Heberaio
Heberaio no töi nibe'e Heinrich Sundermann khö soi Ibrani me i'ali Zura Ni'amoni'ö ba Li Niha. Baero da'ö Heberaio no göi töi sambua zura bakha ba Gamabu'ulali Sibohou sambö ta'ila sibai haniha zanura ya'ia, heŵa'ae so ösa zanguma'ö wa Faulo zanura ya'ia. Andrö göi labe'e manö döinia Sura khö ba Niha Heberaio.
Soi awö li Heberaio
bulö'öSoi Heberaio no töi tanöbö'ö khö soi Israel ma zui soi Yahudi. Tebörötaigö te'oguna'ö döi andre i'otarai khö Gaberahamo samösa. Lö ta'ila sibai hana wa latötöi soi Gaberahamo niha Ibrani (Heberaio). Tetohugö latötöi ira soi Ibrani, irege dania ifalali Lowalangi döi Yakobo ba ma'wunia tobali Israel (Izaraeli) (MozI 32:22-31).[1] Irugi ma'ökhö lafotöi li ni'oguna'ö niha Israel li Ibrani, bahiza töi soi khöra soi Yahudi.
Sura ba niha Heberaio
bulö'öSura ba niha Heberaio tesöndra bakha ba mbuku Gamabu'ulali Sibohou. Bakha ba Zura Ni'amoni'ö ba li Niha teföfö'ö ia ba gangahorita gangolifa zura Waulo. Molo'ö ndra ere Zura Ni'amoni'ö, tenga Faulo samösa zanura ya'ia, bahiza tola samösa nifahaö Waulo[2] ma zui samösa niha bö'ö, sondrönia'ö sambua wa'awösa niha Yahudi.[3]
Faigi göi
bulö'öUmbu
bulö'ö- ↑ Is There a Difference Between Hebrews, Jews and Israelites?, timberlandchurch.com, mufaigi me 30/11/2023, (Li Inggris).
- ↑ Fonck, Leopold. "Epistle to the Hebrews". The Catholic Encyclopedia. Vol. 7. New York: Robert Appleton Company, 1910. Web: 30 Dec. 2009.
- ↑ Rhee, Victor (Sung-Yul) (June 2012). Köstenberger, Andreas (ed.). "The Author of Hebrews as a Leader of the Faith Community" (PDF). Journal of the Evangelical Theological Society. 2. 55: 365–75. ISSN 0360-8808. Retrieved 2012-11-17.