तोक्यो

टोक्यो (जापानी: 東京, उच्चारणः तोउक्योउ) जापानया राजधानी व दक्ले तःधंगु नगर ख। थ्व जापानया होन्शू द्वीपय् ला व थ्व नगरया जनसंख्या लगभग ८६ लखः दु। टोक्यो क्षेत्रय् दूगु १.२८ कोटी व उपनगरीय क्षेत्रतयेत स्वाना थन अनुमानित ३.७ कोटी मनुत च्वनि। अतः, थ्व हलिमया दक्ले अप्व जनसंख्या दूगु महानगरीय क्षेत्र ख। टोक्यो लगभग ८० किमीया क्षेत्रय् अवस्थित दु व थ्व क्षेत्रफलया दृष्टिं नं हलिमया दक्ले तःधंगु नगरीय क्षेत्र ख।

टोक्यो प्रीफेक्चर
जापानी : 東京都 Tōkyō-to
राजधानी	अलागू
क्षेत्र	कान्तो
द्वीप	होन्शू
राज्यपाल	शिन्तारो इशीहारा
क्षेत्रफल (श्रेणी)	२,१८७.०८ किमी² (४५ गु)
- % जल	१.०%
जनसंख्या  (१ अक्टोबर, २००७)
- जनसंख्या	१,२७,९०,००० (विशेष वार्ड)य् ८६,५२,७००) (प्रथम)
- घनत्व	५७९६ /किमी²
जिल्ला	१
नगरपालिका	६२
ISO 3166-2	JP-13
जाःथाय्‌	मेट्रो.टोक्यो.जेपी (जापानी)
देय्‌ चिं
- स्वां	सोमेइ-योशिनो चेरी ब्लॉसम
- सिमा/स्वांमा	जिङ्क्गो स्वामा (Ginkgo biloba)
- पक्षी	हाकु सिरी गल (Larus ridibundus)
महानगरीय चिं, व टोक्योया निगु आधिकारिक चिंइ छगू
टेम्प्लेट ■ वार्ता ■ परिधि ■ विकिज्याझ्वः जापान

टोक्यो हलिमया दक्ले विकसित नगरय् छगू ख। थ्व नगर जापानया राजनीतिक, आर्थिक, व सांस्कृतिक गतिविधितयेगु मू केन्द्र नापं हलिमया छगू मू आर्थिक केन्द्र नं ख। थ्व हलिमया दक्ले तःधंगु महानगरीय अर्थव्यवस्था नं ख गुकिया कूल ग्राहस्थ उत्पादन, क्रय शक्तिया आधारय् सन् २००५य् १,१९१ अर्ब डलर जुयाच्वन। न्यूयर्क नगर व लण्डननाप जाना थ्व हलिम अर्थव्यस्थायात संचालित याइगु इञ्जिन ख व थ्व नगरयात अल्फा+ नगरया दर्जा प्राप्त दु। थी-थी संस्थातयेसं याकुगु सर्वेक्षणय् लगातार टोक्योयात हलिमया दक्ले थिकेगु महानगर जूगु खँयात पुष्टि या।

२३ विशेष वार्ड

विशेष वार्ड वा तोकूबेत्सू-कू, टोक्योया व क्षेत्र ख गुकिलि न्हापा औपचारिक रूपं टोक्यो नगर दयाच्वन। १ जुलाई, सन् १९४३खुनु टोक्यो नगर टोक्यो प्रीफेक्चर नाप स्वाना वर्तमान "महानगर प्रीफेक्चर" पलिस्था जुल। परिणामस्वरूप जापानय् मेमेगु नगर वडा स्वया पृथक थ्व वार्ड छगू विशाल महानगरया भाग मखया च्वन। सकल वार्ड छगू नगरपालिका ख गुकिया थमं हे निर्वाचित मेयर व विधानसभा दयाच्वन। टोक्योया विशेष वार्ड थ्व कथं दु:

अदाची अराकावा बून्क्यो चियोदा चूओ इडोगावा इताबाशी कात्सूशिका

किता कोटो मेगूरो मिनातो नाकानो नेरिमा ओटा सेतागाया

शिबूया शिनागावा शिन्जूकू सूगिनामी सूमिदा ताइटो तोशिमा

स्वयादिसँ

• जापान