Haryana

Haryana er ein delstat i India. Han grensar mot Panjab og Himachal Pradesh i nord, mot Uttaranchal og Uttar Pradesh i aust, mot Rajasthan sør og vest, og omsluttar saman med Uttar Pradesh hovudsstadsterritoriet Delhi.

Haryana
delstat
Symbol
Forkorting: IN-HR
Land	India
Hovudstad	Chandigarh
Største by	Faridabad
Areal	44 212 km²
Folketal	27 761 063 (2016)
Grunnlagd	1. november 1966
Språk	hindi, punjabi
Haryana 29.193657°N 76.324586°E / 29.193657; 76.324586
Kart som viser Haryana. Kart som viser Haryana.
Wikimedia Commons: Haryana

Hindutempel i Panchkular i Haryana.

Haryana blei skild ut frå Panjab i 1966. Grunngjevinga var språkleg – innbyggjarane her er hovudsakleg hinditalande, medan fleirtalet snakkar panjabi i Panjab. Fleire panjabarar er også sikhar, medan fleirtalet i Haryana er hinduar. Samstundes er dei fleste innbyggjarane i begge statane jatar. Ved opprettinga blei Chandigarh delt hovudstad. Etter planen skulle denne overførast til Punjab i 1986, men dette skjedde ikkje.

Delstaten har ein stor industriproduksjon med fabrikkar særleg i Gurgaon, Panchkula, Panipat, Faridabad og Bahadurgarh. Delstaten produserer halvparten av alle personbilar og motorsyklar laga i India, 30% kjøleskap, 25 % av traktorar. Staten står også for 20 % av eksporten av vitskaplege instrument og 33 % av indisk programvareeksport. Fleire nasjonale og internasjonale selskap held til her. Bilfirmaet Maruti har hovudkontor i Gurgaon.

Kjelder

• Denne artikkelen bygger på «Haryana» frå Wikipedia på engelsk, og «Haryana» frå Wikipedia på dansk den 24. mars 2010.

Bakgrunnsstoff

Commons har multimedium som gjeld: Haryana

• Offisiell nettstad
  Denne geografiartikkelen som har med India å gjere, er ei spire. Du kan hjelpe Nynorsk Wikipedia gjennom å utvide han.