Rik Van Looy
Hendrik “Rik” Van Looy (* 20. Dezember 1933 in Grobbendonk, Belgien † 17. Dezember 2024 in Herentals[1]) weer en belgisch Radrennfohrer un en vun de spoodrieksten Klassikerjäger.
Van Looy – ok „Rik II“ nömmt, um hüm vun den ölleren belgischen Radprofi Rik Van Steenbergen to ünnerscheeden – kunn in sien Profi-Karriere van 1953 bit 1970 jedes vun de fiev so nömmt „Monumente vun den Radsport“, also de wichtigsten klassischen Eendagsrennen winnen, wat neben hüm blots noch Eddy Merckx un Roger De Vlaeminck schafft hebbt. Dreemal wunn he Paris–Roubaix, je tweemal de Flannern-Rundfohrt un Paris–Tours, as ok je eenmal Mailand–Sanremo, Lüttich-Bastogne-Lüttich un de Lombardei-Rundfohrt. 1960 un 1961 weer he todem Straaten-Weltmeester.
As mäßiger Barg- un Tietfohrer hett Van Looy vergevens versöcht, ok de groot Deelstreckenrennen to winnen. Liekers keem he to söben Deelstreckensiege bi de Tour de France, twalf bi den Giro d’Italia un 18 bi de Vuelta a España.
Dorneben hett he ok dat Rennen La Flèche Wallonne wunnen un weer belgisch Landsmeester.
Ok bis Söss-Dags-Rennen hett he mehrfak wunnen (meestens tosommen mit Peter Post).
Weblenken
ännern- Palmarès – List vun sien Siege un Platzeeren
- Rik Van Looy in de Datenbank vun Radsportseiten.net
- Rik Van Looy in de Datenbank vun de Tour de France
- ↑ Wielericoon en ‘Keizer van Herentals’ Rik Van Looy (90) overleden. In: gva.be. 17. Dezember 2024, afropen an’n 18. Dezember 2024 (bel).