William Howard Taft

William Howard Taft (* 15. September 1857 in Cincinnati, Ohio; † 8. März 1930 in Washington D. C.) weer 27. Präsident vun de USA van 4. März 1909 bit 3. März 1913 un hörr de Republikaansch Partei an.

Leven

William Howard Taft wurr an 15. September 1857 in Cincinnati, Ohio, in en anseen republikaansch Familie boren. Sien Vader Alphonso Taft hörr tietwielig dem Kabinett Grant an un weer denn ünner Präsident Chester Alan Arthur Gesandter in Öösterriek-Ungarn un Russland. De Mutter, en Koopmannsdochter ut Boston, hett ehr Söhn afraden, sück um dat Präsidentenamt to bemöhen.

Taft studeer an de Yale-Universität un an de Cincinnati Law School. To sien Tiet in Yale is he in de dortige Studentenverbinnen Skull & Bones upnommen wurrn. Disse Verbinnen is besünners bekannt, dat dat all bannig geheim hollen wurrd. För en körten Tiet weer he Afkaat un Gerichtsreporter, hett denn aber Karriere in höhere juristisch Stellen makt.

1886 hett he de Musiklehrerin Helen Herron heiraad. Dat Paar harr 3 Kinner. De dochter studeer Geschichte, un de beid Söhn sünd ok Politiker wurrn. Sien oldste Söhn Robert A. Taft weer en inflootriek Senator un en binnerparteilicher Gegner vun de latere Präsident Dwight David Eisenhower in de Wettstriet um de Präsidentschap 1953.

Tafts Fru weer all as Söbenteinjohrige to’n eersten Mal in’t Witt Huus as Gast wesen, as mit Rutherford Birchard Hayes en Fründ un Sozietätspartner van ehr Vader dat Amt inne harr. Se weer bannig beindruckt un as se weer nu Huus fohren is, hett se seggt, dat se later henn en Präsidenten heiraten wull un sülvst in dat Witt Huus intrecken wull.

1901 wurr Taft de eerste Zivilgouverneur vun de Philippinen. In disse Eegenschap hett he sück mit moderat Middel um de wietere Pazifierung vun de immer noch unruhig Inselkolonie bemöht, hett dat Schoolwesen fördert un hett bi de Vatikan weertfull Klosterländerein för de USA för 7,2 Million Dollar köfft.

1904 hett hüm Theodore Roosevelt to’n Kriegsminister beropen, dit Amt harr all sien Vader ünner Präsident Ulysses Simpson Grant inne. Bald wurr he to’n engen Ratgever un Fründ vun Roosevelt, hett sück aber ok as Diplomat un Politiker good makt.

Nah sien unbedacht Bemarkung, 1908 nich noch mal kandideeren to willen, fung Theodore Roosevelt mehr un mehr dormit an, in Taft en idealen Nahfolger to seen un hüm uptoboen. Bi en Dinners, to dat ok de Tafts inlaaden weern, makte de Präsident en Witz un hett seggt, dat he in de Tokonft seen kunn und he kunn irgendwat erkennen, wat över Tafts groot Kopp bommeln dee. He weer sück aber nich seker ov dat en Sitt in dat Böverste Bundsgericht oder gor de Präsidentschap weer. „Laten Se dat de Supreme Court wesen!“ hett Taft seggt, um sofort vun sien Fru Helen överstimmt to wurrn: „Dat sall de Präsidentschap wesen!“

As hüm de Republikaner 1908 to’n Präsidentschapskandidaten nomineerten, harr he bit dorhenn noch kien Wahlamt bekleed. He, de as Verwaltungsspezialist nich to’n engeren Kreis vun de republikaansche Föhrung tellen dee, hett sein Upstellen hööftsächlich dem domaligen Präsidenten Roosevelt to verdanken, de nich mehr kandideeren wull.

Taft wunn de Wahl tegen den Demokraten William Jennings Bryan mit en Vörsprung vun mehr as 1,2 Million Stimmen.

Portrait des Präsidenten Taft (Gemälde von Joaquín Sorolla, 1909)

Dat groode Ziel weer raakt, aber bi Helen weer de Stolt völ apensichtlicher as bi hör Mann. Taft hett sück nah de gemeensam Fohrt in dat Witte Huus in en Sessel fallen laten un, so hebbt dat twee Deenstlüüd beschreven, blots noch stöhnt: „Ik bin nu Präsident un hebb dat över, herumtostött to wurrn.“ Well de driebend Kraft achter de Präsident weer, bleev de Apenlichkeet nich verborgen. „Ahn sien Fru“, so schreev en uplagenstark Zeitung, „harr Mr. Taft nie för dat Präsidentenamt kandideert“.

Während sien Amtstiet kunn Taft aber nich ut de Schaa vun sien Vörgänger Roosevelt ruttreden, ok wenn de beid good mitnanner Fründ weern. Tafts Ziel weer, de vun Roosevelt inleid Reformen to konsolideeren, aber Flögelkämpe un Interessen vun sien eegen Lüüd, de Republikaner maken hüm dat Leven stur. Taft is to de nächst Wahl ok antreden, kreeg dor aber blots man de dartmeesten Stimmen achter Thomas Woodrow Wilson un Roosevelt, de dit Mal as unafhängig Kandidat kandideert harr.

Nah sien Präsidentschap truck sück Taft in’t Privatleven torüch. Tüschen 1913 un 1921 weer he vor allem as Professer för Verwaltungsrecht an de Yale-Universität tätig. Dorneben hett he mehrere Böker to Fragen vun Staat un Politik in de USA schreben, vun de dat 1916 druckt Book över de Machtbefugnisse vun de Präsident besünners beacht wurrn is.

In de Weltkriegsjohren stunn he as Präsident de 1915 grünnd „League to Enforce Peace“ vör, de – konservativ utricht – för de Neegestaltung vun internatschonale Beziehungen nah Kriegsenn’ (Internatschonale Gerichtshoff, Sanktschonen, Konferenzen) intreden dee. Präsident Wilson hett hüm 1918 to’n Co-Vörsitter vun de „National War Labor Board“ beropen, en Schlichtungsstee för Arbeitskämpe.

1921 wurr he vun Präsident Warren Gamaliel Harding för den Posten des Chief Justice, den Vörsitter vun dat Supreme Court vun de USA nomineert. Do harr Taft all lang vun dröömt. Dat Amt harr he bit to’n 3. Februar 1930 inne.

Dormit is he de eerste – und bit hüdtodag eenzige – US-Amerikaner, de Präsident un Böverster Richter vun de USA wesen is. He drüff denn kraft vun sien Amt ok de Präsidenten (Calvin Coolidge (1925) un Herbert Clark Hoover (1929)) vereedigen.

As he över sein Tiet as Präsident un an dat Böverste Gericht fragt wurr, hett he seggt: „Ik kann min ich doran erinnern, jemals Präsident west to hemm“.

Upgrund vun en Krankheit (wohrschienlich wat mit Hart) is he vun sein Amt as Böverste Richter an 3. Februar 1930 torüchtreden. 33 Daag later is he storben.

3 Daag later wurr he as eerst amerikansch Präsident un Chief Justice up de Natschonalkarkhoff Arlington bisett (de anner Präsident weer John Fitzgerald Kennedy un de annern Böversten Richter weern Earl Warren, Warren Burger un William Rehnquist). Sien Fru sall seggt hemm: „He hett as Kriegsminister “ (ünner Theodore Roosevelt) „un un as Böverkommandeerender vun de Strietkraften“ (as Präsident) „deent, dat qualifizeert hüm, dat he hier begraben wurrd“.

Freemüeree

Taft wurr an 18. Februar 1909 in de Kilwinning Lodge No. 356 in Cincinnati (Ohio) to’n Freemüerer makt, Ok sien Vader un sien beid Broers weern Freemüerer in disse Loge.

Literatur

Henry F. Pringle: The Life and Times of William Howard Taft. 1939, Neeuplaag 1998, en utföhrlich Biografie
Ralph Eldin Minger: William Howard Taft and United States Foreign Policy: The Apprentice Years 1900-1908. 1975, To de Butenpolitik der Regierung Taft
De Nachlass vun William Taft liggt bi de Library of Congress un wurrd to Tiet editeert.

Weblenken

Op Wikiquote gifft dat Zitaten to, över oder vun „William Howard Taft“ (hoochdüütsch).

William Howard Taft. Mehr Biller, Videos oder Audiodateien to’t Thema gifft dat bi Wikimedia Commons.

Präsidenten vun de USA