Seeaanten un Saagsnavels

De Seeaanten un Saagsnavels (Mergini) sünd en Tribus mank de Aantenvagels (Anatidae). De Aarden, de hier tohören doot, seht bannig unnerscheedlich ut un leevt ok bannig unnerscheedlich. De Seeaanten sünd lüttje bit grote Aanten, de dükern doot. De meisten Aarden hoolt sik up de See up, wenn nich just Brödeltied is. De Saagsnavels hefft sik spezialiseert up den Fischfang.

Seeaanten un Saagsnavels
Eideraanten, Waart un Aant
Systematik
Ünnerstamm: Warveldeerten (Vertebrata) Klass: Vagels (Aves) Ornen: Gösevagels (Anseriformes) Familie: Aantenvagels (Anatidae) Ünnerfamilie: Echte Aanten (Anatinae) Tribus: Seeaanten un Saagsnavels
Wetenschoplich Naam
Mergini

Wie se utsehn doot

Dat Ütere bi de Saagsnavels un Seeaanten verscheelt sik bannig. De groten Eideraanten seht jummers en beten butt un traag ut, gegen de lüttjeren Schell-, Ies- un Kraagaanten over, de na de Aart vun de Dükeraanten slaht. De Saagsnavels mit ehren lang uttrocken Snavel un ehren slanken, tämlich langen Hals, seht man wat fiener ut.

Wo se leven doot

17 vun de 20 bekannten Aarden vun düsse Tribus leevt up de Noordhalfkogel. Bloß de Düüstere Saagsnavel is up de Süüdhalfkogel tohuse.

Systematik

Groten Saagsnavel

To de Seeaanten un Saagsnavels weert düsse 20 Aarden ut negen Geslechter tellt, de dat hüdigendags noch geven deit:

• Geslecht Somateria (Eideraanten)
  • Eideraant, Somateria mollissima
  • Staatsche Eideraant, Somateria spectabilis
  • Plüüschkoppaant, Somateria fischeri
• Geslecht Polysticta
  • Bunte Aant, Polysticta stelleri
• Geslecht Histrionicus
  • Kraagaant, Histrionicus histrionicus
• Geslecht Clangula
  • Iesaant, Clangula hyemalis
• Geslecht Melanitta
  • Amerikaansche Swatte Aant, Melanitta americana
  • Amerikaansche Samtaant, Melanitta deglandi
  • Swatte Seeaant, Melanitta nigra
  • Brillen-Seeaant, Melanitta perspicillata
  • Samtaant, Melanitta fusca
• Geslecht Bucephala
  • Büffelkoppaant, Bucephala albeola
  • Ieslandaant, Bucephala islandica
  • Brillenaant, Bucephala clangula
• Geslecht Mergus (Saagsnavels)
  • Düüstern Saagsnavel, Mergus octosetaceus
  • Middelsaagsnavel, Mergus serrator
  • Schuppen-Saagsnavel, Mergus squamatus
  • Groten Saagsnavel, Mergus merganser
• Geslecht Mergellus
  • Lüttjen Saagsnavel, Mergellus albellus
• Geslecht Lophodytes
  • Kappen-Saagsnavel, Lophodytes cucullatus

Borns

• Josep del Hoyo, Andrew Elliot, Jordi Sargatal: Handbook of the birds of the world- Volume 1, Ostrich to Ducks. - Lynx Edicions, Barcelona, 1992. ISBN 84-87334-10-5
• Janet Kear: Ducks, Geese and Swans. - Oxford University Press, 2005, ISBN 0198546459
• IUCN 2007. 2007 IUCN Red List of Threatened Species

Weblenken

Seeaanten un Saagsnavels. Mehr Biller, Videos oder Audiodateien to’t Thema gifft dat bi Wikimedia Commons.