Økokrim

	Økokrim
	;
Type	Kriminalpoliti
Org.nummer	874761532
Skipa	1989
Hovudkontor	Ibsenkvartalet
Verkeområde	Noreg
Tilsette	152 (2016)
Eigarskap	Politidirektoratet
Nettstad	http://www.okokrim.no/

Økokrim (Den sentrale eininga for etterforsking og påtale av økonomisk kriminalitet og miljøkriminalitet) er ein nasjonal politietat oppretta i 1989. Økokrim etterforskar og påtaler økonomisk kriminalitet og miljøkriminalitet.

Økokrim er eit politiorgan med påtalekompetanse. Dette gjer at organet både er underlagt Riksadvokaten og Politidirektoratet.

I tillegg skal Økokrim samarbeide med andre nasjonale og internasjonale styresmakter. Dei skal òg ha ein rådgjevande funksjon for sentrale styresmakter.

Historie

Økokrim kan førast tilbake til ei gruppe for økonomisk etterforsking oppretta ved Kripos i 1977. I 1978 fekk han namnet Avdeling for økonomisk etterforskning. Avdelinga utvikla spesialkompetanse innan etterforsking av økonomisk kriminalitet og fekk ansvaret for å bistå politidistrikta i økonomiske saker. I 1989 vart så denne avdelinga skilt ut frå Kripos og skipa som eit eige politiorgan med påtalestyresmakt under namnet Økokrim. Første sjef for Økokrim var Lars Oftedal Broch, seinare høgsterettsdomar. Han vart etterfølgd av Anstein Gjengedal, seinare politimeister i Oslo og Einar Høgetveit, nå lagrettssdommer. Dagens sjef er Trond Eirik Schea.

Leiarar for Økokrim

Lars Oftedal Broch (1989–1996)
Anstein Gjengedal (1996-2000)
Einar Høgetveit (2000–2008)
Trond Eirik Schea (2008–2019)
Pål Lønseth (2020–)

Organisasjon

Økokrim er organisert i tverrfaglege einingar sett saman av etterforskarar med politibakgrunn eller økonomisk, datateknisk eller annan relevant fagbakgrunn. Dei fleste einingane er leia av juristar (førstestatsadvokatar).

Bedrageriteamet
Bistandsteamet
Heleri og Kvitvaskingsteamet
EFE Teamet (Einingar for Finansiell Etterforsking)
Konkursteamet
Korrupsjonsteamet
Miljøteamet
Skatte- og avgiftsteamet
Skatte- og konkurranseteamet
Utbytteteamet
Verdipapirteamet

Kjelder

↑ Talet på tilsette i følge Norsk samfunnsvitenskapelig datatjenestes forvaltningsdatabase

Denne artikkelen bygger på «Økokrim» frå Wikipedia på bokmål, den 20. februar 2009.

Bakgrunnsstoff

Offisiell nettstad

[1] Talet på tilsette i følge Norsk samfunnsvitenskapelig datatjenestes forvaltningsdatabase

[1]