विकिपिडियामा स्वागत छ!

यो एक स्वतन्त्र विश्वकोश हो जसलाई सबैले सम्पादन गर्न सक्छन्।
नेपाली भाषामा कुल ३१,३२२ लेखहरू सङ्ग्रहित छन्।

आज: १९ मंसिर, २०८१ (बुधबार); नेस: १४:०३

प्रमुख लेख

देवनागरी लिपि अथवा नागरी लिपि बायाँ देखि दायाँ सम्म लेखिने अक्षरात्मक लिपिमा आधारित एक प्राचीन ब्राह्मी लिपि हो। यसको प्रयोग भारतीय उपमहाद्वीपमा हुने गर्दछ। यसको विकास प्राचीन भारतमा पहिलो देखि चौथो शताब्दीको बीचमा भएको थियो भने यसको प्रयोग सातौँ शताब्दी देखी हुँदै आएको छ। देवनागरी लिपिमा, ४७ वटा वर्णहरू हुन्छन् जसमा १४ वटा स्वरवर्ण र ३३ वटा व्यञ्जनवर्ण हुन्छन्। यो संसारमा सबैभन्दा बढी प्रयोग हुने लिपि मध्ये चौथो हो जहा यस लिपिमा १२० भन्दा बढी भाषाहरू लेखिन्छ। यो लिपि नेपाल र भारत गणतन्त्रको आधिकारिक लिपिहरू मध्ये एक हो।

मराठी, पाली, संस्कृत, हिन्दी, नेपाली, शेर्पा, प्राकृत, अपभ्रंश, अवधी, भोजपुरी, ब्रज भाषा, छत्तीसगढी, हरियाणवी, मगही, नागपुरी, राजस्थानी, भिली, डोगरी, मैथिली, कश्मीरी, कोङ्कणी, सिन्धी, बोडो, नेवारी, पन्जाबी, मुन्डारी र सन्थाली लगायतका भाषाहरूले देवनागरी लिपि एकमात्र लिपि वा दोस्रो लिपिको रूपमा प्रयोग गर्ने गर्दछन्। देवनागरी लिपि नन्दिनागरी लिपिसँग पनि मिल्दोजुल्दो रहेको छ जुन दक्षिण भारतका विभिन्न प्राचीन पाण्डुलिपिहरूमा भेट्ने गरिन्छ। यो विभिन्न दक्षिणपूर्वी एसियाली लिपिहरूसँग पनि सम्बन्धित छ। (पूरा पढ्नुहोस्...)

हालसालै प्रदर्शित:

के तपाईंलाई थाहा छ ...

... नेपाल राष्ट्र बैङ्कका (चित्रमा प्रतीक) प्रथम गभर्नर हिमालय शमशेर जङ्गबहादुर राणा हुन्?
... कुरुक्षेत्र युद्ध लड्न १८ दिन लागेको थियो?
... छठ पर्वमा सूर्य देवताको पूजा गरिन्छ?
... पारो अन्तर्राष्ट्रिय विमानस्थल भुटानको एकमात्र अन्तर्राष्ट्रिय विमानस्थल हो?
... वीर शमशेर जङ्गबहादुर राणाको नामबाट वीरगन्जको नाम राखिएको हो?
... जुन्को ताबेई सगरमाथाको शिखरमा पुग्ने पहिलो महिला हुन्?
... बेगम हजरत महललाई नेपाल बस्न जङ्गबहादुर राणाले अनुमति दिएका थिए?
... भारत सरकारले ६ भाषाहरूलाई भारतको शास्त्रीय भाषाको रूपमा मान्यता दिएको छ

प्रमुख समाचारहरू

डोनाल्ड ट्रम्प

डोनाल्ड ट्रम्प (चित्रित) अमेरिकाको राष्ट्रपतिमा निर्वाचित भएका छन् र रिपब्लिकन पार्टीले अमेरिकी सिनेटमा बहुमत हासिल गरेको छ।
बङ्गलादेशमा सरकार विरोधी आन्दोलन उत्कर्षमा पुगेपछि प्रधानमन्त्री शेख हसिनाले पदबाट राजीनामा दिएर देश छाडेकी छिन् र मुहम्मद युनुस अन्तरिम सरकारको नेतामा नियुक्त भएका छन्।
अमेरिकाका पूर्वराष्ट्रपति डोनाल्ड ट्रम्प माथि पेन्सिल्भेनिआ आयोजित एउटा र्‍यालीमा गोली प्रहार भएको छ।
किअर स्टार्मर संयुक्त अधिराज्यको प्रधानमन्त्री बनेका छन्।
भारतमा भएको आम निर्वाचनमा नरेन्द्र मोदी कम बहुमतका साथ पुनः निर्वाचित भएका छन्।

इतिहासमा आज

४, डिसेम्बर (जन्म):

जे–जी (गायक) (सन् १९६९)

वि.सं. २०७० (सन् २०१३) - जाभिएर बेटेल लक्जेम्बर्गका पहिलो समलिङ्गी प्रधानमन्त्री भएका थिए ।

प्रमुख चित्र

पातले छाँगो वा डेभिज फल्स (Davis Falls)को नामले चिनिने यो झरना कास्की जिल्लाको पोखरामा अवस्थित छ । जमीनको सतह भन्दा तल गुप्तेश्वर गुफा तर्फ झर्ने यो झरना वर्षायाममा हेर्न लायकको छ । डेभी नाम गरेकी एक स्विस पर्यटक यस झरनाबाट खसेर बेपत्ता भएको हुनाले यस झरनाको नाम डेभिज फल्स रहन गएको हो । एउटा प्राकृतिक सुरुंगको माध्यमबाट यो झरना लगभग ५०० फिट माथिबाट जमिनस्तरभन्दा १०० फिट तल सम्म झर्दछ...

फोटोग्राफर/श्रोतः गणेश पौडेल , मितिः १९ जुलाई २०११
सम्बन्धित पृष्ठः पाताले छाँगो