kann 'n Programmen maken, de en Maschien kontrolleert, oder een kann dor Algorithmen nipp un nau mit opschrieven.

En Bispill vun Broncode, de in de Programmeerspraak Java schreven is. He warrt de Naricht "Hello World!" na de Standardutgaav schrieven wenn he kompileert un utföhrt warrt.

De eersten Programmeerspraken geev dat al ehr de Computer utklamüüstert worrn is; een hett dor Maschinen as Jacquardweevstöhl un Pianolas mit stüürt.^[1] All in all sünd al dusende vun Programmeerspraken maakt worrn, vör all för Computers, un dat warrt jümmers noch mehr. De mehrsten Programmeerspraken sünd imperativ, dat heet, de Code is en Reeg vun Orders, de en na de anner afarbeidt warrt, man dat gifft ok Programmeerspraken, de funkschonale oder logische Programmeerparadigmen ünnerstütt.

De Definitschoon vun en Programmeerspraak sett sik tosamen ut de Syntax (Form) un de Semantik (Bedüden).^[2]^[3] Welke Spraken sünd dör en Spezifikatschoonsdokument beschreven (to 'n Bispill C, wat dör en ISO-Standard fastleggt is), un annere Spraken hebbt en Implementatschoon, de mehrst överall insett warrt un de denn as Referenz bruukt warrt (to 'n Bispill Perl 5 un fröhere Versionen).

Belege

↑ Robert A. Edmunds, The Prentice-Hall standard glossary of computer terminology, Prentice-Hall, 1985, p. 91
↑ What kind of language is XSLT?. IBM.com (20. April 2005).
↑ XSLT is a Programming Language. Msdn.microsoft.com.

[1] Robert A. Edmunds, The Prentice-Hall standard glossary of computer terminology, Prentice-Hall, 1985, p. 91

[2] What kind of language is XSLT?. IBM.com (20. April 2005).

[3] XSLT is a Programming Language. Msdn.microsoft.com.

[1]

[2]

[3]