WhatsApp Messenger (latötöi göi ia WhatsApp ma WA) no sambua aplikasi media sosial si so ba telefon nigokhögö sonekhe (li Indonesia telepon cerdas, li Inggris smartphone).[4] La'oguna'ö WA andre niha ba wama'ohe'ö turia he faoma sinura ba he göi faoma gambara awö video. Baero da'ö tola te'oguna'ö ia göi ba wama'ohe'ö berkas komputer ma zui ba wahuhuosa faoma telepon ma zui fahuhuosa si fa'ila baŵa nifotöi telefon video.[5] Ena'ö tola te'oguna'ö WA, moguna tefaböbö ia ba zi sambua nomoro HP, bahiza nifa'ohe'önia tenga simane turia SMS. Ena'ö tola mufa'ohe'ö duria, moguna tokhai HP ba gu'ö digital nifotöi internet he faoma data 3G, 4G, 5G ba he göi faoma nifotöi Wi-Fi.
 | |
| Bolokha gu'ö | www |
|---|---|
| Bosi Alexa | ▼ 52 (Mei 2019[update])[1] |
Lisensi konten | Aplikasi si lö böli |
| Bahasa pemrograman | Erlang[2] |
 | |
| Jenis usaha | Ono perusahaan |
|---|---|
| Tefasindro | 24 Februari 2009 |
| Tuhe gödo | Mountain View, California, Amerika Serikat |
| Samasindro |
|
| CEO | Chris Daniels |
| Sohalöŵö | 50[3] |
| Ina perusahaan | Meta Platforms |
| Bolokha gu'ö | www |
Waö-waö
bulö'ö2009-2014
bulö'ö
Sanga'asogö WhatsApp no ya'ira sotöi Brian Acton ba Jan Koum. Me luo da'ö mohalöŵö ira nasa ba Yahoo.
Me Januari 2009, me la'öli khöra HP (li Inggris handphone sasese la'adogo'ö faoma HP ba Indonesia) nifazökhi Apple sotöi iPhone, i'anema'ö la'ila potensi aplikasi toko nifotöi App Store si so bakha ba iPhone andrö.
Aefa da'ö möi ira lafalukhaisi Alex Fishman, sawösa nawö Koum si toröi ba West San Jose. Lafatunö khönia zanandrösa sambua aplikasi si tumbu ba dödöra si tola mama'oheö turia ba mangoroma'ö hadia tokhai ba gu'ö (internet) niha somasi tafa'ohe'ö turia andrö ma zui lö'ö (li Indonesia status).[6] Aboto göi ba dödöra wa moguna khöra samösa zamazökhi aplikasi (li Inggris developer) ba wanga'asogö aplikasi andre. Ihalö ginötönia Fishman ba wamokai bolokha gu'ö (li Inggris website) sotöi rentacoder.com, isöndra samösa niha Rusia sotöi Igor Solomennikov, sangila mamazökhi aplikasi, ba ifalukhaisi ia khö Koum.
Ibe'e döi aplikasi si bohou andre Koum WhatsApp, si terongo hulö What's up, eluahania hadia duria ba li Inggris. Me 24 Februari 2009 ifasura'ö döi perusahaan nibe'era töi WhatsApp Inc. ba dadaomania ba California.[7]
Versi si föföna WhatsApp andre mo'amböta sibai ba ibe'e asese agakandro komputer (li Inggris crash). Börö da'ö awuwu dödö Koum ba tumbu ba dödönia wangalui halöŵö bö'ö. Ba hiza irara dödönia Acton, iŵa'ö baloi mato ha'uga waŵa tö.[6]
Me Juni 2009 ifa'olo Apple nifotöi push technology, sambua teknologi same'e ena'ö ibe'e tandra khö zokhö ya'ia HP (ibe'e terongo li ping) na tohare sambua turia ma zui tebulö'ö status niha si fa'ila khöda.[8]
Me la'efasi versi 2 i'anema'ö tobali ato niha sangoguna'ö ya'ia irugi 250.000 niha. Heŵa'ae mohalöŵö Acton ba sambua perusahaan bö'ö, i'etu'ö fao ia ba perusahaan WhatsApp.[8] Ba Oktoer 2009 ifarou dalima nawönia sohalöwö ba Yahoo Acton ena'ö lalului wanga'asogö $250.000 modal WhatsApp. Tobali göi Acton awö-samasindro ba möi khönia ösa saham perusahaan.[8]
Meno mato ha'uga waŵa latandraigö ia, la'efasi aplikasi WhatsApp me November 2009 ba HP iPhone. Aefa da'ö ifohalöŵö nawönia Chris Peiffer Koum ba wamazökhi aplikasi WhatsApp sofanö ba BlackBerry. Ha dua waŵa ba no i'awalisi wamazökhi ya'ia.[8] Me 2010 omasi i'öli WhatsApp Google, ba hiza lö itema WhatsApp.[9]
Ena'ö tola ibu'a mböli wama'ohe'ö turia WhatsApp, ibali'ö aplikasi si lö böli tobali so mböli. Me Desember 2009 lanönö lala wama'ohe'ö gambara ba WhatsApp versi iPhone. Ba mböröta ndröfi 2011 tobali WhatsApp sambua ba gotalua aplikasi iPhone fondrege oya la'oguna'ö niha ba Amerika.[8]
2014 irugi ma'ökhö
bulö'öMe 19 Februari 2014 ifa'olo Facebook wa no i'öli WhatsApp, fa'ebua mböli 19 miliar dollar AS.[10]
Agustus 2014 no so töra 600 juta zangoguna'ö WhatsApp[11] ba ba Februari 2016 töra 1 miliar.[12]
Aefa tobali okhöta Facebook, ifa'asogö WhatsApp lala ena'ö tola fatelefon zangoguna, tenga ha mama'ohe'ö turia. April 2015 no sa'ae tola faoma fatelefon darua niha ba WhatsApp.[13]
Bolokha komputer si so WhatsApp
bulö'ö- Apple iPhone
- WhatsApp Web
- Microsoft Windows ba Mac
- Apple iPad
Teknis
bulö'ö- Enkripsi
- WhatsApp Payments
- WhatsApp Cryptocurrency
Fangoguna'ö
bulö'öWhatsApp tola te'oguna'ö ba HP iPhone, BlackBerry, Android awö Symbian (Nokia). Ba hiza moguna lafa'anö aplikasi WhatsApp ba HP-ra niha ena'ö tola la'oguna'ö WhatsApp. Aplikasi andrö lö böli (gratis) ba tola mufailo ia moroi ba Play Store khö Google ma zui moroi ba mbolokha gu'ö (website) WhatsApp.
Onönötania moguna göi tefaböbö sambua nomoro telefon ena'ö tola auri ia. Baero da'ö si lötolalö'ö tokhaigö ia ba internet mangoguna'ö nifotöi data. Na so zi dua ngawalö andre ba i'anema'ö ofeta oi ngawalö duria nifa'ohe'ö niha si fa'ila khöda ba tola fahuhuo ita khöra he faoma nirongo ba wiso simane telefon si to'ölö ba he göi faoma ni'ila hörö (video).
Tenga ha turia nisura tola lafa'ohe'ö niha. Tola göi lafa'ohe'ö gambara (foto, video) ma zui berkas komputer simane berkas PDF, doc, txt, btn.
Tandra duria
bulö'öBa WhatsApp so sambua dandra sangoroma'ö hadia no tefa'ohe'ö ba no ofeta duria nifa'ohe'öda:
- tandra ✓: no tefa'ohe'ö ba hiza lö nasa ibokai sanema ya'ia
- tandra ✓✓: no ofeta ba hiza lö nasa ibokai ia sanema ya'ia a
- tandra ✓✓: no ibaso ia sanema ya'ia[14]
- tandra 🕑: lö nifa'ohe'ö duria, mombaloi irege tokhai HP ba gu'ö (internet).
Umbu
bulö'ö- ↑ "Whatsapp.com Traffic, Demographics and Competitors - Alexa". www.alexa.com (ba li Inggris). Arsip moroi versi asli irugi 2 October 2018. Mufaigi me 8 May 2019.
- ↑ Ainsley O'Connell (February 21, 2014). "Inside Erlang, The Rare Programming Language Behind WhatsApp's Success". fastcompany.com. Mufaigi me December 20, 2017.
- ↑ Metz, Cade (15 September 2015). "Why WhatsApp Only Needs 50 Engineers for Its 900M Users". Wired. Mufaigi me 2 August 2016.
- ↑ Ba li Inggris telefon nigokhögö latötöi handphone. Andrö asese la'adogo'ö wanötöi ya'ia ba Indonesia HP
- ↑ Hartanto, AAT: " Panduan Aplikasi Smartphone", halaman 100.Gramedia Pustaka Utama, 2010. ISBN 100-6762-33-5
- ↑ 6,0 6,1 Parmy Olsen (February 2, 2014). "Exclusive: The Rags-To-Riches Tale Of How Jan Koum Built WhatsApp Into Facebook's New $19 Billion Baby". Forbes. Diarsipkan dari postingan aslinya February 20, 2014. Diakses 26 Maret 2021
- ↑ "Article of Incorporation on California's Secretary Of State website". Archived 2022-03-18 at the Wayback Machine February 24, 2009.
- ↑ 8,0 8,1 8,2 8,3 8,4 Parmy Olsen (February 2, 2014). "Exclusive: The Rags-To-Riches Tale Of How Jan Koum Built WhatsApp Into Facebook's New $19 Billion Baby". Forbes. Diakses 26 Maret 2021
- ↑ Neeraj Arora (July 3, 2020). Neeraj Arora on learnings from his WhatsApp journey. Accel India. kutipan pada menit ke-19.
- ↑ Neal, Ryan W. (February 20, 2014). "WhatsApp Investors Make Billions From Facebook Acquisition: Sequoia Capital Sees 50x Return on $1.3 Billion Investment". IBTimes.com. Diarsipkan pada 1, 2018. Diakses kembali 28 Maret 2021.
- ↑ Olsen, Parmy (August 25, 2014). "WhatsApp Hits 600 Million Active Users, Founder Says". Forbes. Diarsipkan dari postingan asli pada 29 September 2014. Diakses kembali 28 Maret 2021.
- ↑ Statt, Nick (February 1, 2016). "WhatsApp has grown to 1 billion users". The Verge. Vox Media, Inc. Diarsipkan pada April 13, 2016. Diakses kembali 28 Maret 2021.
- ↑ WhatsApp finally adds voice calls for all Android users, iOS coming soon Diarsipkan June 12, 2020, melalui Wayback Machine – James Vincent, The Verge, March 31, 2015
- ↑ "Apa artinya tanda centang biru di pesan WhatsApp?". Arsip moroi versi asli irugi 2016-03-06. Mufaigi me 2015-01-13.