Rotterdam

Rotterdam is nah Amsterdam de tweedgröttste Stadt in de Nedderlannen. Se liggt an de Münnen vun den Rhien in de Provinz Süüd-Holland. Se hett ruch weg 671.000 Inwahner (2024) up en Flach vun 324 km². Dorvan sünd aber 106 km² Waterflach. Rotterdam hett den gröttsten Seehaben vun Europa un de dartgröttste up de Welt.

Historie

Rotterdam is 1230 grünnd wurrn, as en Damm an de Stroom Rotte boot wurrn is. 1340 hebbt se de Stadtrechte kregen un wiels se en günstig geografisch Laag harrn, hett sück de Stadt gau entwickelt un is ok riek wurrn.

An' 14. Mai 1940 is Rotterdam dör en Bombenangrepp kört und Kleen haun wurrn. 800 Lüüd keemen to Dood un 260 ha vun dicht Bebauung weern in Dutt. 1944 hebbt de Düütschen ok noch de Haben bombadeert. Good up de Düütschen sünd de Rotterdamer hüdtodag ok noch nich to spreken.

Söhns un Döchter vun de Stadt

• Giovanni van Bronckhorst (* 1975), nedderlannsch Footballnatschonalspeler
• Abraham Diepraem (1622-1670), hollannsch Maler

Weblenken

Rotterdam. Mehr Biller, Videos oder Audiodateien to’t Thema gifft dat bi Wikimedia Commons.

• Stadt Rotterdam (nl, en)
• Tourismusverband Rotterdam (nl, en)
• Willem de Kooning Academie, Rotterdam (nl, en)