Baskarfjella

Baskarfjella er ei lita fjellkjede nord i Spania. Ho vert vanlegvis rekna som den austlege delen av Dei kantabriske fjella. Fjellkjeda går gjennom regionen Baskarland og dei vestlege områda av Navarra.

Baskarfjella
Fjellkjede
Alluitz, typisk kalksteinsfjell i Baskarfjella
Land	Spania
Grensar til	Dei kantabriske fjella, Pyreneane
Høgaste punkt	Aitzkorri
•  høgd	1 551 moh.
- koordinatar	42°57′N 02°19′W
Geologi	kalkstein
Baskarfjella 42.95°N 2.3166666666667°W / 42.95; -2.3166666666667
Wikimedia Commons: Mountains of the Basque Country

Geografi

Baskarfjella er ein overgangssone mellom to større fjellkjede, Dei kantabriske fjella i vest og Pyreneane i aust. Geologar kallar området «Den baskiske terskelen» og somme reknar Dei kantabriske fjella og Pyreneane som ei enkel, stor fjellkjede, og Baskarfjella som ein del av begge.

Baskarfjella består av to parallelle ryggar som går frå vest til aust, ein indre og ein ute ved kysten. Mellom dei ligg eit 500 meter høgt platå kalla Llanada Alavesa (Alavaslettene) der Vitoria-Gasteiz ligg. Aust for Llanada ligg den smale dalen Burunda og Barranca (eller Sakana på baskisk) mellom dei to ryggane. Urbasa-Andia ligg i sør og Sierra de Aralar ligg i nord. I dalen ligg gjennomfartsårer mellom Vitoria-Gasteiz og Pamplona.

Klima

Aratz frå Alava (Llanada Alavesa).

Ryggen som ligg nærast kysten er ein del av vasskiljet mellom Middelhavet og Atlanterhavet, og klimaet nord for fjella er mildare og meir maritimt, typisk for det såkalla grøne Spania, medan områda sør for kystfjella og langs den indre ryggen er kalde og snørik, og om sommaren tørrare og varmare enn dei nordlege fjella. Generelt har dei baskiske kommunane sør for denne fjellkjeda eit meir kontinental middelhavsklima med mindre nedbør og mykje kaldare vintrar enn kommunane ved kysten nord for fjellkjeda.

Snødekket er uregelmessig gjennom vinteren. Frå november til april kan ein ha snødekke i Baskarfjella over 700 meter over havet, men dei varierande vêrtilhøva i Biscayabukta kan både føre til stort snøfall og brå temperaturstigingar på grunn av fønvind der snøen smeltar på få dagar. Den brå snøsmeltinga kan føre til flaum, særleg på slettene nord i Alava.

Massiv

Txindoki i Aralar.

Hernio.

Fjellkjeda har moderate høgder. Aitxuri (1551 moh) i Aitzkorrimassivet er det høgaste punktet.

• Dei største massiva i den indre fjellkjeda er frå vest til aust:
  • Sierra Salbada (Orduña)
  • Fjella i Gasteiz, det viktigaste er Kapildui (1177 moh)
  • Izki
  • Urbasa, eit 1000 meter høgt platå
  • Andía, med det imponerande Beriain (1493 moh)
• I kystfjella er dei største massiva frå vest til aust:
  • Gorbea (Gorbeia) 1481 moh, det høgaste punktet i Bizkaia.
  • Urkiola, Anboto (1331 moh) er den høgaste toppen.
  • Elgea
  • Aitzkorri
  • Altzania, Aratz er den høgaste toppen (1442 moh).
  • Aralar, den mest kjende toppen er Txindoki (1346 moh)

Andre viktige fjell nærare kysten er Ganekogorta, Oiz, Sollube ,Arrate, Kalamua og Hernio

Mount Oiz.

Natur

Fjellkjeda består nesten heilt av kalkstein, men ein finn òg enkelte andre bergartar. Fjellsidene er heller slake, men det finst fleire bratte kalksteinsklipper der ein finn gribbar.

Området har ein rik vegetasjon med bøk, eik og bjørk, og andre tresortar som den kantabriske steineika og montereyfuru. Sistenmnde er kunstig innført for plantasjar.

Bakgrunnsstoff

• Fjell i Baskarland

Kjelder

• Denne artikkelen bygger på «Basque Mountains» frå Wikipedia på engelsk, den 11. mai 2009.
  • Wikipedia på engelsk oppgav desse kjeldene: