Gunnar T. Rysstad

Gunnar Torgeirsson Rysstad (27. mai 1867–23. mai 1926) var ein norsk gardbrukar, diktar, ordførar og stortingsmann frå Valle kommune.

Gunnar T. Rysstad
Statsborgarskap	Noreg
Fødd	27. mai 1867
Død	23. juni 1928 (61 år)
Yrke	politikar, lyrikar
Språk	norsk
Politisk parti	Høgre

Rysstad var son til gardbrukar i Valle. Han gjekk amtsskulen i 1881/82 og folkehøgskulen Vonheim 1884/85. Handelsmann på Rysstad 1889-90. I 1896 tok han over slektsgarden Straume i heimbygda, og dreiv denne sidan.

Han gav ut fleire diktsamlingar, det mest kjente diktet, «Eimhesten», skreiv han til opninga av Setesdalsbanen i 1895, der det vart framført som ei kantate. Rysstad gjendikta «Deilig er jorden» som «Fager er jordi», trykt i Syn og Segn i 1900, som sidan kom med i Nynorsk Salmebok.

Rysstad var i fleire år medlem av heradsstyret, ei tid som ordførar. Han var 3. representant for Nedenes amt og Samlingspartiet på Stortinget 1904-06. Medlem av protokollkomiteen.

Han vart tildelt 7. juni-medaljen.

Rysstad døydde 1926 på garden sin, Straume i Valle.

Bibliografi

• Sukk og song, 1888
• Femti dikt, 1890
• Hugsjaa, 1896 -
• Vaarnott, 1904
• Orren spelar',' 1915
• Vigleik, 1912 Historisk skodespel
• Hugsjaa - Nyutgivelse ved Olav Bø i 1967

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Bokmålswikipedia

Bakgrunnsstoff

• Valle kommune Gards og ættesoge Hylestad bind 1 side 208
• Biografisk informasjon om Gunnar T. Rysstad NSD Norsk senter for forskningsdatas politikararkiv
• Gunnar T. Rysstad hos Aasentunet